الموضوع: الثبات ما ليه مثيل فى نفس الفئه

و مازال الضحك مستمرا.....

MMamdouh

المشاركة الأصلية كتبت بواسطة M_SALLAM

الأستاذ تامر محمد بيتكلم كلام جميل و مظبوط 100% بس معلش فى حاجات احب اوضحاله :

1- حضرتك بتقول فخامة تابلوه الانوس افضل من فخامة تابلوه اللوجان
اللى بصراحة اسوأ ما فيها انا اول مرة اسمع الكلمة دى بصراحة الكل اجمع ان تابلوه اللوجان يتميز بالبساطة مع مواد محترمة للغاية و افضل من مواد الانوس و روح اتفرج على اللوجان و انت هتشعر بالفرق ..
ركبتها يا باشا كذا مرة انا مش بافتي
:)


2- انا قلت فى المشاركة ان اللوجان بتجيب من صفر - 100 خلال 11.5 ثانية انا مبقولش الكلام دة من عندى خوش على مواقع رينو و انت تعرف و بمعدين مين قال لحضرتك ان اللوجان مبتشدش مع سيراتو بالعكس والله انا لما جبت 190 كنت شادد مع عربية كيا سيراتو و اللوجان اثبتت نفسها و بجدارة و الحمد لله ..

خلاص , نسأل في الموضوع ده الاخوة في قسم سيراتو عشان الخناقة تكمل بقى
ههههههههههههههههههههههههه ههه
يا باشا اذا كان الميجان2 ال115 حصان بشهادة زميلنا ياسر الصياد لو شدت مع السيراتو تتقطع (ياسر مالك للميجان و السيراتو) هل تظن ان اللوجان بموتور ميجان1 ال90 حصان هاتسد قصاد السيراتو ؟


3- بخصوص اسم رينو و داشيا انا حابب انى اوضح لحضرتك الفكرة و هى كالأتى :
تصنع السيارة لوجان فى 7 مصانع مختلفة بالقرب من الأسواق الكبرى لها و هى ( رومانيا - روسيا - البرازيل - كولومبيا - المغرب - الهند - ايران و تباع السيارة لوجان فى 55 دولة حول العالم ..
اللوجان بتنزل فى مصر و اوروبا و المغرب باسم رينو لوجان
فى امريكا الجانوبية باسم نيسان ابريو و تحت كلمة لوجان مكتوب made by renault
بتزل فى الهند باسم ماهيندرا لوجان و تحت كلمة لوجان مكتوب made by renault
فى بعض الدول باسم داشيا او داسيا لوجان بعد ان توحدت شركة رينو و داشيا فى عام 1987 تقريبا و برضه مكتوب تحت كلمة لوجان made by renault
ارجو ان الفكرة تكون وصلت لحضرتك ..

و الله واصلة لي , بس العربية في الآخر لو هانتكلم بجد هي داتشيا مش رينو , زي ما الكروز و الأوبترا دايو مش شيفروليه , و ده ما يقللش منها , بس حط اللوجان كعربية في مقارنة مع السيمبول او الميجان2 او الميجان3 او الفلوانس من حيث كل حاجة هاتخسر خسارة صريحة و ده طبيعي و برده ما يعيبهاش لأن مستوى عربيات رينو واقعيا اعلى من مستوى اللوجان اللي بتستهدف دول العالم التالت و ده برده ما يعيبهاش

4- حضرتك بتقول لو تقصد اعتمادية اكثر فدى لسة مبانتش انما الانوس كعربية اثبتت اعتماديتها من زمان ..
انا متفق معاك فى نفس الفكرة بس من المعروف ان رينو لها اعتمادية كبيرة جداااا .

على فكرة بقى رينو رغم عشقي ليها و رغم اني بادور على ميجان2 , بس مش مشهورة باعتماديتها خالص , هي تتفوق في حاجات تانية , و بالعكس معروفة بأنها عربية بنت ناس و مش بتاعة بهدلة و اظن الاخوة في قسم رينو ممكن يقولوا لك الكلام ده افضل مني :))))))))))
و رغم كده , ما ينفعش تقول على اللوجان كده لأن اللوجان بتستخدم تكنولوجيا اقدم فبالتأكيد وضعها مختلف



5- انا حبيت اوضح لحضرتك شوية الأفكار علشان واضح من كلام حضرتك انك انسان محنرم و بتتكلم بموضوعية جميلة جدااااا بس مكنش ليها لزمة كلمة انت محموق شوية انا ولا محموق ولا حاجة و ربنا يعلم و بعدن احنا اخوات و منفعش نخسر بعض علشان حتة حديد و ماشية على شوية هواء فياريت نتكلم بأسلوب حضارى شوية و نتعلم اساليب الحوار ....

معلش لو كلمة محموق شوية ضايقتك , انا اقصد انك باين من كلامك انك بتتكلم بانفعال و الموضوع زي ما بتقول ما يستاهلش , انا و الله مش باقلل من عربيتك , و للعلم لو هاشتري عربية زيرو في رينج السعر ده حاليا كنت هاجيب لوجان لأنها افضلهم فعلا و لأني ما احبش اتعامل مع توكيل زي منصور
انا بس اللي عايز اقوله :
1- مش لازم عشان اللوجان تبقى حلوة ان اللانوس و الفيرنا يبقوا زبالة, الموضوع مش اهلي و زمالك
2- اللوجان تتفوق على اللانوس , صح بس مش مليون مرة و مش في كل النقط , الموضوعية تحتم علينا اننا ما نظلمش لا دي ولا دي, ولا نتجاهل نقط تفوق واحدة و نبرز نقط تفوق التانية مثلا


و بالمناسبة , زي ما كنت باقول لك , لو توكيل زي منصور توكيل محترم كان لما استلم العربية من ابو الفتوح جابها بمواصفات اعلى , على الأقل موتور 16 صمام و جنوط 14 و فرامل 1600 , و كان يخليه محترم اكتر لو جاب فئة اعلى كمان فيها ABS و Air Bags و كله بتمنه , بس هو اعتمادا على سمعة العربية (حط تحتها الف خط) , جابها بنفس المواصفات , و على العكس جاب فيها بعض الأجزاء صيني و ذات جودة سيئة

التوكيل في مصر بيفرق جااااااااااااااامد جدا

ربنا يبارك لك فيها يا عم
:)

بس ليه شايف كده ؟

لو الانوس اللى معاك كويسة و مفيهاش مشاكل يبقى حرام عليك تبعها و تزود و تجيب ميجان ....