النترا الشكل الجديد ولا رينو فلوينس

**Abomar77** · 12-06-2011 10:59 PM

من الاخر كده يا جماعة عشان انا دماغي تعبت أجيب النترا الشكل الجديد ولا رينو فلوينس ...

انا معايا في حدود 150 الف جنية .....

ومش هيفرق معايا سعر اعادة البيع عشان انا مش ببييع العربية على طول و بتعد معايا ( ان شاء الله ) في حدود 10 سنين ....

محتاج مشورتكم ضروري أوروبي ولا كوري .....

**party_0000** · 13-06-2011 12:29 AM

انا رايي الالنترا الجديده شفتها تحفه

**adel1414** · 13-06-2011 12:38 AM

راييى بردة الالنترا الجديدة تحفة بجد

**Mahmode** · 13-06-2011 12:47 AM

أنا بقى رأيي الأوروبي أنضف كتير من الكوري في كل حاجة (باستثناء سعر قطع الغيار) وطبعا العربيتين مش نفس الفئة السعرية. الفلوينس أغلى. بس رأيي النهائي إن حضرتك تشوف العربيتين وتجربهم وتقارن بنفسك لإن كل واحد عنده ميول وبيختار على أساسها فا حضرتك لازم تشوف ميولك وما تمشيش على ميول غيرك.

**abouetta** · 13-06-2011 02:06 AM

لو هتقعد معاك مدة طويلة، يبقي الفلوانس في رأيي أنسب

**gym1974** · 13-06-2011 10:33 AM

حضرتك بتقارن واحد فقير مكسح ( الالنترا ) بواحد غنى ابن ناس محترم متربى تربية عز صاروخ فى الجرى ( الفلوينس ) وده عن تجربة الأثنين مش كلام وخلاص انا لو معايا المبلغ ده الفلوينس على طول متعة فى القيادة قمة الرفاهية ثباث على أعلى مستوى شكل فخم تحس أنك رئيس جمهورية وانت ركبها تحياتى لك وبالتوفيق أن شاء الله

**ahmadel** · 13-06-2011 10:58 AM

أنا كنت محتار زيك كده من شهرين..و الحمد لله ربنا وفقني و جبت الفلوانس....ملخص المقارنه
- لو أنت ناوي تبيع بسرعة يعني في 3 سنين يبقى خليك في الألنترا (دي الميزه الوحيده اللي ممكن تكون فيها)....
- أنا ركبت الألنترا في السعودية بصراحة الفلوانس أفخم بكتيييير من جوه و من بره (دي أذواق)
- ممكن تكون قطع غيار الفلوانس أغلى شويه بس معمره أكتر
- توكيل الفلوانس أفضل بشهادة كل من تعامل معهم
- رأيي أن 150 ألف كتير قوي على كوري هنا في السعودية بيع الألنترا أقل بسبب السعر المبالغ فيه (قريب جدا من سعر السوناتا) يعني ممكن بالسعر ده تجيب ياباتي محترم مثلا ماذدا أو كورولا
- الفلوانس ليها حوالي سنتين نازلة و انتشرت جدا و ده مؤشر لكفائتها و نزول سعر قطع غيارها (و ده فعلا بدأ يحصل)
- قاعدة العجل للفلوانس أكبر من الألنترا و ده بيدي ثبات أعلى عالسرعات العالية و وسع من جوه
- ده رأيي الشخصي بس أنت لازم تركب العربيتين و تعاينهم كويس .. ممكن رأيك يكون مختلف
آسف جدا على الإطالة و ربنا يوفقك للخير

**Mahmode** · 13-06-2011 12:07 PM

أنا كنت محتار زيك كده من شهرين..و الحمد لله ربنا وفقني و جبت الفلوانس....ملخص المقارنه
- لو أنت ناوي تبيع بسرعة يعني في 3 سنين يبقى خليك في الألنترا (دي الميزه الوحيده اللي ممكن تكون فيها)....
- أنا ركبت الألنترا في السعودية بصراحة الفلوانس أفخم بكتيييير من جوه و من بره (دي أذواق)
- ممكن تكون قطع غيار الفلوانس أغلى شويه بس معمره أكتر
- توكيل الفلوانس أفضل بشهادة كل من تعامل معهم
- رأيي أن 150 ألف كتير قوي على كوري هنا في السعودية بيع الألنترا أقل بسبب السعر المبالغ فيه (قريب جدا من سعر السوناتا) يعني ممكن بالسعر ده تجيب ياباتي محترم مثلا ماذدا أو كورولا
- الفلوانس ليها حوالي سنتين نازلة و انتشرت جدا و ده مؤشر لكفائتها و نزول سعر قطع غيارها (و ده فعلا بدأ يحصل)
- قاعدة العجل للفلوانس أكبر من الألنترا و ده بيدي ثبات أعلى عالسرعات العالية و وسع من جوه
- ده رأيي الشخصي بس أنت لازم تركب العربيتين و تعاينهم كويس .. ممكن رأيك يكون مختلف
آسف جدا على الإطالة و ربنا يوفقك للخير

+1111111111111

**bero0o0o0** · 13-06-2011 03:04 PM

اصل حضرتك حسمت الموضوع من البداية
قلت مش هايفرق معاك سعر اعادة البيع و مش ناوي تغير قريب لان العربية هاتعد معاك
يبقى اكيد خليك في الاوروبي يا باشا و ان شاء الله عمرك ما هتندم
و كده كده الفلوينس فئة اعلى من الالنترا لان الالنترا تتقارن بالميجان لكن الفلوينس تتقارن بالسوناتا مع فارق السعة اللترية للسوناتا طبعا

**Eslam.Elrefaey** · 13-06-2011 03:08 PM

اكيد الفوانس لو مش فارقة معاك سعرها اعادة البيع لان العربية مش شكل بس

الموضوع: النترا الشكل الجديد ولا رينو فلوينس

LinkBack

أدوات الموضوع

عرض

النترا الشكل الجديد ولا رينو فلوينس - انشر الموضوع فى :

-

-

-

-

المواضيع المتشابهه

فلوينس او i30 او اوبترا او لانسر او فوكس او النترا الشكل الجديد

بفكر اشترى النترا الشكل الجديد اتوماتيك ارجو المساعده من خبراء النترا

رينو مصر تطلق السياره رينو سكالا ( صني الشكل الجديد)

محتار بين النترا هاى لاين و هوندا سيتى و رينو فلوينس

النترا الشكل الجديد ...

الكلمات الدلالية لهذا الموضوع

المفضلات

المفضلات

ضوابط المشاركة