الموضوع: ايه رأيكم في اللي حصللي؟؟

السلام عليكم ورحمة الله وبركاته

أنا حصللي موقف منرفزني بقالي اسبوعين فحبيت أطرحه عليكم .. من اسبوعين قلت لخالي ياخد العربية يغيرلها زيت لظروف دراستي وعدم تفرغي لذلك وأيضا لمعرفته متخصصين في هذا المجال أكثر مني .. المهم أخد مني المفاتيح وخد العربية وغيرلها زيت ورجعلي المفاتيح في اليوم اللي بعده .. ملحوظة : السيارة بومه موديل 2010 ماكملتش 2500 كيلو حتي الأن وتبصلها تفتكرها لسه طالعة من المعرض .. جيت أفتح الجراج بعدها بكذا يوم عشان أطلع السيارة وجدت منظر صعقني ونرفزني بشدة .. الكبوت مليان خرابيش واضحة وكتيرة جدااا ,, كان في حكة صغنطوطة من فترة في الرفرف الخلفي لقيت الدهان اللي في مكان الحكة قشر .. ووجدت أساسا السيارة تم تلميعا لأنها أساسا كان عليها تراب لأني مش بنزل بيها كتير .. أنا سألت بعض المقربين لي فأخبروني ان صاحب المكان اللي راحتله السيارة متعود انه يمسح العربية ويظبطها كويس من بره قبل ما يسلمها .. فأنا دلوقتي شاكك في العاملين بالمكان انهم همّا اللي عملوا الخرابيش دي .. فالسؤال دلوقتي,,, أعمل ايه ؟؟؟ مش عارف أروح أقول ايه وأيضا مش عارف الخرابيش دي هتتعالج ازاي؟؟!! برجاء محاولة ابداء الرأي لأني بجد متضايق بسبب اللي حصل ده .. وجزاكم الله كل خير

هو الحل اللي قاله استاذ باسم كويس جدا
وحاول تسأل خالك على الخرابيش دي بسبب ايه
كان في حكة صغنطوطة من فترة في الرفرف الخلفي لقيت الدهان اللي في مكان الحكة قشر .
مش عارف بقى دي ممكن تحصل لو السيارة اتلمعت ولا لأ.