الموضوع: لا جيش ولاشرطة هو زي ماقالها احمد السقا انا الحكومة

ربنا يشفيه و يعافيه و يرجع لبيتة بالسلامة ان شاء الله , يا ريت تطمنا عليه اول لما تعرف جديد

المشاركة الأصلية كتبت بواسطة wassof

معلش انا حالتي النفسية متدهورة بجد
لي ان عرفت ان زميلنا في الشغل مش انضرب بي النار في قدمة لا دة مضرب بي شيئ في دماغة ادي الي كسر في الجمجمة ونزيف داخلي ربنا يستر يارب وفي الأنعاش
ربنا يفرج كربة وكرب كل مسلم ويشفي كل مريض مسلم
انا حالتي النفسية متدهورة لي اني هتجوز اخر الشهر وهقعد برضه في الرحاب وهو في الرحاب يعني لقدر الله ممكن يحصلي كده
معلش انا قولت هو ساكن في الشروق معلش غلطة مطباعية تخيل حالتي عاملة ازاي وانا شغلي في التحرير وشغلي من 12 ساعة من 8 الي 8 يعني اكيد هروح بليل الرحاب يعني ممكن لقدر الله كأس ممكن أشرب منه وغيري وغيري صح ولا ايه يبقا انا ليه ادوق الكاس ده وفي سبيل ايه ؟

السلام عليكم

حضرتك توكل على الله و كمل حياتك و اتجوز و اسكن فى الرحاب عادى , و مش معنى ان الرحاب بعيدة او الشروق بعيدة يبقى الدنيا مش أمان , أمر الله هيحصل فى أى مكان سواء كنت فى الرحاب او حتى وسط ميدان التحرير و هو فيه مليون واحد.

ربنا يحفظنا و يحفظ مصر و أهلها من كل شر و سوء

ياريت العادلي يرجع تاني عشان يرجع الامن والامان للبلد اللي خربت دي اللي مش باينلها قوما
الواحد كل يوم يسمع حاجات تشيب الراس من سرقه وقتل واغتصاب فين مصر اللي كانت مثل اعلى في الامن دي الحاجة الوحيده اللي كانت كويسة في البلد

المشاركة الأصلية كتبت بواسطة ziours

ياريت العادلي يرجع تاني عشان يرجع الامن والامان للبلد اللي خربت دي اللي مش باينلها قوما
الواحد كل يوم يسمع حاجات تشيب الراس من سرقه وقتل واغتصاب فين مصر اللي كانت مثل اعلى في الامن دي الحاجة الوحيده اللي كانت كويسة في البلد

يا سيدى الفاضل يعنى لما كان العادلى موجود مكنش فى حوادث قتل و اغتصاب و سرقة و تثبيت للناس فى عز النهار , كل الحوادث دى كانت موجودة و الشرطة كانت شغلتها هى انها تجرى ورا الاخوان و شباب الحركات الاحتجاجية , بالله عليكم كام مرة تحصل خناقة او حادثة فى الشارع و نتصل بالقسم و النجدة و محدش كان بيهتم لانهم عارفين ان الكبار بيحاسبوهم على حاجات تانية و ان امن الشارع دة أخر الاهتمامات .

الفرق ان أمن الدولة كان بيتحكم فى نشر كل الاخبار و تقراء الجرايد الحكومية و تحس ان البلد واحة الامن و الامان .

دة رأى و الله أعلم

ربنا يحفظ مصر و أهلها من كل شر و سوء