الموضوع: الثبات ما ليه مثيل فى نفس الفئه

المشاركة الأصلية كتبت بواسطة mohamed1979

والله يا باشا مش ينلمع العربيات على قفا غيرنا ولا حاجه
بس هيا دى الحقيقه اللوجان عربيه محترمه بمواصفات اوروبى
تتفوق فى الأداء على الفيرنا و اللانوس وده من كلام ملاك العربيتن وتجار سيارات و الناس دى فهمه اوى يعنى ايه عربيات و سواقه

الحاجه الوحيده و ده بأجماع الناس المتفوق فيها الفيرنا و اللانوس هى رخص قطع الغيار

اعتقد ان اللانوس على شاسيه و موتور اوبل كاديت
تقبل تحياتى و ارجو ان ردى ميعملش اى مشكله او مشاحنه بين الأعضاء

يا باشا ما دام نقاش في حياديه يبقي ليه يزعل

http://www.nilemotors.net/Nile/670-a.html

طلع شاسيه اوبل استرا 95

اصل واحد يقولك اللنوس بتعوم بعد 120 انا العربيه معايا لحد 150مكلبشه في الارض

150.01 ابتدت تنط علي الطريق

بس لكن اللي يقول بتعوم اقوله جربتها فين يقولي عربيه ماجرها

ده لو بي ام متاجره هتلاقيها بتعوم علي 80

وتقبل وافر التحيه

المشاركة الأصلية كتبت بواسطة sallam569

على فكرة يا باشا محدش قال ان الانوس وحشة بالعكس ان بحب الانوس جدااااا على الأقل قطع غيارها عند البقال و اى عربية ممكن تجرى معاك طالما انت محافظ عليها و لسة بخيرها ان ركبت عربية لانوس 2007 و جبت بيها 140 و مقلتش لأ ....
و حنا مش بنلمع اللوجان على حساب عربيات تانية بالعكس والله اللوجان عربية محترمة فعلن و كل عربية و ليها زمنها منصور شفرليه لما اشترى شركة دايو و نزل الانوس خلاها فاشلة بجد والله فى فرق بين الدايو و الشفرليه الدايو ............* انا عن نفسى ركبت الشفرليه لانوس و جبت بيها 130 و حسيت ان العربية عايمة و هتغرق و كمان فرمالها و عفشتها وحشين اوى و كذلك الفيرنا لغاية عام 2008 كانت رائعة لأن وقتها كانت بتتقفل فى كوريا انما حاليا تقفيل مصرى ...
فى النهاية تقبل خالص تحياتى و مش عاوزك تزعل مننا لأن احنا كلنا اخوات و بنتعلم من بعض و بنكمل بعض لأن دى وجهات نظر و مجرد اراء و اختلاف الرأى لا يفسد للود قضية .....

+111111

والله قولت اللي عايز اقوله ان منصور هو اللي بهدلها

بس اللي بيكرهني في اللوجان بعض الاعضاء اللي بيبالغو بزياده

مع اني جاري معاه لوجان وانا اللي قايله عليها

تلاقي واحد عربيه الننترا علمت عليهوه و سايق لوجان

يجي يقولك اللوجان احسن من الانوس والفيرنا والساجا

طب هما في طريقك

بس وانا مبزعلش من المناقشه الحياديه والعقلانيه والموضوعيه

تقبلو وافر الاحترام والتحيه

المشاركة الأصلية كتبت بواسطة amado318

الانوس على طريق العين السخنه 190 والملفات 170 وزى الفل عفشه سليمه وجنوط 14 طير بالانوس والصحراوى اسكندريه 185 والدائرى كارفور 190 اصل الطريق نازل وناعم شويه وعلى فكرة الرابع بيوصل معايا 185 والتالت 130 والتانى 85 والاول 50 وعادى جدااااااامش بتقول لا والحمد لله لسه راجع مع لوجان صحراوى والله بهدلته معايا وكان بيهدى فى الملفات وانا ولا الهوا

اللانوس بتفصل
اول 50

تاني 90

تالت 130

رابع 160

خامس لحد ما اخرها يجيب 190 200

لو ربنا كارمها وفي منزل والهوا في ضهرها 210

غير كده ما تجيبهاش

ليه السرعات ديه يا جماعه ...؟ربنا يسترها عليكم

الموضوع عن الثبات ، دخلت لقيتكم بتتكلموا عن السرعة ؟؟؟!!
ايه العلاقة ان عربية تقدر تجيب 200 كيلو فى الساعة بكونها ثابتة أو مش ثابتة؟