اجيال الهوندا سيفيك

**basemsaeed** · 08-06-2011 08:52 PM

السلام عليكم و رحمة الله و بركاته

ازيكم جميعا؟؟
يا رب تكونوا جميعا بخير

بعد اذنكو كنت عاوز اسأل على اجيال الهوندا سيفيك من اول الجيل الاول لحد الجيل الاخير(بش عارف الرابع ولا الخامس)
و بعد اذنكو يكون محدد السنوات و ياريت كمان لو فيه صور لكل موديل,يبقى ربنا يباركلكم
و مستني ردكم و جزاكم الله خيرا

**No Comment** · 08-06-2011 11:02 PM

أتفضل ...
http://en.wikipedia.org/wiki/Honda_Civic

**No Comment** · 09-06-2011 12:49 AM

للاسف معلومات ويكبيديا بالعربى محدودة فى بعض المواضيع ... خدلك انت بقى كورس انجلش .

**SAMEH_FOUAD** · 09-06-2011 01:06 AM

المشاركة الأصلية كتبت بواسطة basemsaeed

متشكر جدااا لردك
بس سؤال كده,,هل نفس السنة اللي مكتوبة في الموقع
هي السنة اللي نزلت فيها كل موديل فعلا هنا في مصر ولا نزل بعديها؟؟؟؟
و بعدين هي الهوندا ما شاء الله وصلت للجيل الثامن عندنا هنا؟؟
و هل نفس المواتير نزلت هنا برده؟؟؟

متشكر جداا لردك,معلش حتقل عليك
بس كنت عاوز اعرف من اول الجيل الخامس لحد الجيل الثامن
ايه هو الاختلاف الميكانيكي سواء ماتور او عفشة .......الخ
و ابقى متشكر جدااا لحضرتك

اهلا بيك ياباشا نورت قسم هوندا

بالنسبة لموديل الهوندا فهية اصلا العربية بتنزل هناك مثلا للموديل بتاع الجيل الخامس كان اولة 92-95 هو بينزل برة اواخر سنة 1991 عادى الطبيعى بتاع البلد يعنى

اة طبعا الموديل الحالى هو الجيل الثامن للهوندا والجيل التاسع نزل بس هيكون موجود خلال اول اربع شهور من العام 2012

الاختلاف الميكانيكى للجيل الخامس والسادس زى بعض بالظبط اللى بيركب هنا بيركب هنا مع بس الاعتماد بنسبة كبيرة جدا على المحرك ال 1500 انجيكشن فى الجيل السادس مقارنة بالجيل الخامس الذى كان يتوافر بمحركات 1500 وال 1600 , مع وجود محركات للجيل السادس 1600 بس نادرة جدا

بالنسبة للجيل السابع فنزل من عام 2001 الى 2005 مع اختلاف كامل فى كل شىء عن الاجيال السابقة سواء المحرك او العفشة ولكن اصبح بمحرك 1500 فقط وتم عمل face lift للموديل اخر عام 2003 ولكن ايضا اصبح يحمل اسم الجيل السابع , الجيل الثامن اختلف اختلاف شامل كل ارجاء السيارة من اول مسمار الى اخر مسمار مع الاعتماد على محرك 1600 كامة واحدة وطبعا محرك مختلف نهائى تكنولوجيا ولكن السر هو ان المحركات من موديل 92 الى 2000 واتحدث عن ال1600 سوءا كامة واحدة او 2 كامة اقوى من المحركات الحديثة بعد تخطى سرعة ال100 وذلك بفضل قوة المحرك 130-137 حصان للقديم مع وزن اخف وثبات اعلى فى نظرى من خلال التجربة مقابل 125 حصان ووزن اكبر

واى استفسار الهونداوية فى الخدمة

**SAMEH_FOUAD** · 09-06-2011 03:36 PM

المشاركة الأصلية كتبت بواسطة tarekzein

وابقى إنجلش لانجوج زى تامر بتاع غمره

لأ ياعم

هيقولوا عليا فلول .... أنا كده زى الفل

بجد بقى

المصطلحات الميكانيكيه المعقده مش كلنا عارفين ترجمتها

لو تعرف تحط روابط باللغه العربيه يبقى 100 ...100

ياباشا اللى انت محتاجة من اى مصطلحات قولى عليها وانا اجاوبك

**SAMEH_FOUAD** · 10-06-2011 03:06 PM

بالنسبة للاسعار فانا هقسملك الفئات لكل جيل اللى منشترين فى مصر

اولا : الجيل الخامس يتكون من ثلاث فئات : el , ex , si

1- el : سعرها بيبدأ من 33 الف الى 36 الف جنية ودية اقل اوبشن فى الجيل دة فاضية مافيهاش غير تكييف ودية 1500 كربراتير

2- ex : سعرها بيدأ من 35 الف الى 38 حسب الحالة والفابريكة برة وجوة بيوصل الى 40 الف ودية اوبشن بس ماتور 1500 كبربراتير

3- si : سعرها بيبدأ من 42 الف جنية الى 48 الف جنية والفابريكة بيوصل ل50-52 الف ودية فول اوبشن + ماتور 1600 انجيكشن

ثانيا : الجيل السادس : بيتكون من اربع فئات : lxi, exi , vti , sir

1- lxi : ودية فاضية خالص مافيهاش غير تكييف واتوماتيك وماتورها 1500 انجيكشن وبيدأ سعرها من 46 الف الى 48 الف وممكن توصل 50 الف لو فابريكة برة وجوة

2- exi : ودية هاف اوبشن بس فيها كل حاجة وفيها ايرباج واحدة وبتعمل من 52 الف الى 55 الف ولو فابريكة برة وجوة 58 الف وبردة 1500 انجيكشن

3- vti : بيبدأ سعرها من 58 الف الى 61 الف جنية لو فابريكة برة وجوة بتوصل الى 63 الف جنية ودية كاملة فول اوبشن + 2 ايرباج + Abs ومحرك 1600 كامة واحدة

4 - SiR : بيدأ سعرها من 63 الف الى 65 الف جنية ولو فابركية بتوصل الى 68 الف ودية فول اوبشن + محرك 1600 2 كامة 170 HP

ثالثا : الجيل السابع : بينقسم الى فئتين بس LXI , EXI

1 - LXI : ودية اوبشن اقل وسعرها بيبدأ من 65 الف الى 68 الف محرك 1500 انجيكشن ( موديل سنة 2001-2003)

2- EXI : ودية فول اوبشن بمحرك 1500 انجيكشن بمحرك 1500 سى سى انجيكشن بيبدأ من 70 الى 73 الف جنية ( 2001 - 2003)

3- LXI : ودية بردة الاوبشن الاقل بمحرك 1500 انجيكشن بتعمل من 75 الى 78 الف جنية ( 2004-2005)

4- EXI : الاعلى اوبشن بمحرك 1500 سى سى انجيكشن بتعمل من 80 الى 85 الف (2004-2005)

بالنسبة لاحسن جيل فى الثبات والمحرك وبردة فول اوبشن الجيل الخامس والسادس

الجيل السابع من سنة 2001-2003 كويس بس غير منتشر قطع غيارة غالية وغير متوافرة استيراد ومحركها بطىء كاستجابة واقصى سرعة ليها 180 كم والشكل الموديلات اللى قبة احسن فى الشكل

اما بالنسبة لموديل 2004-2005 كويس جدا وشكلة حلو بس قطع غيارة قليلة ونفس المحرك بردة بطىء

دة هيفرق حسب الموديل اللى انت بتفكر فية والفلوس اللى معاك

-

-

-

-

الموضوع: اجيال الهوندا سيفيك

LinkBack

أدوات الموضوع

عرض

اجيال الهوندا سيفيك - انشر الموضوع فى :

-

-

المواضيع المتشابهه

معلومات هامة عن اجيال هوندا سيفيك

اجيال الهوندا اكورد .... اجيال تربعت على القمه

ما مدى ارتفاع الهوندا سيفيك

فئات الهوندا سيفيك

حد جرب بنزين 95 فى الهوندا سيفيك

الكلمات الدلالية لهذا الموضوع

المفضلات

المفضلات

ضوابط المشاركة