الظاهر ان مفيش فايده

**M.Mostafa80** · 12-06-2011 11:30 AM

النهارده نازل وبقول يافتاح ياعليم يارزاق ياكريم وطريقى من الهرم لميدان الجلاء من خلال كوبرى الجيزه اطلع الكوبرى الاقى خير الله ما اجعله خير مساعد شرطه موقف نزلة شارع مراد قافل ليه ياعم اصل فى خناقه تحت وناس معوره بعضها وطبعا كداب البيه قافل عشان فى مسئول معدى وانا لاحظت دا قبل كدا قفلت فى دماغى وقلت مش هنقبل بالذل دا اتانى قعدت ازعق وسمعت اللى حواليا كلهم انو قافل الطريق عشان مسئول معدى الشباب الذى الفل نزل وبص تحت لقو مفيش حاجه
من اللى بيقول عليها البيه الكداب وفتحنا الطريق ومشينا
لسه بهوات الداخليه ممشينها زى ما هى
وطبعا مساعد الشرطه خاف على نفسه لأن الناس كلها هاجت لما اكتشفت كدبه

**dr.amr** · 12-06-2011 11:34 AM

ريح اعصابك تحرك فردي لن يفيد
انا زهقت الدنيا مبتتحركش
حاسس اننا بنرجع واحده واحده لورا
عايزين زقه تانيه
عموما الوضع لن ينصلح الا اذا تم انتخاب رئيس عايز يعمل حاجه للبلد
غير كده مفيش فايد

**تامر.محمد** · 12-06-2011 11:37 AM

الله يحرق بهوات الداخلية دول

**w-m-a** · 12-06-2011 11:53 AM

امبارح الساعه 7.30 مساءً قدام جنينه الحيونات
بيه على موتوسيكل بتوع الحرسات عرض قدام الاشاره
والبهوات الضباط عملوا ايه
سابو الى جاى من مراد على الى فى الملف على الى داخل الجامعه يلبسوا فى بعض
وطبعا بقى العطله من الناس مش من التشريفه مرسيدس و2 بيجو و3 موتوسيكل ملكى بس معاه مسدسين
طبعا انا تقريبا اتصرفت زى حضرتك
والنقيب الموجود قالى معلهش يا حاج اصل الناس مش عاوزة تلتزم بصتلوا بقرف وقلتلو اه اصل كله من الحيوان الى كان راكب الموتوسيكل ابو قميص وصديرى ........
سكت ووقف ينظم المرور وطبعا التشريفه بقت فى البحر الاعظم لأن الطريق بقى قدامه ووراه فاضى
لنا الله

**dr.amr** · 12-06-2011 11:55 AM

المشاركة الأصلية كتبت بواسطة m.mostafa80

لو كل واحد قال كدا يبقى مفيش تحرك هيتم لازم اى واحد شايف حاجه غلط يتكلم وهتلاقىة الناس وراه
أمين

لا بص مهو انت هيعديك عشان عملتله مشكله
لكن فكرك هو هيبطل يقفل الطريق
ابدا
انا قصدي ان الدنيا محتاجه زقه تانيه
عشان احنا بنرجع للوضع السابق بدون ما نشعر
التحرك الجماعه بيكون مؤثر اكتر
انا شايف ان الثوره التانيه هتكون مفيده
وان شاء الله هشارك فيها
زي ما شاركت في الاولي من يوم 26 يناير

**human** · 12-06-2011 12:12 PM

احنا اسفين يا مسئول

**M.Mostafa80** · 12-06-2011 01:15 PM

المشاركة الأصلية كتبت بواسطة dr.amr

لا بص مهو انت هيعديك عشان عملتله مشكله
لكن فكرك هو هيبطل يقفل الطريق
ابدا
انا قصدي ان الدنيا محتاجه زقه تانيه
عشان احنا بنرجع للوضع السابق بدون ما نشعر
التحرك الجماعه بيكون مؤثر اكتر
انا شايف ان الثوره التانيه هتكون مفيده
وان شاء الله هشارك فيها
زي ما شاركت في الاولي من يوم 26 يناير

أنا معاك لكن الموضوع مش محتاج تنظيم ثورات تانيه الموضوع محتاج ان كل واحد شايف حاجه غلط وواضحه وظاهره انها غلط انو يتكلم ويفهم اللى حواليه
لكن فى حدود الأدب يعنى مثلا الأمين دا رد عليا ووقفلى قدام العربيه وقالى شيلنى او اخبطنى كان ردى عليه لأ طبعا مش هعمل كدا لأنى عارف كويس ساعتها ايه اللى ممكن يحصل تلفيق قضيه تعدى على موظف اثناء تأديه عمله لأكن والحمد لله ربنا ادانى الحكمه انى اوصل صوتى واسمع اللى حواليه هما واقفين ليه وعشان خاطر مين وبالتالى الكل انتصر على الجزء الحق انتصر على الباطل

-

الموضوع: الظاهر ان مفيش فايده

LinkBack

أدوات الموضوع

عرض

الظاهر ان مفيش فايده - انشر الموضوع فى :

-

-

-

-

-

-

المواضيع المتشابهه

معنديش امل مفيش فايده

مفيش فايده!محدش عايز يرد؟؟؟؟؟

كنت هموت تانى مفيش فايده

كنت هموت تانى مفيش فايده

الكلمات الدلالية لهذا الموضوع

المفضلات

المفضلات

ضوابط المشاركة