الموضوع: الباور عمال يتقل يتقل يتقل

اللى اتقال لى فى التوكيل أثناء الشد والجذب للوصول إلى تغيير المساعد فى الضمان ، ان ضمان المساعدين 3 شهور فقط

برجاء الرجوع إلى هذا الموضوع علشان اتناقشنا هناك فى موضوع ضمان المساعدين :
http://www.nilemotors.net/Nile/138081-5000-2.html

انا النهاردة روحت لواحد متخصص عفشة وكشف على المساعد وأكدلى ان المساعد سليم ، وقالى انه مفيش علاقة بين المساعد وتقل الباور وان السبب فى تقل الباور هو ضعف ماكينة الباور ..
انا بقى عاوز افهم هو التوكيل بيشتغلنا ولا ايه ؟؟

المشاركة الأصلية كتبت بواسطة galilioz

انا اؤيد حضرتك جدا عن تجربه فى اسلوب الرد انا روحت ليهم 3 صيانات الخمسه والعشره وواحده قبل الخمسه لمشكلة فى العربيه وفى التلت مرات اللى استلم العربى منى شخص مختلف عن اللى قبله بس الحمد لله اسلوبهم كلهم واحد مستفز ويتعاملوا بتعالى وكائن اللى واخدين اللوجان من عندهم انا اسف فى التعبير اقل من مقامهم اول حاجه ياخدوا منك الكلام يااما يقولك ده مش عيب ده شى موجود فى العربية عادى جدا ياما يقولك طيب وينفضوا وميكتبوش حاجه فى الورقه اصلا ولا كائنك اهبل قدامهم بتكلمه يسجدك يعنى يااما يقولك هصلحها وينفضلك وترجعلك العربيه زى ما هى انا بفكر اروح العبور بعد كده معتقدش معملتهم هتكون بنفس السوء ده بالنسبه للرجه اللى بتحصل مع طلعتك للعربيه للاسف بتحصل عندى وبتزيد مع التكييف فعلا وياريت حد يقولنا ده عيب من عيوب العربيه وله ايه؟؟؟ باقى كلام حضرتك متوقع جدا مش عارف دى تعليمات عندهم وله هما كده وهل ياترى بيختاروا اللى بيستقبلوا السيارات تكون اهم صفه فيهم الرخامه وله دى صدفه انا بشوف فى المراكز الاخرى الابتسامه لازم تكون مرسومه على الوش عندنا لازم الوش يكون مقلوب انا لو حد طلب منى راي فى خدمه الاستقبال جوه الشركه هقولهم صفر وحتى صفر واحد قليل عليهم 100 صفر كمان
وبالنسبة لموضوع المساعد اليمين سهل جدا تتاكد منه لو حضرتك بتاخد مطب وحسيت فى اليمين ان العربيه بتتدغدغ بمعنى ان انت لما بتاخد المطب بتسمع اصوات صعبه جدا فى اليمين يعنى المطب بيبقى ناشف بمعنى ناشف يبقى العيب من المساعد والمساعد ضرب مش علبه الدريكسيون انما لو بتحس ان المطب عادى يبقى مفيش مشكلة من المساعد .

تمام يا باشا هو الوش الكاوتش اللى بيبتسم لك ويقولك ده طبيعى خالص .. وكاننا ما ركبناش غير اللوجان فى حياتنا .. من كام اسبوع صديق لى جاب نيو اكسنت ولقى فيها الرعشة اللى عندنا دية وراح التوكيل فى صيانة الألف وظبطوهالوا والعربية انا ركبتها ما شاء الله مافيهاش اى شعور بالرجة حتى لما شغلت التكييف ..

انا العربية معايا عادى جداً باخد بيها المطبات عادى مش بسمع صوت غريب .. والعفشجى كمان ركبها وقالى مافيهاش حاجة خالص .. بصراحة انا متضايق جداً لانى فقدت مصداقيتى فى التوكيل اللى كل همه على رأى احد الأعضاء انه يفتش الزبون وخلاص

ديه حاحة تقلق
انا ابتديت اقلق من موضوع التوكيل و الضمان ده
بس انا عندى سؤال :
ايه لزمة الضمان طالما كل حاجة لازم يطلعوها انها عيب استخدام ؟؟؟؟؟
و لما هو الضمان مالوش لازمه يبقى ايه الى يخلى الناس تستحمل اسعار التوكيل النار 3 سنين عشان ميطلعوش بره الضمان !!!

بالنسبه لصوت التكتكة وقت الملفات .. ممكن تكون مشكله فى الكوبلن ... ديه اكتر حاجة ممكن تعمل صوت طقطقة فى الملفات
ده من واقع خبرة 12 سنه مع 127 :)
مش عارف بقى العربات الجديدة بتبى نفس الكلام ولا ايه ههههههههههههههههه

قد يكون الكثير من المكتوب هنا صحيح ، بس احقاقاً للحق ،
- أنا مغير مساعد فى الضمان.
- زميل مغير دراع الكلاكس كامل فى الضمان.
- زميل مغير علبة الدركسيون فى الضمان.
- زملاء كثير مركبين قطعة للفتيس لعلاج عضة المارشيدير فى الضمان.
- إلخ.