الحمد لله تم عمل صيانة الـ ( 12 شهر ) فى فرع التجمع الخامس .... والعربيه عامله 6600 كم بس ، وزى ما فى ناس كتير عارفه إن الصيانه 5000 كم أو 4 شهور أيهما أقرب .

- وكانت ( أجندة ) الصيانه كالتالى :

- حجزت بالتليفون ، وتم إستلام رساله من التوكيل لتأكيد الحجز ، ورساله أخرى قبل ميعاد الصيانه بيوم لتذكيرى بميعاد الصيانه ، وكان ميعادى يوم 13/6/2011 .
- روحت المركز الساعه 10:30 ص وقابلت المهندس / محمود فراج والحمد لله كان فاكرنى كالعاده .


- برنامج الصيانه :

1 . تنظيف فلتر الهواء .
2 . تنظيف فلتر البنزين .
3 . تنظيف فلتر التكييف .
4 . تنظيف الموتور بالكامل ( جدعنه من أيمن الفنى ) .
5 . فحص جميع السوائل بالعربيه ( زيوت ومياه ) .
6 . تنظيف الطنابير الأماميه والخلفيه وتيل الفرامل بالهواء .
7 . تربيط العفشه .

- وكانت إجمالى فاتورة الصيانه كالتالى :

252.50 جنيه .......... كتييييييييييييييييييييير جداً بصراحه .

وشكر خاص برضه لأيمن ( الفنى ) إللى إتعاملت معاه المرات إللى فاتت وحبيت أتعامل معاه برضه المره دى .

والحمدلله تمت بخير .