يا ريت يا جماعة اللي عنده المواقع الرسمية للأحزاب اللي أنشأت مؤخراً .. وأكرر مؤخراً لأن الأحزاب في الفترة السابقة كانت من وجهة نظري عبارة عن شوية مناظر علشان يبان أن في تعددية حزبية .. وأرجو أن محدش يزعل من كلامي .
ومش شرط المواقع بعينها .. أنا اللي أقصده البرامج بتاعة الأحزاب دي عبارة عن أيه أو اتجاهاتها أيه ...إخ
للأسف كثير من فئات الشعب المصري (وأنا واحد منهم) إن كان بيفهم في السياسة إلى حد ما (بالفطرة) إلا أنه كان مغيب عن الحياة السياسية تماماً ولا عارف راسه من رجلية .. لحد ما حصلت الانفراجة .. بس الواحد محتار وسط هذا الكم من الأحزاب وماهية برامجها .
وجهة نظري أن غالبية الشعب المصري متدين بطبعة سواء مسلم أو مسيحي .. ويغلب عليه الاعتدال في تدينه بعيداً عن التزمت .. وفي نفس الوقت كل طرف خائف من الأخر وعاوز يغلب الرأي اللي بينتمي ليه في ظل الهوجة السياسية اللي أحنا فيها من غير ما يدي فرصة للطرف الأخر للكلام ولا لسماعه .. بالرغم أنه في قرارة كل طرف صالح البلد (إلا الفئات المعروفة طبعاً) .
وأكتر حاجة بتواجة الشعب المصري دلوقتي هو الجهل .. مش جهل القراءة والكتابة .. وإنما جهل تحديد هويته السياسية وعمال يسمع من هنا وهنا ومش عارف يحدد هو مع أنهي طرف .. وأسف على الإطالة بس كان شوية كلام محشور في زوري .
المفضلات