مشكله فاميه وارجو منكم الحل

**agwaa** · 15-06-2011 04:25 PM

السلام عليكم أحبتي
السلام عليكم يا دكتور وألف ألف سلامة عليك
وحسبي الله ونعم الوكيل .. يبدو إن الشرطة ناوية ترجع بقلة أدبها تاني
المفروض هناك قانون .. وروح القانون ( الجزء المرن من القانون ) والذي يتعامل مع الإستثناءات ...
لكن عندنا قلة الأدب .. وقلة الفهم وقلة .. وقلة ......
ومع إحترامي الشديد لوزير الداخلية الجديد ( وهو راجل محترم جداً على ما أسمع ) لكن يبدو إننا لا ينفع معنا الإحترام
الرجل بيقول كلام والناس المتعبة بتعمل كلام تاني ( بدليل إن سيادتك بتقول إن الضباط كانت رتبهم تتراوح من ملازم أو ملازم أول ( دبورة أو إثنين )
يعني عيال فافي ( توتو وسوسو ) وبيتمنظروا على خلق الله ..
طيب هقول المفيد ...
أولا زي ما الإخوة الأفاضل أفادوا سيادتك ( يعني ولا يهمك صحتك هي الأهم وحاول تبعد عن ولود التييييييييييييت دول )
ثانياً : أنا سمعت شخص ( والله الشخص دة حكى لي واقعته وجهاً لوجه ) إنه إتخانق مع الضابط وعسكريه وقال للضابط بنبرة حادة ( بزعيق ) موش من حقك تتديني مخالفة أو تسحب الرخص إلا في وجود الشرطة العسكرية ( لأن الجيش هو إللي ماسك البلد اليومين دول ولا يخفى ذلك على أحد ) الضابط قال له خلاص إستنى جنبي لما أطلب لك الشرطة العسكرية بتاعتك .... رد عليه صاحبنا وقال له أنا إللي هجيبهم لك بنفسي .. ( لأن صاحبنا كان له ظهر في الجيش )
المهم صاحبنا دة خطف الرخص من العسكري وركب عربيته وقال لهم أعلى ما في خيلكم إركبوه وشد ( عمل أمريكاني ...)
ولما سألته طب لما إنت بالشجاعة دي بتديهم الرخص ليه من البداية ... قال لي أنه كان فاكر إنهم عايزين يشوفوا الرخص علشان العربيات المسروقة ولأنه متأكد من عربيته سلمهم الرخص أه .. كنت هنسى الحوار دة كله كان بسبب بوستريك موضوع على جانب السيارة ( ملصقات يعني ) مع إني شايف إن الملصقات دي لا تؤثر على أداء السيارة أو أداء القيادة ... إلخ
على ما يبدو أنهم زي الكلاب تخش عليهم بصدرك يكشوا ... تتمسكن يتنططوا عليك ( وبلاش اللفظ التاني )
والظاهر إن البلد دي ولا 100 ثورة هتغير فسادها وفاسدينها ...
وعجبي ..
مواطن مالوش ظهر غير ربنا هو حسبه ونعم الوكيل

**mahmoud311** · 15-06-2011 09:01 PM

ربنا يعفيك يارب ويشفيك ويشفى مرض المسلمين ...........مش عايزك تتخنق من اللى حصل انا زيك حاسس ان مفيش تغير
وفى هبل وعبط وعنطزه كدابه.....المهم انا مع الراى انك تجيب شهاده بان الشمس ضاره عليك وتطلع تصريح بالفاميه وكده يبقى انت ريحت نفسك واكيد هتلاقى كمان فى طلوع التصريح استفزار ..عدى واستحمل لما نشوف اخرها ايه

**samsong** · 15-06-2011 09:22 PM

المشاركة الأصلية كتبت بواسطة sha2e

فى دلوقتى غرمات فوريه فعلا وبقالها شهر كمان والظابط كتبلك المخالفه دي لان الغرامه الماديه بتاعتها قليله لان الفاميه سحب رخص واجراء فحص للعربيه فعملك مخالفه بسيطه وخلاص ودي حاجه كويسه منه

بخصوص الفاميه حاول تمشي قانوني
بعد ما تخلص الامتحاناتك اطلع على الدكتور بتاعك وخد منه شهاده طبيه معتمده بحالتك الصحيه
وخدها واطلع على المرور وقولهم الوضع كذا ودى شهاده بكده وانا عايز تصريح بزجاج ملون غير حاجب للرؤيه نظرا لحالتى الصحيه واثبتها فى الرخصه
كده مش قدامهم غير تلات حلول انهم يدوك التصريح او انهم يبعتوك لعمل كومسيون طبي للتأكد من حالتك الصحيه
او انهم يرفضو وفى الحاله دي تطالبهم بحاجه تثبت رفضهم لطلبك و حقك انك تلجأ للوسائل القانونيه وتشتكيهم وتحولهم للتحقيق وهتطلعها فى الاخر

الخلاصه : انت من الحالات الاستثنائيه الى من حقها تركب زجاج ملون وطالما الحق معاك يبقى تخده وبالقانون كمان

تحياتي

+111111111111111111111111111

**Dr.M.Mowafy** · 16-06-2011 12:14 AM

party_0000
جزاك الله كل خير وبانتظار ردك وربنا يجزيك كل خير يااارب
MIGOS
الله يسلم حضرتك يااارب ومفيش كلام يتقال فعلا بعد كلامك لخصت الليله كلها
agwaa
الله يسلم حضرتك يااارب وبجد قولت كلام نفسي اقوله والله وفعلا انا بيبقي نفسي اعمل زي صاحب حضرتك كده بس للاسف انا معنديش ظهر في البلد دي يعني ولو الواحد عمل كده يخاف يتشد بقي وهم عالم الواحد يقول عليهم ايه بس ربنا ينتقم منهم يااارب
mahmoud311
عملت كده فعلا بس للاسف رفضوا الطلب وقالولي اقعد في بيتك بدل ما تنزل الشارع مادام غلط عليك ومش هنعرف نعملك حاجه خلي العربيه تكون جايه بفاميه وبعدين نبقي نرخصهالك بقي ( اه اصل انا هروح ادفع 200 الف ولا زياده علشان اجيب عربيه وماله ما بنتلاقي الفلوس في الارض زيهم ولا يمكن الفيرنا بتنزلهم هم فاميه ناس واصله بقي
samsong
انا فعلا رحت بس رفضوا للاسف والله
وعلشان كده كتبت هنا وبحاول اشوف حل او تدلوني علي حل لاني تعبت بمعني الكلمه من البلد دي ده الواحد بيخاف يقف قدام ظابط مش علشان حاجه ده حتي لو في المستشفي وفي ظباط الواحد بيخاف يعدي من جمبهم