هل للباور ستيرنج دور في الموضوع

**verna2008auto** · 12-06-2011 01:07 AM

المشاركة الأصلية كتبت بواسطة semsem kane

المشاركة الأصلية كتبت بواسطة verna2008auto

المشاركة الأصلية كتبت بواسطة semsem kane

المشاركة الأصلية كتبت بواسطة verna2008auto

المشاركة الأصلية كتبت بواسطة semsem kane

المشاركة الأصلية كتبت بواسطة verna2008auto

المشاركة الأصلية كتبت بواسطة semsem kane

بالنسبة لباور الفيرنا فهو بيعمل بالزيت اما بالنسبة لانحراف التوجية ناحية اليمين مع الضغط على الفرامل يبقى حضرتك تروح تكشف على الزويا كويس او احد من البارات الموجودة فى علبة الدركسيون لان انت بتقول ان كل حاجة عندك تمام حتى الزوايا وضغط الهواء لائما بقا فية عندك عيب فى احد مساتر الفرامل بيخلى العريية تقفش جنب عن جنب اقوى يبقى حضرتك تريح نفسك وتروح مركز محترم يسحبلك هواء من الاربع عجلات وتعوض الزيت اللى نزل وتجيب زيت فرامل نظيف زى مثلا bendex dot 3 او موبيل او شيل dot 4 وان شاء الله المشكلة هتتحل

سيدي الفاضل انا متشكر لردك بس سيادتكم انا لما بادوس فرامل (( الدركسيون ثابت في مكانة ومش بينحرق- ولما ازود بنزين فجأة بردة الحمد لله ثابت ) يبقي اعتقد ان مشكلة الهوا اللي في ماستر الفرامل ( وعن تجربة للتأكد من ان الاربع عجلات بيقفشو سوا تم تجربة الموضوع ده علي طريق سريع ودوسة فرامل علي سرعة50-60 علشان الكاوتش مايتاكلش واستخدمت الفرامل العربية ثابتة تماما وشوفت اثر الكاوتشين الاماميين علي الاسفلت وطبعا الخلفيين مش باينين اوي ) يبقي اعتقد مش فية شيء تاني هوا اللي بيزود عزم الدريكسيون الي اليمين بس انا مش عارف اية هوا تم الكشف علي الكبالينج والبارات و تم تغيير مسمارين السنتريك زوايا خلفي بجداد وتم قياس مسافات ( الشمعدان) ومطابقتة بالجديد تمام وطبعا باقي مكونات الرفع الامامية علبة الدريكسيون وخلافة...... مش عارف اعمل اية --- تعبت من قله خبرة الناس والمراكز المحترمة اللي انا بروحلها ودفعت فلوس كتيييير بدون فائدة... معلومة * انا مستلم العربية كده زيرو بس الموضوع دة زاد بعد 3 سنوات .... ياريت ماتقوليش ده عيب صناعة قاتل! شكرا علي الاهتمام

طيب تمام من كلام حضرتك كدة ان الفرامل عندك ماشاء الله ممتازة وبتقول انك ظبط زوايا قبل كدة ومافيش فيها اى حاجة

طيب ان كل مشكلتك انك لما بتسيب الدركسيون بتلاقى الدركسيون بيروح ناحية اليمين , طيب هاقولك على حاجة جربها وشوف النتيجة

بدل العجلة الخلفية بتاعة الكاوتش اليمين بالامامية يمين , لو لقيت اى تغير قولى اية اللى اتغير

تمام وان شاء الله مافيش عيب فى العربية ولا حاجة

شكرا شكرا جدا للاهتمام اصلا والمعلومات القيمة دي
انا فعلا ما كدبتش خبر وأخدت بعضي فورا ونزلت للعربية وعملت كده .. ومارضتش اسيب ايدي من علي الدركسيون قبل ما اروح لمحطة ( ان زا رن ) عندهم جهاز ظبط هوا ارقام وظبطهم 28

ومشيت علي الدائري رايح وجي ..
وللاسف (( النتيجة هيا هيا ))
الدركسيون في النصف (( تمام التمام ))
تسيبة يروح يمين حوالي درجتين وبالتالي العربية معاة ........

طيب ممكن اركب علاية علي السستة اليمين (( -- يعني ممكن يكون مشكلة ارتفاعات ))؟؟

شكرا جدا

طيب كدة الامور وضحت ياباشا انت بتقول الدركسيون بيحود يمين يبقى الجنب دة خفيف يبقى كدة عندك البارة الداخلية هية اللى خفيفة

طيب انا عايز اعرف منك حاجة لما انت بتركن مثلا هل بتحس ان فية جنب بيلف اسهل من جنب ولا الاتنين تقل واحد ؟؟؟

لان كدة مشكلتك فى نظام التوجية نفسة مش فى اتزان او ضغط هواء العربية , لان العربية لو فيها الحاجات دية هتلاقى الدركسيون ثابت مكانة والعربية بتتجة ناحية اليمين مثلا

فياريت بس تجاوبنى وان شاء الله نحل المشكلة

الله اكبر .. يا باشا انتا قلت تمام اللي انا بعاني منة ( جنب بيلف اسهل من جنب )
بمعني اليمين سهل جدا الشمال تقيل حبتين بس ماشي طبعا مش بيزرجن

دة اية ؟؟ ويتحل إزاي
انا متشكر جدا جدا جدا جدا

طيب كدة تمام اكشف على البارة الداخلية لعلبة الاسكترا وبارة الطرف واحدة منهم هتلاقى العيب منها

شكرا سيدي الفاضل .. علي الاجابة والحل
بس ممكن تقولي اقول إيو بالظبط للشخص اللي ها يشوفها

يعني اقولة (( شوف البارة الداخلية لعلبة الاسكاترا )) يعني ده مسمي دارج واله علمي علشان انا رحت لناس كتير (( مابتعرفش غير التأليف ))

ولو لاقدر الله فية مشكلة في البارة دي (( هل ممكن تتغير لوحدها )) واله علبة الاسكاترا كلها ؟؟؟

شكرا لاهتمامك

**verna2008auto** · 12-06-2011 01:13 AM

المشاركة الأصلية كتبت بواسطة smsm_nabawy

[color="rgb(65, 105, 225)"][/color]
[color="rgb(65, 105, 225)"]التوكييل !! [/color]
[color="rgb(65, 105, 225)"][/color]
[color="rgb(65, 105, 225)"]:))))[/color]

لا يا فندم ،، أنا مش من الفضاء والله ،، أنا من أهل الأرض !! :))

=============================

سؤال أخيير بس ،،

الكلام ده بيحصل مع حضرتك في أي طريق ولا في طرق معينة فقط

و على أي سرعة ولا على سرعات معينة فقط ؟؟

الكاوتش الي حضرتك مركبه ،، مشيت بيه كام كيلو ؟؟

و هل عيرته بطريقة المقص .. للحفاظ عليه ؟؟ ولا مركبه و خلاص !!

الكلام ده بيحصل في كل الطرق
الكلام ده بيحصل علي سرعات هادية 40+50+60+70+80 وبيخف علي اكتر من كده
الكاوتش عامل 6.000 كيلو
الكاوتش اتعمل كروسات مرة واتعمل امامي خلفي امامي خلفي مرة
مركب جنوط مش جنوط بلدي والكاوتش بريدج ستون اصلي ومظبط الهوا اللي جوة 28

ممكن سؤال ..

هل انتا بتتكلم عن الهيونداي والة عن عربية تانية ؟؟؟

**smsm_nabawy** · 12-06-2011 01:23 AM

لا أنا بتكلم عن عربيتي ،، تاي هي في الصورة و المعلومات ،، الي هيا شاهين !! :))

عامةً دي مشكلة شدادات تحتية و سكترا ،، مش حتطلع منهم

**SAMEH_FOUAD** · 12-06-2011 03:19 AM

مافيش حاجة فى الفيرنا اسمها شداد تحتى

الشاهين سيارة دفع خلفى عفشتها مختلفة عن الدفع الامامى عموما

**smsm_nabawy** · 12-06-2011 03:16 PM

المشاركة الأصلية كتبت بواسطة semsem kane

مافيش حاجة فى الفيرنا اسمها شداد تحتى

الشاهين سيارة دفع خلفى عفشتها مختلفة عن الدفع الامامى عموما

اه فعلاً ،، أخدت بالي ،، شكراً على التوضيح أخي سمسم !! :)

مع أني اعرف ان في شدادات عادي في العربيات الجر الأمامي ،، الي بيختلف أسمه من شداد لشمعدان "ده حسب معرفتي السطحية في الموضوع ده"

عامةً هي حاجة غلط في نظام الستييرينج نفسه !! لأن حسب كلام الأخ صاحب الموضوع !! العفشة سليمة و الحمد لله ،، هي و الكاوتش !!

يبقى مافضلش غيره !!

عامةً ،، أرجو من الله ،، أنك تكتشف العيب بسرعة و تصلحه أن شاء الله في أقرب وقت

تحياتي !! :)