الموضوع: Dsl اتصالات - ارجو المساعده

الحمد لله
المشكله اتحلت يا جدعاااااااااااااااااااااا ااااان
طلع العيب بقى ايه
ان هناك اختناق فى السنترال
و تم شراء باند من المصريه للاتصالات و تم زيادة سعه السنترال
(اكيد ماعملوش كل ده علشان خاطرى انا لوحدى :) )
-----------
و لا انسى ان اخص بالشكر الجزيل و الامتنان لرجلى نايل موتورز
استاذ احمد كمال :
الراجل بعتلى و لقيت تليفونى مابطلش رن من ناس فى اتصالات بيسألوا عن المشكله و انسب الحلول مع اعتذارات وافيه و كله يختم المكالمه لو فى اى حاجه بلغ باشمهندس احمد و احنا هانتصرف
حاسس ان احمد كمال مشارك فى الشركة و احنا مش عارفين :)

اما الرجل الاخر الذى اكن له بكل احترام لمتابعته المشكله من اولها الى اخرها و الاطمئنان الى ان المشكله قد تم حلها هو الاستاذ على ابوطالب

و هذا ليس بستغرب من الشخصيات الفريدهه التى تضم هذا المنتدى و الواحد فى قمة فخرة و تفاخره بها امام اصدقائه فى العالم الطبيعى

فجزاهم الله كل خير
-----------------------------------------------------------
استفسار بسيط مش القصد منه حاجه الا انى اريد ان افهم فقط

قبل تدخل الرجاله
كانت هناك اتصالات عديده بخدمة العملاء و المبيعات و روحت الفرع فى السويس
و دوخت معاهم من شيل الخط و رجعه تانى و حط الخط من غير اسبليتر و جرب طيب اطفى و جرب
و سمعت تعليقات كتير
كان منها اصل الخط بتاع السنترال الخاص بك نحاسى فالنحاس بيتمدد الصبح و السرعه بتبقى كويسه انما بالليل العكس

ما علينا من كل ده لان المشكله طلعت ان حجم الباند اللى شارياه اتصالات من المصريه للأتصالات لهذه المنطقه صغير و تم زيادته
بس كان حظى حلو انهم كانوا فى المرحله الاخيره من الزياده يعنى ما انتظرتش كتير
يادوب حوالى 14 يوم او اكثر
------
طيب لو مكانش الرجاله اتدخلوا كان هايبقى ايه الوضع
تانى حاجه انا دافع سنه مقدم
طيب ليه من الاول وافقوا على اشتراكى
و كمان اتصلوا بى و قالولى الخدمة دخلت

لا اقول ان شركة اتصالات نصابه و بتدخل كله مع بعض و اشياء من هذا القبيل
و الصراحه انا اتعامل معها فى usb مودم منذ اكثر من 3 سنين و عمرى ما اشتكيت و احس فيهم باحترام كثير ماشوفتوش فى شركات تانيه
بس برضه مش فاهم اللى حصل حصل ازاى
و لا انا اللى متحامل او فاهم غلط

مرة اخرى اشكر باشمهندس احمد احمد كمال و باشمهندس على ابو طالب