السلام عليكم

انا عارف اني تاعبكم معايا و كل فترة اعمل موضوع اسال فيه بس انا اصلي خلاص زهقت و تعبت من كتر التفكير

انا دلوقتي محتار بين عربيتين و عارف اني الاختلاف بينهم كبير و دي فئة و دي فئة تانية خالص
بعد لما كنت خلاص مستريح لساجا بس حصل اني زمايلنا هنا في المنتدي اشتكوا من بعض الامور اللي حصلت معاهم فجأة كده خصوصا موضوع زي المساعدين و موضوع تاني عن فتح الايرباج مع حادث بسيط جدا دا كله خوفني تاني من الساجا و قلقت

فابتديت ادور من الاول و جديد تاني و شفت عربية اسمها سوزوكي سيليريو و واضح اني شكلها مش وحش و حاولت ادور عن كذا موضوع عنها في منتدي السوزوكي و مالقتش حد مشتكي منها حتي الان و واضح انها موفرة جدا في البنزين و نقطة البنزين دي مهمة جدا بالنسبة ليا و تقريبا ياباني بس انا مش متاكد علشان مش عارف تقفيلها فين بالضبط و الناس اللي اشتريتها بتقول انها مش صغيرة من جوة و اني تقفيلها ممتاز و خاماتها ممتازة بس الشنطة بتاعتها صغيرة حبتين و طبعا عربية هاتش يبقي غالبا مفيهاش شنظة تقريبا


المهم دلوقتي انا اسرتي مكونة من 3 افراد العبد لله و زوجتي و طفل لسه شهور و الحمد لله فموضوع الوسع من جوه مش ضروري اوي بس انا خايف اندم اني مفيش شنطة خصوصا اني ممكن اسافر بيها برده مرة او اتنين في السنة بجانب اني فرق السعر بين الساجا الاوتو و السوزوكي الاوتو 3 الاف جنيه خصوصا اني ناوي اجيب زيرو لاني بقلق من المستعمل و هاقسط و امري لله يعني انا ملزم العربية تفضل معايا فترة مش اقل من 4 او 5 سنين

ايه رايكم