الموضوع: تفتكروا ليه الحكومة ما حطتش حد اقصى للأجور ؟

المشاركة الأصلية كتبت بواسطة human12

انا بتكلم عن نظام
مش بتكلم عن اشخاص ممكن موجودين او لأ
بس الثابت ان القطاح الخاص بياخد كتير من العام
و هنا تأتى المشكله
بس لو هو لا فلته ولا مميز
يبقى ياخد القرشين و يعمل شغله
بس فنفس الوقت لو حد لامع و بيدى فعلا ماينفعش توقفه بحد معين لان المكسب وراه اكيد اكبر
يعنى لو حضرتك عارف ان اخرك 10 الاف مثلا فى الشغل بتاعك و انت بتقوم بيه على اكمل وجه و تقريبا مافيش حد هيقوم به زيك
تحب يبقى سقفك هما العشره دول و تيجى شركه تقولك تعالى خد 100 ولا المكان اللى انت فيه و بتحبه يقولك خد 50 و خليك معانا؟
زى حسن شحاته - بيدوله 120 الف تقريبا فى الشهر و احنا بقول كتير
بس ماحدش بيفكر انه لو راح دوله عربيه هيبقوا 120 الف دولار مش جنيه
فيبقى انك راضيته وفنفس الوقت لو قلت السقف 40 الف اكيد كان هيمشى
هيه معضله و حاجه تحرق الدم
بس يا رب اوعدنا

انا حاسس انك بتتكلم في فئة و انا باتكلم في فئة تانية خالص , يعني على سبيل المثال , انت ذكرت مثال بحسن شحاتة (و انا باعتبر الفنانين و بتوع كرة القدم بالذات حالة خاصة لأنهم عالميا اسعارهم عالية و في نفس الوقت حاجة ما تعتبرش اولوية في البلد خالص) , هل مثلا رئيس هيئة كذا اللي بياخد 200 ولا 300 الف ولا اكتر (كان بيقال ان رئيس هيئة قناة السويس بيلهف شهريا مليون جنيه ) ده لو راح حتة برة هاياخد ربعهم ؟

المشاركة الأصلية كتبت بواسطة زينة الله

أنا سمعت جزء من كلام وزير المالية و قال >> إن الحد الأدنى 700 جنية
و الحد الأقصى 36 ضعف الحد الأدنى لأن متوسط سنين عمل الفرد فى مصر 36 سنة
و كمان بيقولوا >> إن الهيكل الجديد للأجور بيزيد كل خمس سنين 500 جنية

36 ضعف يعني حوالي 25 ألف جنيه
بكل ثقة باقول لك مش هايعملوها لأن الرقم ده بالنسبة للبلاوي اللي بيقبضوها الكبار

المشاركة الأصلية كتبت بواسطة i_am_legend

نفس الكلام دة انا قريتة فى الجورنال امبارح والله العظيم الثورة دى راااااحت ولا ليها اى ستين لازمة ٧٠٠ جنيه دة ااقل شقة دلوقتى ايجارها ٥٠٠ جنيه ويركب مواصلات بالباقى وشكرااااااااا ولا جواز ولا اكل ولاشرب ولا كروت شحن ولا ماية ولا نور ولا حتى جوز شوز من باتا ولا اى الهواااااا وزير المالية دة مش عاجبنى وشكلة كدة فى الضياااااع

جميل , ناوي تعمل ايه ؟

المشاركة الأصلية كتبت بواسطة ralliart

الكلام مش على رؤساء الهيئات والكفائات الكلام على الرقابة على الوكالات اللي من غير بواب زي مستشاري الوزراء وامناء الجامعات و....
يعني مثلاً في قيادات في جامعة القاهرة بتاخد مكافئات في الشهر بتعدي 500 الف جنيه بالقانون!!!
ووزير التعليم العالي اعترف انهم بياخدوها بالقانون عادي وانه لسة هيشكل لجنة علشان تنظر في المكافئات وتعدل القوانين عما يكونو لهفولهم كام مليون ،يعني الاطباء يقبضولهم 300 جنيه وامين جامعة ظابط شرطة سابق يعمله كام مليون في السنة!! ايه الكفائة اللي تأهله انه ياخد الفلوس دي وتفتكرو لو قللو مرتبه في جهة تانية هتاخده ب500 الف؟؟ هو بيدخل للجامعة كام

ما هو لو كان في حد يحاسبهم زي القطاع الخاص ويشوف هما بيجيبو من وراهم كام وبيقبضو كام مكانش حصل كدة
للعلم باراك اوباما بيقبض 400 الف دولار في السنة!

الله ينور عليك يا باشا