ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

على قكره الموضوع شامل لكل الاقسام مش لشيفورليه بس

اصل انا حصلى مواقف تشيب وفعلا حزام الامان ده اهم حاجه فى العربيه

وهحكيهم بس لما اسمع الاعضاء الاول

بس انا عايز شرح تفصيلى عشان نتخيل الموقف كويس مش كلمتين وخلاص

ويجعله عامر (حبيبى والله ياعمده) انت دمك زى العسل

فكرتني بالذي مضي ياباشا زمان كنت في السعودية وكان معانا كابريس كلاسيك وكنت مسافر بيها للرياض والطريق للي مايعرفش طرق السعودية عرض الطريق 10 حارات في كل اتجاه وبين الاتجاهين حاجز خرساني كنت دائما اشغل مثبت السرعة واعيش مع نفسي في كل السفريات بالمنظر ده لغاية ما في اليوم ده كرهت حاجة اسمها مثبت السرعة ساعتها كنت ماشي تقريبا 170 او 180 وماشية امامي سيارة نصف نقل وكانت المسافة بيني وبينه حدود 30 متر تقريبا واحنا الاتنين ماشيين اقصي اليسار وفوجئت بدون اي مقدمات من سائق السيارة النصف نقل دي انه وجد حتة مكسورة في الحاجز الخرساني الي بين الاتجاهين فقرر انه يلف منها طبعا علي سرعة رهيبة كده مستحيل راح ضارب فرامل مره واحده وراح لافف من خلال الفتحه الصغيرة الي في الحاجز كل ده في خلال ثانيتين او 3 ثواني طبعا انا مش عارف ازاي ربنا سترها ومالبستش فيه بس كل الي عملته اني كسرت الدريكسيون اقصي اليمين والعربية عندي قعدت تعمل اخماس في اسداس من ستر ربنا ان الطريق كان فاضي ساعتها وإلا كان حصل ما لا يحمد عقباه طبعا بتاع النص نقل اول ما شاف عربيتي بتعمل كده اخد ديله في اسنانه وقال يا فكيك وتوته توته خلصت الحدوته وربنا يستر علي الجميع ان شاء الله

كنت نازل الصبح بدري رايح مشوار فسخنت العربيه عادي و حسيت ان في حاجه مش مظبوطه اول ما اتحركت بالعربيه فقولت اكيد عشان ماسخنتش كويس ماشي 70 80 90 100 ابتديت اشم ريحه مش كويسه طالعه من التكييف قولت حسبي الله و نعم الوكيل اكيد الفلتر مليان تراب و لما وقفت بالعربيه نزلت و مشيت

رجعت لقيت ريحه العربيه زي ماتقولو ....:019F3B~14:.... بصيت تحتها مفيش حاجه طيب في الشنطه مفيش بردو دورت العربيه لقيت في صوت عالي من الكبوت اول مره اسمعو المروحه شغاله بس بترزع
امت فاتح الكبوت بالصدفه لقيت منظر بشع :no2::no2::no2:المرحومه القطه متفرتكه و اعدت في الارض مش عارف اعمل ايه و الناس رايحه جايه تتفرج عليا بس الحمد الله قولت لوالدي خد اتصرف انتا مع العربيه عشان بطني مقلوبه

اظن كده موقف تفصيلي عشان يعيشك في الجو يا ميمو

كنت هتفرم بين مقطورة وباسات في غرزة من اليمين على الدائري وكاسر ال٢٠٠كم\س!!!!

وبلاش شتيمة عشان عارف إني غلطان ومكررتهاش تاني

كنت شاري العربية جديد والغرور واخدني و
كنت بحاول اسبق اتوبيس من اليمين في مطلع كوبري في طريق اسكندرية الزراعي وجايب حاولي 160 حاجة كده ولسة انا في وسط الاتوبيس الكوبري ابتدي رحلة الهبوط واكتشف اني ادامي عربية كارو جاررها حمار وحصان (أل هتفرق )
والفرامل عمرها ما هتسعف فكان ادامي 3 حلول 1 انط من العربية علي السرعة دي
2 انط من الكوبري في الترعة اللي تحت ولا النيل مش فاكر بالظبط بالعربية
3 ألبس في الكارو
وسبحان الله قررت الحل الرابع وربنا يبارك في ماتور الهوندا كبست بنزين جبت بالعربية تقريبا 190وسبقت الاتوبيس وعديت من الفراغ اللي بين الكارو والاتوبيس وركنت على جنب في منزل الكوبري ومتحركتش غير بعد نص ساعة
الحمد لله ربنا ستر
ياه فكرتوني بموقف من 6 سنين
الدرس المستفاد متسبئش حد في مطلع كوبري ابدا لأنك مش كاشف الطريق

كنت مسافر اسكندرية ومعايا مراتي والاولاد الساعة كانت 4 عصرا وبعد بوابه القاهرة بـ 40 كيلو في اتجاه الاسكندرية كان قدامي ماتريكس على بعد 15 متر منى وانا كنت ماشى بسرعة 100كم/س (احنا الاتنين فب الحارة الى في النص)وفجاءة لقيتة بيرقص قدامي يمين وشمال انا قلت ده اكيد سكران او بيلعب بالعربية وفجاءة لقيتة انحرف ناحية الشمال وخبط في الحاجز الخرسانى واتقلب في نفس اللحظة لقيت فيرنا سودا جايا عكسي طايرة وماشيا في الحارة الى فى النص اتاري الغلبان بتاع الماتريكس كان بيحاول يفاديها (عشان كدة كان بيرقص بالعربية) وفاديت الفيرنا والماتريكس بمعجزة ومعرفتش انا عملت اية بالظبت (مراتي قالتلى بعدين اني جيت شمال فاديت الفيرنا وبعدين رديت يمين وفاديت الماتريكس) ووقفت على اليمين وحاولت القط نمرة الفيرنا ولكن مالحقتش وجريت على الماتريكس الى كان فيها راجل ومراتو وسواقين النقل اتلمت وطلعناهم الحمد لله سلام وطلبت النجدة والاسعاف (عربيتين اسعاف جم بعد 5 دقايق بالظبت والنجدة بعد 1:30.

اشكر الله الى نجاني انا وولادى وزوجتى واشكر عربيتي اللى للولا ثباتها مش عارف كان حيبقى ايه مصيري

بردوا في صلاح سالم كنت ماشي 90 -100 الطريق فاضي بس كان قدامي تلات عربيات في التلات حارات و غالبا ماشيين بنفس السرعه و نفس المسافه فجاه العربيه ألي قدامي انحرفت يمين مره واحده و هوب ب ب ب ب ب ب لقيت واحد واقف في نص الطريق معرفش يكمل تعديه الشارع ادامي بحوالي 3 متر

و كويس انو متحركشي كان زمانو طار و انا في طره ربنا ستر الحمد لله فاديته بعجوبه و تقريبا قفلي المرايا اليمين

كنت راجع من مدينه نصر و نزلت من كوبري 4.5 في اتجاه شيراتون و كان يوميها الدنيا بتشتي بغزاره من حوالي شهرين كده فطبعا ماشي 60 70 بالكتير اوي ي :16:

لغايت بنزينه وطنيه كدا كانت في عربيه النترا ماشيه جمب مني 70 نفس سرعتي و الطريق بيلف بينا عند دخله المطار الارض كانت ناشفه شويه فقلت ازود 80 و الالنترا علي يميني و انا علي الشمال فجأه ببص علي الالنترا لقيتهه بتلف (دريفت) جمب الرصيف و بعد كدا نزلت في حفره مليانه ميه لقيت زي موجه كدا ادامي غطت علي الازاز لمده 3 ثواني كده و مش شايف نهائيا و كنا باليل ساعيتها و والدتي صرخت امت عامل المساحه و دايس فرامل العربيه اتزحلقيت شويه بس ظبطتت تاني الحمد لله و قعدت بعد الحوار ده تقريبا ساعه مش مصدق اني نجيت الحمد لله

في مواقف تانيه بس مش عاوزقو تزهقو مني:untitled 1:

هاحكى لكم على موقف .كنت لسه متعلمة السواقة فى الاول وماشية تقريبا على 90 وبعدين لقيت الطريق فاضى اودامى .فجيت علشان الف قلت ما دام الطريق فاضى هاخد الملف على سرعتى .فبلف على نفس السرعة فلقيت عربية معرفش ظهرت منين
بتلف من تحت الكوبرى .زى كانه ماشى على الزراعية تماما من غير ما يهدى .المهم مش هطول عليكم العربية عامت منى واتفديت العربية التانية باعجوبة .وربنا ستر.بس انا اتخضيت جدا ومسكت اعصابى بصعوبة
طبعا انا كنت غلطانة وفرحانة بنفسى .ضيفوا بقى على كده غشومية السواقة فى الاول .
وكمان صاحبنا اللى كان بيلف وفاكر نفسه ماشى على الزراعية .ههههههههههه
ربنا يسترها معانا كلنا
الحمد لله ربنا ستر

كنت مع واحد صحبي وكان ماشي على 80 فلقى واحد صاحبه ماشي قدام فقام جاري عشان يجيبه فبعد مجابه سلم عليه من جوا -شبه مبيعمل سواقين الميكروباصات كدا- وراح التاني مغلس عليه وشادد
راح دا ليه وليه كدا راح جاري وراه المهم عداه بدل بقى ميهدي مصر انه يجري وراح ماشي على 120
وكان ماشي في الحارة اللي في النص جه لقى الشارع بيقف قام اخد شمال لقى العربية اليل قدامه اخدت عجلة من الحارة مش نافع يدخل والعربية بتجري قام خابط في الرصيف ورجع على العربية راحت العربية راده على الرصيف لقينا نفسنا مقوبين في النحية التانية
وسبحان الله العربية لفت ونزلت بينا النحية التانية

جمباز جانبي:16:

بصراحة الواحد حس انه اتولد من جديد

كفاية اصلا ان العربيات اللي جية عكسي مشلتناش ولا كنا وقعنا بالعربية مقلوبة

والأغرب من كل دا -سبحان الله- كل اللي باظ في العربية شويت خربيش والعجلتين الي في الجمب االلي قدام اتعوجت والطاسات اتكسروا ... بس,,:36_1_50[1]:

فى الرياض كنا راكبيين كامري انا و والدي وكنا فى اشاره فاضيه فالحاره اللى فالنص وبعدين فتحت لسه بطلع لقينا عربيه جايه من اقصي الشمال بسرعتها (100 تقريبا) عايزه تاخد الاشاره و تخش يمين خبطنا جمبو اليمين واتقلب حوالي 5 او 6 مرات وخبط فعمود فالناحيه التانيه من الاشاره ولطش عربيتين
الولد طار من العربيه وجالو تربنه و عربيتو بقت كوم صفيح واحنا الحمد لله وش العربيه طار بس وفتحت ايرباج
وهعمل ابلود للصور بس اخلص الامتحان ده عشان هدور عليها

والله موضوع جميل ومواقف صعبه فعلا:funny34d:

الف حمدا لله على سلامه الجميع
وربنا يستر طريقنا جميعا

الموقف ده حصل معايا من 6 أو 7 سنين تقريباً
كنت مع إبن عمي و كنا جايين من شيراتون رايحين على عمارات العبور .. و في الفترة دي كان إبن عمي من النوع اللي بيجري جامد و ياخد غرز غشيمة شويتين .. فكان بيجري في صلاح سالم و مقضيها غرز هوب الطريق زحم فماشيين براحة لقينا فورد توروس جاية جنبنا فيها إتنين رجالة كبار بتاع 50 سنة تقريباً واللي سايق من ناحية إبن عمي بيشتمه بأمه ... فإبن عمي تلقائياً راح شاتمه بنفس الشتيمة .. راح الراجل كاسر علينا و موقف الطريق و راح نازل من العربية هوة و اللي معاه .. إبن عمي ساعتها كان بيلعب تايكوندو و كان معاه حزام أسود فنزل بقى مش هامّه عامل حسابه لو قلبت خناقة إنه مش هيتضرب و نازل يشتم بقى و داخل يمسك في الراجل و أنا كنت لسة نازل من العربية .. هوب لقيت الراجل بيزعق بأعلى صوته و بيشتم و راح مادد إيده في المنطلون و مطلع طبنجة 8 مم و موجهها ناحيتنا و بيزعقلنا بأعلى صوته " خشوا جوة العربية ياولاد التيييييييييييت " !! منظر الراجل ساعتها كان يخض لأنه كان أبيضاني و وشه أحمرررررررر بطريقة غريبة ... طبعاً إحنا وقفنا متثبتين بتاع نص دقيقة كدة و هوب رحت أنا ناطط في العربية و إبن عمي ورايا .. الراجل ركب عربيته و مشي ..و إحنا من كتر سيبان الرُكب متحركناش بالعربية!
و من ساعتها تقريباً إبن عمي بطَل يجري في صلاح سالم تاني :grin54:

الحكاية دي حصلت معايا ايام اللانوس
ماشي على البحر و في امان الله
واحد من اللي بياخدو الطريق كلة غرز دا اخد غرزة من ورايا وطالع قدام فا عربية قفلت علية .. لقيتة بيرمي عليا فا انا تلقائيا رايح الحارة التانية بعد ما اتأكدت ان مفيش حد ورايا .. بس متأكدتش من اللي قدامي
لقيت الحارة فاضية عشان فيها عيلة كاملة واقفة عشان تعدي الطريق .. طبعا مع فرامل اللانوس اللي كانت بعافية مكنتش هلحق نفسي .. رحت رامي على الواد بتاع الغرز دا تاني و الحمد لله عدت على خير

انا كونت مسافر زمان بعربيتى الاولى 128 و اكنت موديل 74 ياعنى مفيهاش سيرفوا !!! المهم كونت ماشى حوالى 110 و دى طبعا سرعه لايستقل بها فى 128 المهم كونت ماشى على طريق زراعى و كان فردى و فجاءة سائق عربيه ربع نقل يركن على اليمين فى المقبل و يعدى الشارع من غير ميبص ولا يمن ولا شمال و انا جاى فى وشه الحصل انى وقفت على الفرامل لدرجه ان الكوتش طلع دخان ابيض و كونت بحول اكسر بعيد عنه بالعفيه ( طبعا مش معايا abs ) و المهم فديته و هو فى نص العربيه او بمعنى اصح جمبى لقيت ان شنطه العربيه هتشيله لان العربيه حدفيت عليه من ورا بس السرعه رحت سايب فرامل بسرعه علشان العربيه تتعدل و اعرف اتحكم و الحمد لله ملمستوش بس الموقف كان معجزه بالنسبه ليا لدرجه ان الناس فى العربيه الورايه قالوا 100% تصرف سليم وانا طبعا كونت صغير و فرحت جدا:baby25: بس طبعا دمى هرب و فضلت وقف بتاع 5 دقايق كده و بعدين مشيت

اقتباس:

---

المشاركة الأصلية كتبت بواسطة medododo

كنت شاري العربية جديد والغرور واخدني و
كنت بحاول اسبق اتوبيس من اليمين في مطلع كوبري في طريق اسكندرية الزراعي وجايب حاولي 160 حاجة كده ولسة انا في وسط الاتوبيس الكوبري ابتدي رحلة الهبوط واكتشف اني ادامي عربية كارو جاررها حمار وحصان (أل هتفرق )
والفرامل عمرها ما هتسعف فكان ادامي 3 حلول 1 انط من العربية علي السرعة دي
2 انط من الكوبري في الترعة اللي تحت ولا النيل مش فاكر بالظبط بالعربية
3 ألبس في الكارو
وسبحان الله قررت الحل الرابع وربنا يبارك في ماتور الهوندا كبست بنزين جبت بالعربية تقريبا 190وسبقت الاتوبيس وعديت من الفراغ اللي بين الكارو والاتوبيس وركنت على جنب في منزل الكوبري ومتحركتش غير بعد نص ساعة
الحمد لله ربنا ستر
ياه فكرتوني بموقف من 6 سنين
الدرس المستفاد متسبئش حد في مطلع كوبري ابدا لأنك مش كاشف الطريق

---

دا نفس الدرس اللي انا اتعلمتة الحذر علي الكباري

انا كنت طالع علي كوبري علوي في اول طنطا و بعدين شديت مع ميكروباص وماشي علي اليمين وتقريبا كنا جمب بعض وماشي علي 90 .. هووب الاقي اول ماخلصت مطلع الكوبري في وشي صندوق حديد زبالة مركون قدامي وبيني وبينه حوالي 10 متر ومن ستر ربنا ان الميكروباص هدي عشان انا افادي وروحت كاسر الدريكسيون شمال سنه والمراية اليمين خبطت في صندوق الزبالة وربنا ستر كنت هطير من فوق الكوبري وخصوصا تحته كمان موقف يعني كانت هتبقي مصيبة عليا وعلي اللي هقع عليهم :Ka_che1[1]: ووقفت بعدها اخدت نفسي من الموقف الي كان الواحد هيروح فيه دااا
ومن وقتها حرررررررمت اشد الا وانا كاشف الطريق كويس جدااا

اقتباس:

---

المشاركة الأصلية كتبت بواسطة zidaneelwaly

بردوا في صلاح سالم كنت ماشي 90 -100 الطريق فاضي بس كان قدامي تلات عربيات في التلات حارات و غالبا ماشيين بنفس السرعه و نفس المسافه فجاه العربيه ألي قدامي انحرفت يمين مره واحده و هوب ب ب ب ب ب ب لقيت واحد واقف في نص الطريق معرفش يكمل تعديه الشارع ادامي بحوالي 3 متر

و كويس انو متحركشي كان زمانو طار و انا في طره ربنا ستر الحمد لله فاديته بعجوبه و تقريبا قفلي المرايا اليمين

---

نفس الموقف دا حصل لواحد صحبى بس هو خد راجل وست عندو على الكبوت لانو معرفش يتصرف والله يرحمهم ... ولحد وقتنا هذا عاملين مطباب على الاوتو ستراد فى نفس مكان الحادثه بسبب اللى حصل.......

انا قبل كده كنت طالع الدائري انا و صحبي و بنجري المهم الي بيطلع الدائري
من مدينة نصر هيعرف الحته الي بقول عليها الي هي في لفه جامده كده
عند المقابر و انت رايح هتلف من عند بنزينة وطنيه
بس و انا بجري بقه معاه وناسي ان فيه لفه بس لقيتها صاحبي الي جامبي
قعد يقولي اهدى اهدى بس دوست فرامل و تقريبا الكاوتش اليمين كان تحتيه رمل
بس العربيه عرضت من وره كده و حيسيت انها بتترفع عليا بس شلت رجلي من على
الفرامل العربيه عدلت تاني و بعدين هديت وتاني و دخلت بقه و خلاص بس الحمد لله
عدت على خيييييييييييييييييير

موقف عمري في حياتي ما نساه
كنت انا و اصحابي زمان راجعين من بورسعيد كانا حوالي 8 اشخاص ...5 في عربيتي و 3 في عربية صحابي انا كاان معايا مرسيدس W114 280 و صحبي معاه Pontiac Trans AM ماشين طول السكه كابسين ورا بعض و بنجري و غرز و كلام من دا
طبعا مع العلم ان البونتياك (امريكي كوبيه هيا) موتور 8 سلندر 6600 سي سي يعني استحالة المرسيدس ال2800 سي سي تعمل معاها اي شي المهم و احنا راجعين الوضع كما يلي صحابي قدامي و انا ماشي وراه جه واحد ببي ام E30 لونها كان برتقالي و معدلها و كبس وريا و اعد يرعشلي و شدنا مع بعض طبعا اللي يذكر انا و البي ام يعني كنا بنشد ام البونتياك دي كانت بتجري بس
كان في عربيه نقل في وسط الطريق و في الشمال عربية نقل محمله حديد تسليح و اليمين خالص عربية ملاكي ف السكه قدامنا قفله و مافيش الا قدام العربية بتاعت الحديد و العربية النقل حته صغير تدخل عربيه بالعفايه و طبعا بتضيق لان الراجل عايز يفتح لنا السكه ف انا و صحبي ماشنا ورا عربيه الحديد بحيث ان اول ما يعدي العربية النقل اللي في النص نعرف نجري تاني لقيت علي غير اي توقع بتاع البي انم الله يجزيه راح جاري جامد و عايز ياخد غرزه من قدام عربيه الحديد الحته اللي متضيق وراح داخل مره واحده ف مسافة متدخلش عربيه راح الراجل بتاع عربية الحديد ماسك فرامل و صحبي ورا بالضبط راح الحديد طار من العربية و دخل في عربية صحبي و انا شديت فرامل و خدت العربية اقصي اليمين و صحبي العربية بتلعب منه و مش بيفرمل و الحديد دخل جوده الكابينه و العربية بتخبط شمال و ترد و لا اكنها في فيلم اجنبي و وققت العربية و انا نزلت انا وا صحابي من عربيتي و رحت ببص علي العربية لقيت كلها دم من عند باب اليمين و الشباك كله دم و فتحت الباب ...طبعا انا مش عايز اوصف وصف دقيق بس الحديد كان مرشق في الكابينه و بالذات في الحته اليمين و صحبي الله يرحمه كان جسمه كله متبهدل من الحديد
طبعا انا اغم عليا و اصحابي بردو اغم عليهم بقي مشهد مرعب و هيستيري كل شويه تلاقي واحد واقع علي الارض و مش عارف تعمل ايه و لا تلاحقها منين ماكنش فيه الا سواق العربية النقل و عربية الحديد و كانوا بيحاوله يطلعوا صحبي من الشمال لان الباب كان اتعجن و مش بيفتح و الناس و الله كنت بتقف محدش منه قدر يعمل حاجة ....ياما ناس تجيي تبص و تقول لا حول ولا قوه الا بالله يا اما يتصعقوا من المنظر و يغم عليهم او يمشوا ...و اعدنا نحاول نطلع الحديد من العربية لحد ما الاسعاف جه
الناتج النهائي صحبي اللي كان في اليمين الله يرحمه و اللي سايق رجله الاتنين و ضلوعه اتكسرو كسور مضاعفه و شرخ في الحوض و ارتجاج في الجمجه و حاجات اخري انا مش متذكرها بس هو كان في بدله جبس حوالي 6 شهور و اللي كان ورا جاه انهيار عصبي لانه للاسف هو اللي شاف كل حاجة بعينه و كدمات ....العربية كان ممكن تتصلح بس اتباعت خرده
و انا اتعلمت درس كبير من الحادثه دي و بقيت بسوق بعقل و بهدوء و حرمت اشد مع حد خالص و اتيقنت ان مهما كانت العربية قويه و ممتعه متستحقش اني اموت او اموت ناس بسبها و الهدف كله اني اوصل سليم
و الحمد الله المصابين اتعافوا و اتعلموا لدرجة اني صحبي اللي كان متددغدغ دا بركب معاه الاقيه ماشي 90 اقوله يا ابني اجري شويه عايزين نوصل يقولي هيا كده بتجري الاول دا كان منتهي التهور و الجنون

اقتباس:

---

المشاركة الأصلية كتبت بواسطة mbhead

موقف عمري في حياتي ما نساه
كنت انا و اصحابي زمان راجعين من بورسعيد كانا حوالي 8 اشخاص ...5 في عربيتي و 3 في عربية صحابي انا كاان معايا مرسيدس w114 280 و صحبي معاه pontiac trans am ماشين طول السكه كابسين ورا بعض و بنجري و غرز و كلام من دا
طبعا مع العلم ان البونتياك (امريكي كوبيه هيا) موتور 8 سلندر 6600 سي سي يعني استحالة المرسيدس ال2800 سي سي تعمل معاها اي شي المهم و احنا راجعين الوضع كما يلي صحابي قدامي و انا ماشي وراه جه واحد ببي ام e30 لونها كان برتقالي و معدلها و كبس وريا و اعد يرعشلي و شدنا مع بعض طبعا اللي يذكر انا و البي ام يعني كنا بنشد ام البونتياك دي كانت بتجري بس
كان في عربيه نقل في وسط الطريق و في الشمال عربية نقل محمله حديد تسليح و اليمين خالص عربية ملاكي ف السكه قدامنا قفله و مافيش الا قدام العربية بتاعت الحديد و العربية النقل حته صغير تدخل عربيه بالعفايه و طبعا بتضيق لان الراجل عايز يفتح لنا السكه ف انا و صحبي ماشنا ورا عربيه الحديد بحيث ان اول ما يعدي العربية النقل اللي في النص نعرف نجري تاني لقيت علي غير اي توقع بتاع البي انم الله يجزيه راح جاري جامد و عايز ياخد غرزه من قدام عربيه الحديد الحته اللي متضيق وراح داخل مره واحده ف مسافة متدخلش عربيه راح الراجل بتاع عربية الحديد ماسك فرامل و صحبي ورا بالضبط راح الحديد طار من العربية و دخل في عربية صحبي و انا شديت فرامل و خدت العربية اقصي اليمين و صحبي العربية بتلعب منه و مش بيفرمل و الحديد دخل جوده الكابينه و العربية بتخبط شمال و ترد و لا اكنها في فيلم اجنبي و وققت العربية و انا نزلت انا وا صحابي من عربيتي و رحت ببص علي العربية لقيت كلها دم من عند باب اليمين و الشباك كله دم و فتحت الباب ...طبعا انا مش عايز اوصف وصف دقيق بس الحديد كان مرشق في الكابينه و بالذات في الحته اليمين و صحبي الله يرحمه كان جسمه كله متبهدل من الحديد
طبعا انا اغم عليا و اصحابي بردو اغم عليهم بقي مشهد مرعب و هيستيري كل شويه تلاقي واحد واقع علي الارض و مش عارف تعمل ايه و لا تلاحقها منين ماكنش فيه الا سواق العربية النقل و عربية الحديد و كانوا بيحاوله يطلعوا صحبي من الشمال لان الباب كان اتعجن و مش بيفتح و الناس و الله كنت بتقف محدش منه قدر يعمل حاجة ....ياما ناس تجيي تبص و تقول لا حول ولا قوه الا بالله يا اما يتصعقوا من المنظر و يغم عليهم او يمشوا ...و اعدنا نحاول نطلع الحديد من العربية لحد ما الاسعاف جه
الناتج النهائي صحبي اللي كان في اليمين الله يرحمه و اللي سايق رجله الاتنين و ضلوعه اتكسرو كسور مضاعفه و شرخ في الحوض و ارتجاج في الجمجه و حاجات اخري انا مش متذكرها بس هو كان في بدله جبس حوالي 6 شهور و اللي كان ورا جاه انهيار عصبي لانه للاسف هو اللي شاف كل حاجة بعينه و كدمات ....العربية كان ممكن تتصلح بس اتباعت خرده
و انا اتعلمت درس كبير من الحادثه دي و بقيت بسوق بعقل و بهدوء و حرمت اشد مع حد خالص و اتيقنت ان مهما كانت العربية قويه و ممتعه متستحقش اني اموت او اموت ناس بسبها و الهدف كله اني اوصل سليم
و الحمد الله المصابين اتعافوا و اتعلموا لدرجة اني صحبي اللي كان متددغدغ دا بركب معاه الاقيه ماشي 90 اقوله يا ابني اجري شويه عايزين نوصل يقولي هيا كده بتجري الاول دا كان منتهي التهور و الجنون

---

انا زعلت جدا على صاحبك اللى توفاه الله وفعلا لازم انت واحنا كمان ناخد درس من اللى حصل ده لان السواقة ملهاش كبير

وانا عندى 19 سنه كنت راكب عربيت والدى رحمت الله عليه وكنا فى راس البر فى الشتا وكنت مش سواق اوى مش خبره يعنى وفى طريقى كان في دوران على شمالى وكانت عربيه المقطوره اللهى جزئين فعدت الجزاء الاول وانا مخدش بالى بالجزء التانى وداخل طبعا كان الجزء التانى وضح امامى بس بعد مكنت خلاص على وشك الدخول تحت الجزء ده لكن والدى قام بتنبهى بصوت عالى مما جعلنى اقف مكانى بالسياره والحمد الله عدا الجزء التانى وان بينى وبنوا مفيش سنتميترات........الحمد لله

كنت راجع من اسكندرية وقدامي عربية سوزوكي فان ومرة واحدة لقيت فردة كاوتش طايرة من فوق السقف عنده (الاستبن) وعمالة تتنطط علي الطريق وداخلة علي الزجاج الأمامي لعربيتي (في وشي مباشرة)
الحمد لله كبست بشكل غير عادي لحد لما نطت من فوق عربيت وببص في المرايه لقيتها نزلت بالظبط بعد شنطة عربيتي (لادا 2107 1600 سي سي)
الحمد لله ستر ربنا
الذ حاجة وانا بعدي من تحت فردة الكاوتش كنت موطي راسي

والله المستعان
،
،

اقتباس:

---

المشاركة الأصلية كتبت بواسطة mbhead

موقف عمري في حياتي ما نساه
كنت انا و اصحابي زمان راجعين من بورسعيد كانا حوالي 8 اشخاص ...5 في عربيتي و 3 في عربية صحابي انا كاان معايا مرسيدس w114 280 و صحبي معاه pontiac trans am ماشين طول السكه كابسين ورا بعض و بنجري و غرز و كلام من دا
طبعا مع العلم ان البونتياك (امريكي كوبيه هيا) موتور 8 سلندر 6600 سي سي يعني استحالة المرسيدس ال2800 سي سي تعمل معاها اي شي المهم و احنا راجعين الوضع كما يلي صحابي قدامي و انا ماشي وراه جه واحد ببي ام e30 لونها كان برتقالي و معدلها و كبس وريا و اعد يرعشلي و شدنا مع بعض طبعا اللي يذكر انا و البي ام يعني كنا بنشد ام البونتياك دي كانت بتجري بس
كان في عربيه نقل في وسط الطريق و في الشمال عربية نقل محمله حديد تسليح و اليمين خالص عربية ملاكي ف السكه قدامنا قفله و مافيش الا قدام العربية بتاعت الحديد و العربية النقل حته صغير تدخل عربيه بالعفايه و طبعا بتضيق لان الراجل عايز يفتح لنا السكه ف انا و صحبي ماشنا ورا عربيه الحديد بحيث ان اول ما يعدي العربية النقل اللي في النص نعرف نجري تاني لقيت علي غير اي توقع بتاع البي انم الله يجزيه راح جاري جامد و عايز ياخد غرزه من قدام عربيه الحديد الحته اللي متضيق وراح داخل مره واحده ف مسافة متدخلش عربيه راح الراجل بتاع عربية الحديد ماسك فرامل و صحبي ورا بالضبط راح الحديد طار من العربية و دخل في عربية صحبي و انا شديت فرامل و خدت العربية اقصي اليمين و صحبي العربية بتلعب منه و مش بيفرمل و الحديد دخل جوده الكابينه و العربية بتخبط شمال و ترد و لا اكنها في فيلم اجنبي و وققت العربية و انا نزلت انا وا صحابي من عربيتي و رحت ببص علي العربية لقيت كلها دم من عند باب اليمين و الشباك كله دم و فتحت الباب ...طبعا انا مش عايز اوصف وصف دقيق بس الحديد كان مرشق في الكابينه و بالذات في الحته اليمين و صحبي الله يرحمه كان جسمه كله متبهدل من الحديد
طبعا انا اغم عليا و اصحابي بردو اغم عليهم بقي مشهد مرعب و هيستيري كل شويه تلاقي واحد واقع علي الارض و مش عارف تعمل ايه و لا تلاحقها منين ماكنش فيه الا سواق العربية النقل و عربية الحديد و كانوا بيحاوله يطلعوا صحبي من الشمال لان الباب كان اتعجن و مش بيفتح و الناس و الله كنت بتقف محدش منه قدر يعمل حاجة ....ياما ناس تجيي تبص و تقول لا حول ولا قوه الا بالله يا اما يتصعقوا من المنظر و يغم عليهم او يمشوا ...و اعدنا نحاول نطلع الحديد من العربية لحد ما الاسعاف جه
الناتج النهائي صحبي اللي كان في اليمين الله يرحمه و اللي سايق رجله الاتنين و ضلوعه اتكسرو كسور مضاعفه و شرخ في الحوض و ارتجاج في الجمجه و حاجات اخري انا مش متذكرها بس هو كان في بدله جبس حوالي 6 شهور و اللي كان ورا جاه انهيار عصبي لانه للاسف هو اللي شاف كل حاجة بعينه و كدمات ....العربية كان ممكن تتصلح بس اتباعت خرده
و انا اتعلمت درس كبير من الحادثه دي و بقيت بسوق بعقل و بهدوء و حرمت اشد مع حد خالص و اتيقنت ان مهما كانت العربية قويه و ممتعه متستحقش اني اموت او اموت ناس بسبها و الهدف كله اني اوصل سليم
و الحمد الله المصابين اتعافوا و اتعلموا لدرجة اني صحبي اللي كان متددغدغ دا بركب معاه الاقيه ماشي 90 اقوله يا ابني اجري شويه عايزين نوصل يقولي هيا كده بتجري الاول دا كان منتهي التهور و الجنون

---

ربنا يرحم امواتنا جميعا
الدرس بجد يخلي الواحد ياخد حظره جدا بالزات مع النقل
البقاء لله وربنا يصبر اهله
بس الواد بتاع البي ام ابن اللزينة ماوقفش ولا حاجة يشوف المصيبة الي عملها ؟؟

الله المستعان
،
،

اقتباس:

---

المشاركة الأصلية كتبت بواسطة MBhead

موقف عمري في حياتي ما نساه
كنت انا و اصحابي زمان راجعين من بورسعيد كانا حوالي 8 اشخاص ...5 في عربيتي و 3 في عربية صحابي انا كاان معايا مرسيدس W114 280 و صحبي معاه Pontiac Trans AM ماشين طول السكه كابسين ورا بعض و بنجري و غرز و كلام من دا
طبعا مع العلم ان البونتياك (امريكي كوبيه هيا) موتور 8 سلندر 6600 سي سي يعني استحالة المرسيدس ال2800 سي سي تعمل معاها اي شي المهم و احنا راجعين الوضع كما يلي صحابي قدامي و انا ماشي وراه جه واحد ببي ام E30 لونها كان برتقالي و معدلها و كبس وريا و اعد يرعشلي و شدنا مع بعض طبعا اللي يذكر انا و البي ام يعني كنا بنشد ام البونتياك دي كانت بتجري بس
كان في عربيه نقل في وسط الطريق و في الشمال عربية نقل محمله حديد تسليح و اليمين خالص عربية ملاكي ف السكه قدامنا قفله و مافيش الا قدام العربية بتاعت الحديد و العربية النقل حته صغير تدخل عربيه بالعفايه و طبعا بتضيق لان الراجل عايز يفتح لنا السكه ف انا و صحبي ماشنا ورا عربيه الحديد بحيث ان اول ما يعدي العربية النقل اللي في النص نعرف نجري تاني لقيت علي غير اي توقع بتاع البي انم الله يجزيه راح جاري جامد و عايز ياخد غرزه من قدام عربيه الحديد الحته اللي متضيق وراح داخل مره واحده ف مسافة متدخلش عربيه راح الراجل بتاع عربية الحديد ماسك فرامل و صحبي ورا بالضبط راح الحديد طار من العربية و دخل في عربية صحبي و انا شديت فرامل و خدت العربية اقصي اليمين و صحبي العربية بتلعب منه و مش بيفرمل و الحديد دخل جوده الكابينه و العربية بتخبط شمال و ترد و لا اكنها في فيلم اجنبي و وققت العربية و انا نزلت انا وا صحابي من عربيتي و رحت ببص علي العربية لقيت كلها دم من عند باب اليمين و الشباك كله دم و فتحت الباب ...طبعا انا مش عايز اوصف وصف دقيق بس الحديد كان مرشق في الكابينه و بالذات في الحته اليمين و صحبي الله يرحمه كان جسمه كله متبهدل من الحديد
طبعا انا اغم عليا و اصحابي بردو اغم عليهم بقي مشهد مرعب و هيستيري كل شويه تلاقي واحد واقع علي الارض و مش عارف تعمل ايه و لا تلاحقها منين ماكنش فيه الا سواق العربية النقل و عربية الحديد و كانوا بيحاوله يطلعوا صحبي من الشمال لان الباب كان اتعجن و مش بيفتح و الناس و الله كنت بتقف محدش منه قدر يعمل حاجة ....ياما ناس تجيي تبص و تقول لا حول ولا قوه الا بالله يا اما يتصعقوا من المنظر و يغم عليهم او يمشوا ...و اعدنا نحاول نطلع الحديد من العربية لحد ما الاسعاف جه
الناتج النهائي صحبي اللي كان في اليمين الله يرحمه و اللي سايق رجله الاتنين و ضلوعه اتكسرو كسور مضاعفه و شرخ في الحوض و ارتجاج في الجمجه و حاجات اخري انا مش متذكرها بس هو كان في بدله جبس حوالي 6 شهور و اللي كان ورا جاه انهيار عصبي لانه للاسف هو اللي شاف كل حاجة بعينه و كدمات ....العربية كان ممكن تتصلح بس اتباعت خرده
و انا اتعلمت درس كبير من الحادثه دي و بقيت بسوق بعقل و بهدوء و حرمت اشد مع حد خالص و اتيقنت ان مهما كانت العربية قويه و ممتعه متستحقش اني اموت او اموت ناس بسبها و الهدف كله اني اوصل سليم
و الحمد الله المصابين اتعافوا و اتعلموا لدرجة اني صحبي اللي كان متددغدغ دا بركب معاه الاقيه ماشي 90 اقوله يا ابني اجري شويه عايزين نوصل يقولي هيا كده بتجري الاول دا كان منتهي التهور و الجنون

---

لا حول ولا قوة إلا بالله
رحمة الله عليه
فعلاً السواقة ملهاش كبير
سيارات فاخره وقوية ومجهزة بكل وسائل الأمان حصل بيها كوارث محدش يتخيلها
ياريت كلنا نتعلم ومنتغرش ونثق فى حته حديده مهما كانت التكنولوجيا اللى فيها
الموضوع ده فكرنى بالمقطع ده من فيلم
final destination 2

YouTube - ‪Final Destination 2: Car Crashes‬‏

اقتباس:

---

المشاركة الأصلية كتبت بواسطة romio4lovee

دا نفس الدرس اللي انا اتعلمتة الحذر علي الكباري

انا كنت طالع علي كوبري علوي في اول طنطا و بعدين شديت مع ميكروباص وماشي علي اليمين وتقريبا كنا جمب بعض وماشي علي 90 .. هووب الاقي اول ماخلصت مطلع الكوبري في وشي صندوق حديد زبالة مركون قدامي وبيني وبينه حوالي 10 متر ومن ستر ربنا ان الميكروباص هدي عشان انا افادي وروحت كاسر الدريكسيون شمال سنه والمراية اليمين خبطت في صندوق الزبالة وربنا ستر كنت هطير من فوق الكوبري وخصوصا تحته كمان موقف يعني كانت هتبقي مصيبة عليا وعلي اللي هقع عليهم :ka_che1[1]: ووقفت بعدها اخدت نفسي من الموقف الي كان الواحد هيروح فيه دااا
ومن وقتها حرررررررمت اشد الا وانا كاشف الطريق كويس جدااا

---

الحمد لله على سلامتك

كنت ماشي على المحور الصبح الكلام دا مثلا من شهرين تلاتة...
المهم ماشي في حدود 130-140 و على الشمال خالص و كان في ناس لما أقرب يوسعوا و كدة..
قربت من واحد شوية و بيني و بينو حوالي 10 متر كدة لقيتو بيوسع قولت كويس راجل محترم بيوسعلي عشان أعدي فجأة بعد ما وسع لقيت اسبيرانزا تاكسي516 واقفة و قال اية السواق مدي انتظار طبعا كان بيني و بينو حوالي 30 متر....
طبعا وقفت على الفرامل وال abs اشتغل و اتجنن و كان عاوز ينطر رجلي من على الدواسة ولا حياة لمن تنادي 140 و عاوزها تقف في اقل من 30 متر
المهم رميت عيني في المراية اليمين ما لقيتش حد قمت رامي فييها على طول
عديت ازاي محدش يسألني عشان انا معرفش
اللي كان نفسي فييه اني انزل للراجل دة...:untitled 1:

اكتر موقف شيبنى انى نمت وانا سايق وفى عز الضهر كمان على اول طريق الاسكندريه القاهره الصحراوى وماصحيتشى غير والعربيه طلعه فوق الجزيره اللى فى النص طبعا من الخضه سحبتها بسرعه على اليمين وقعدت تتمطوح منى يمين فى شمال غاية لما استقرت بس اترعبت فعلا

والاكتر من ده لما خبطت عيل صغير فى شارع عباس العقاد كنت ماشى فى شارع ضيق متفرع منه وعربيات راكنه يمين وشمال طبعا وعيل صغير ابن بواب احد العمارات طلع من بين عربيتين يجرى وطبعا قصير ومش باين من الاكصدام بتاع العربيتين دول وخبطه فعلا واتحدف مترين على الارض ولاقيت بوابين المنطقه اتلموا عليا حياكلونى لولا صاحب العربيه اللى الولد جرى من قامها وكان قاعد فيها وشاف المنظر ونزل لحقنى منهم وقالهم ياجماعه اناكنت فى عربيتى وشوفت المنظر وهو ملهوش ذنب الولد طلع ادامه فجاءه من غير مايشوفه وانقذنى بصراحه كان زمانى مضروب الشباشب من الحريم لماشبعت والولد الحمد لله سليم مفيهوش حاجه
بس انا ركنت بعد 50 متر وحاولت انزل من العربيه اخد نفسى لاقيت رجلى مش شايلانى من على الارض زى المشلول من الخضه وقعدت متوتر يمكن شهر كامل

ثالث حاجه كنت نازل من كوبرى محرم بيه فى الاسكندريه ورايح ناحية الزراعى ونازل زى المجنون ايام الشقاوه بتاعت السواقه والحمد لله ربنا هدانى دلوقتى وكان قدامى عربيه نقل مش شايف منها حاجه كسرت يمين وجريت على المنزل افوجاء ب30 واحد واقفين عند المنزل ناحية اليمين كنت حاشيلهم كلهم لولا كسرت شمال تانى بسرعه بس العربيه سعفتنى بصراحه وكنت فاكرها حتتقلب منى بسبب شده كسر الدركسيون بس قولت اتقلب بيها ارحم من انى ادوس 30 فرد

مره كان عندنا امتحان و متاخرين و ركبت مع واحد من صحابى عربيته (النترا ) و ماشى على 160 و عدينا من تحت خلاط اسمنت من ناحيتى ... طبعا كنت فى الدواسه لان شكل الماسوره اللى طالعه من العربيه و متشعلقه فى الهواء و العربيه بتعدى من تحتها كنت حاسس انها هتجيب قايم السقف قدام يمين و بعدين الازاز و بعدين دماغى :) بس ربنا ستر الحمد لله

هوة موقف واحد كنت مستعجل بليل وماشى على طريق فردى زراعى رايح جاى وماشى 160 جنان بقه فجاءة نقل فى وشى ونور عالى عمانى وجاى فى الحارة بتاعتى اترميت على الناحيه التانيه معرفش ازاى ونجيت باعجوبه بس لقيت سنانى كلها بتنزف دم من الخضه هههههههههههههههه ربنا سلم

يااااااااااه كتييييييييييييييير ..نبدأ بأول واحد
ماشى بالعربيه (اوكتافيا 2008)
الساعه 9 و نص باليل
داخل على ملف ..
مش باصص فى العداد
بس اخر مره بصيت كنت ماشى 80 90 ..وبما انى دايس تقريبا نقدر نقول وصلت ل 120 130 بالكتير اووووى
ملحوظه: الملف ده انا واخده 180 قبل كده
المهم فى اقسى جزء فى الملف ..
لقيت صوت انفجار
ووش العربيه من ناحيه الشمال سقط لتحت
وفى صوت احتكاك جامد جدا
ملحوظه : الملف يمين
المهم لقيت العربيه رايحه بسرعتها كلللللللللللللها طواااااااالى على السور الخرسانى الى فى نص الطريق
قمت كاسر عجلى كلللله يمين ..(وانا متاكد ان خلاص حادثه حادثه بس بعمل الى عليا)
ورجلى جايبه اخر دواسه البنزين
لقيت وش العربيه رايح طوااااااالى على ترعه يمين الطريق
قلت لا ..السور احسن :)
قمت رادد الدركسيون تانى فى محاوله فاشله لانى اخلى العربيه فى نص الطريق ..
العربيه زحفت بجمبها ناحيه الشمال (السور)
وانا كاسر عجلى شمال
دخلت بالجنب الشمال كللللله فى السور (وهى العجله كاسره شمال)
العجله اتزنقت بين العربيه و السور
طلعت بالمقص بتاعها برا العربيه
بقيت على 3 عجلات
الايرباج فتح
مش شايف حاجه
العربيه لفت بقى وشها مكان ضهرها
ودخلت بوشها فى السور الخرسانى و ركبت فوق
وقعته ..
زحفت بضهرها و على عجلتين (العجلتين اليمين)
استقرت بضهرها فى ارض زراعيه ...
نزلت
دخان كثيف جدا
ناس بتجرى عليا
قعدت احط ايدى على راسى اشوف فى دم ولا لا
حاسس انى بحلم ومش عارف افوق
'طبعا لقيت واحد جاى جايبلى العجله الى طارت ..وواحد جايب العدسه الى كانت جوا الفانوس(المفقود)
واحد جايبلى النضاره الشمس (كانت فى الجراب الى فى السقف)
النتيجه
ImageShack® - Online Photo and Video Hosting
ImageShack® - Online Photo and Video Hosting

اقتباس:

---

المشاركة الأصلية كتبت بواسطة smsm_cato

انا زعلت جدا على صاحبك اللى توفاه الله وفعلا لازم انت واحنا كمان ناخد درس من اللى حصل ده لان السواقة ملهاش كبير

---

الله يرحمه
طبعا السواقه ملهاش كبير و لا في شي اسمه عربية امنه اه في عربية فيها معدلات امان عاليه لكن في الاول و الاخر الاعمار بيد الله و كل واحد هياخد نصيبه

اقتباس:

---

المشاركة الأصلية كتبت بواسطة syd

ربنا يرحم امواتنا جميعا
الدرس بجد يخلي الواحد ياخد حظره جدا بالزات مع النقل
البقاء لله وربنا يصبر اهله
بس الواد بتاع البي ام ابن اللزينة ماوقفش ولا حاجة يشوف المصيبة الي عملها ؟؟

الله المستعان
،
،

---

بتاع النقل مش غلطان هو كان فرمل عشان المسافة متدخلش العربية البي ام..رد فعل طبيعي جدا بس الافضل ما تكبس ورا حد بتاع نقل ممكن مثلا يكون محمل طوب زلط يقع علي العربية و لا حاجة
لا حضرتك يقف فين و يقف يشوف ايه .

اقتباس:

---

المشاركة الأصلية كتبت بواسطة Elawany13

لا حول ولا قوة إلا بالله
رحمة الله عليه
فعلاً السواقة ملهاش كبير
سيارات فاخره وقوية ومجهزة بكل وسائل الأمان حصل بيها كوارث محدش يتخيلها
ياريت كلنا نتعلم ومنتغرش ونثق فى حته حديده مهما كانت التكنولوجيا اللى فيها
الموضوع ده فكرنى بالمقطع ده من فيلم
final destination 2

YouTube - ‪Final Destination 2: Car Crashes‬‏

---

الله يرحمه
طبعا يا باشا هيا في الاول و الاخر الاعمار بيد الله
بس بتفرق في العربيات بردو يعني مثلا عربيتي الW116 في الامان مش زي الجديده منها الW221 في 10 ايرباج علي الاقل و Pre-safe و نظام كل ازاز العربية بينطر لبره وقت التصادم و الموتور بيتفصل عنه كهربا و بنزين و سنسورات بتقدر تحدد المسافات بتساعد ف استباق الاصطدام و pre-safe و نظام فرامل BAS و blind spot assist و نظام تنبيه لو اللي الئق نام و نظام رؤيه ليلي و كاميرا باشعه فوق بنفسجيه تكشف لو شخص واقف في الظلمة و اللي سايق مش شايفه و حاجات تانيه كتير انا مش فاكرها ...عوامل امان عاليه جدا جدا جدا
لو مثلا جبنا عربيتي مثلا اللي كل عوامل الامان فيها Crumble zone و احزمة امان و الدركسيون بيتكسر ساعات التصادم و صلب حولين الكابينه و بودي صلب جدا جدا ..و دخلنها في حيطه و دخلنا W221 في حيطه لو اللي نزل من عربيتي سليم
اللي حينزل من الW221 حتلاقي بنطلونه بس اتكسر و عايز يتكوي
انا ركبت الW221 احسن وصف لها .......انها طايره

كنت بشد انا و فنتازيا و كام معيا كرولا بيتعت عمى لسه جيبها من التوكيل كنت بتصلح
على الدائرى و ريح اكتوبر عند حى الاشجار
و انا و الفنتازيا مشين جنب بعد الشد مواتير
120
140
160
180
195
و طيرين و جنب بعد بالملللى و كونا بلبل انا معيا زينون هو لا المهم لقيت على بعد 50 عربيه سوزوكى فان ركنه فى الشمال و الطريق حرتين انا قولت انا ميت ميت
ولله بتاع الفنتزيا راح مهديلى علشان اخودها من قدامو بدل ملبس انا جبت ميه من كل حته
كن كول همى لو عشت هقول لعمى ايه على عربيتو الحمد لله و شكران لبتاع الفنتازيا

كنا ماشين ورا مقطوره والراجل كان ساحب ساحب علي طريق مينفعش حد يجري عليه المهم صاحبي كبرت ف دماغه وشادد وراه مفيش فرق بينهم حوالي ماشيين 100 مره واحده راحت المقطوره واكله مطب والناس كانوا حاطين حجر كبير عشان يعلموا بيه المطب عشان الناس تشوفه وراحت المقطوره داست علي الحجر بأخر كاوتشين وبقا الحجر في طريقنا دخل الحجر تحت العربيه وصوت تخبيط ورزع وعفره جامده جدا المهم العربيه وقفت وكانت النتيجه عمود كرديان اتعصر مش اتكسر وكارونه وحاجات كتير تحت ( عربيه شاهين )

كنا ماشين ورا مقطوره والراجل كان ساحب ساحب علي طريق مينفعش حد يجري عليه المهم صاحبي كبرت ف دماغه وشادد وراه مفيش فرق بينهم حوالي ماشيين 100 مره واحده راحت المقطوره واكله مطب والناس كانوا حاطين حجر كبير عشان يعلموا بيه المطب عشان الناس تشوفه وراحت المقطوره داست علي الحجر بأخر كاوتشين وبقا الحجر في طريقنا دخل الحجر تحت العربيه وصوت تخبيط ورزع وعفره جامده جدا المهم العربيه وقفت وكانت النتيجه عمود كرديان اتعصر مش اتكسر وكارونه وحاجات كتير تحت ( عربيه شاهين )

أنا حصلي موقفين كده ربنا ما يوري حد, هبقي أكتبهم لما أرجع البيت ان شاء الله.

اقتباس:

---

المشاركة الأصلية كتبت بواسطة midooz

الموقف ده حصل معايا من 6 أو 7 سنين تقريباً
كنت مع إبن عمي و كنا جايين من شيراتون رايحين على عمارات العبور .. و في الفترة دي كان إبن عمي من النوع اللي بيجري جامد و ياخد غرز غشيمة شويتين .. فكان بيجري في صلاح سالم و مقضيها غرز هوب الطريق زحم فماشيين براحة لقينا فورد توروس جاية جنبنا فيها إتنين رجالة كبار بتاع 50 سنة تقريباً واللي سايق من ناحية إبن عمي بيشتمه بأمه ... فإبن عمي تلقائياً راح شاتمه بنفس الشتيمة .. راح الراجل كاسر علينا و موقف الطريق و راح نازل من العربية هوة و اللي معاه .. إبن عمي ساعتها كان بيلعب تايكوندو و كان معاه حزام أسود فنزل بقى مش هامّه عامل حسابه لو قلبت خناقة إنه مش هيتضرب و نازل يشتم بقى و داخل يمسك في الراجل و أنا كنت لسة نازل من العربية .. هوب لقيت الراجل بيزعق بأعلى صوته و بيشتم و راح مادد إيده في المنطلون و مطلع طبنجة 8 مم و موجهها ناحيتنا و بيزعقلنا بأعلى صوته " خشوا جوة العربية ياولاد التيييييييييييت " !! منظر الراجل ساعتها كان يخض لأنه كان أبيضاني و وشه أحمرررررررر بطريقة غريبة ... طبعاً إحنا وقفنا متثبتين بتاع نص دقيقة كدة و هوب رحت أنا ناطط في العربية و إبن عمي ورايا .. الراجل ركب عربيته و مشي ..و إحنا من كتر سيبان الرُكب متحركناش بالعربية!
و من ساعتها تقريباً إبن عمي بطَل يجري في صلاح سالم تاني :grin54:

---

ههههههههههه علشان تبقى تعمل الصح مش كدة ولا إيه يا زعييييييم
موقف مضحك جدا
حمد لله على السلامة

انا بقي اكتر موقف شيبني وانا سايق كان من شهرين
قبل ما احكي انا عندي الضغط ولما بتعب جامد مش بشوف كويس
كنت راجع من اسكندرية بعربيه النترا 2010 خليجي وكنت انا وصحابي وعمالين نضحك وكده وانا سرحت في واحده كنت خاطبها وراجع بقي طول السكة ماشي علي 160 وسرحان
المهم باخد دوران علي شان اخش البلد ووخده علي الواسع اوي وبجري علي اخر بعد ما اخته بس العربيه لسه مخدتش طريقه في العدل وفجأه بدي للعربيه الغيار الرابع وانا بجري كانت سرعتي ساعتها 90 وسرحان جامد بقي وبرجع الذكريات وفجأة لاقيت واحد بينه وبين العربيه 2 سم ملحقتش طبعاً ادوس فرامل ولو دوست الراجل كانت في نص العربيه ومش هعرف افاديه المهم دوستة ومات الراجل ده الله يرحمه وانا بدوسة لاقيت نفسي طلعت فوق رصيد عالي اكلت وش العربيه بالشاسيه بتاع العربيه ....اتاري يا جماعه ده كان بلطجي وحطين حجر من بتاع الرصيف في نص الشارع علي بيثبتوا الناس وبيمضو الي معاه عربيه علي تنازل بالعربيه ويبصموه كمان وانا اتسجنت فيها 40 يوم كانوا من اسوأ ايام حياتي ومن يوميها بكره الهينداي بصفه عامة .
علي فكرة نا لسه خارج من التحقيقات وكده من 14 يوم

اقتباس:

---

المشاركة الأصلية كتبت بواسطة medo_atef

انا بقي اكتر موقف شيبني وانا سايق كان من شهرين
قبل ما احكي انا عندي الضغط ولما بتعب جامد مش بشوف كويس
كنت راجع من اسكندرية بعربيه النترا 2010 خليجي وكنت انا وصحابي وعمالين نضحك وكده وانا سرحت في واحده كنت خاطبها وراجع بقي طول السكة ماشي علي 160 وسرحان
المهم باخد دوران علي شان اخش البلد ووخده علي الواسع اوي وبجري علي اخر بعد ما اخته بس العربيه لسه مخدتش طريقه في العدل وفجأه بدي للعربيه الغيار الرابع وانا بجري كانت سرعتي ساعتها 90 وسرحان جامد بقي وبرجع الذكريات وفجأة لاقيت واحد بينه وبين العربيه 2 سم ملحقتش طبعاً ادوس فرامل ولو دوست الراجل كانت في نص العربيه ومش هعرف افاديه المهم دوستة ومات الراجل ده الله يرحمه وانا بدوسة لاقيت نفسي طلعت فوق رصيد عالي اكلت وش العربيه بالشاسيه بتاع العربيه ....اتاري يا جماعه ده كان بلطجي وحطين حجر من بتاع الرصيف في نص الشارع علي بيثبتوا الناس وبيمضو الي معاه عربيه علي تنازل بالعربيه ويبصموه كمان وانا اتسجنت فيها 40 يوم كانوا من اسوأ ايام حياتي ومن يوميها بكره الهينداي بصفه عامة .
علي فكرة نا لسه خارج من التحقيقات وكده من 14 يوم

---

ياخي والله فرحتني انك موتو وخلصتنا منو فستين داهيه دول شويه كلاب
وبعدين الهيونداي ملهاش ذنب لا اللي انته كنت سرحان فيها هيا السبب :Copy of m-s5: و خلتك متشوفش الطريق d:
ومعلش على ال40 يوم بس اديك خلصت الناس من شرو
ومتابع المواضيع ادينا بنتعلم