مقارنه بين byd f3 glxi وهايما فاملي gls

**muslem** · 08-06-2008 06:42 PM

اعتقد ان دة اول واحد يشتكى من F3 انا عن نفسى كل لما اسال حد يشكر فيها جدا

و انابرضوة كنت حقول نفس كلامك كله تقريبا حتى فى واحد عندها بقالها سنتين مش بيشتكي منها خالص

اظن اللى بيشتكي منها حصل لها خبط من تحت و هو مش عارف والله اعلم لانها بيشتكي من حاجت كلها تحت!
او تكون عربية يوم الجمعة!!

**جمال** · 20-06-2008 03:26 PM

للرفع حسب طلب احد الاخوة

**hatemali** · 20-10-2008 10:14 PM

يا جماعة حكاية المتور ده
انه فعلا من متسوبيشي و هي باعت حق تركيبة في عربيات كتير اوي و من زمان
(يعني من اوائل السبعيات كده) و ممكن خضراتكم تبحثوا عنه في النت.
و حصل تعديلات كتيرة علي المتور ده من قبل شركة متسوبيشي و ده طبعا علشان يواكب العصور اللي عاشها .
اما السؤال البديهي هو ليه متسوبيشي بتعمل كده؟
فاجاوب عليه بكلمة بسيطة و هي الفلوس و زياده المبيعات ولا سيما لتكنولوجيا قديمة (من وجهة نظرها) عندها - يعني مكسب من الهوا - و التكنولوجيا الجديدة تبقي تحطها في موديلات من بنات افكارها هيا.
و علي ما اتذكر انه نزل في اللانسر لحد 2007
اما عن ظاهرة تواجده في الموديلات الصيني
فالاجابة معروفة ... وهي ان الشركات الصيني عاوزه توفر شوية فلوس و كمان تضمن ان منتجها يتباع علي حس كلمة(متور متسوبشي) و ده حقيقي
و كمان صناعة السيارات دلوقتي مفهومها اتغير عالميا
فالتكتلات و الاندماجات اصبحت موضة العصر - مش زي زمان عربيات من الالف الي الياء من شركة واحدة - وكلنا شفنا البيجو الايراني
و هي عربية مختلفة تماما عن البيجو اللي منزلاها بيجو
بس بيجو وافقت علي وضع اسمها علي هذا المنتج؟؟؟!!!!
ودي وجهه نظري في الموضوع
و احب اقول حاجة صغيرة ان مفهوم ( اللي تغلب به اللعب به) بقي هو الفكر العام لمعظم شركات تصنيع السيارات الرائدة

و سلام

**sv065** · 23-07-2009 12:59 AM

أنا الصراحة مشفتش حد إشتكي منها خالص ودي شكوي نادرة أكيد قدره كده معلش ممكن يكون صدفة عربية فيها مشاكل أو برضه طريقة الإستخدام لأن شكواه كلها في حجات إستهلاكية يعني ممكن تكون سواقته وحشة وبياخد المطبات بسرعة وبقرص في الملفات..... يعني مش عيوب صناعية وأي عربية حيجري فيها نفس الكلام