الموضوع: معلومات هامة .. عن زرار الزجاج الكهرباء الاتوماتيك للسائق فقط

المشاركة الأصلية كتبت بواسطة PeaceMan

شكرا يا حماده علي المعلومة الجامدة ديه
احنا كده عرفنا معلومتين برمجة حلويين للعربيات بتاعتنا و هي ازاي نعمل ريستارت للعربية و كمان ازاي نعمل برمجة تاني لأوتوماتيك الزجاج
يا ريت يا احمد لو نعرف اي برمجيات للعربيات تاني تبقي 100%

طيب أحنا ما عرفناش أذاى نعمل ريستارت لكمبيوتر العربية أو reset للكمبيوتر ودة أولا

ثانيا : هل الكلام دة موجود فى الصنى ولا مش موجود ؟؟؟؟؟؟؟؟؟؟؟؟؟؟؟؟؟؟؟؟؟؟

ثالثا : ومعلش سامحونى هو نظام رفع الزجاج فى الصنى بنفضل ضاغطين على الزرار لغاية ما يطلع للأخر ذى نظام اللانوس

ولا بنضغط دوسة واحدة ونسيب أيدنا من على الزرار وهو يطلع براحتة .وفى الحالة الآخيرة دية أمتى بالضبط بنفضل دايسين على الزرار 3 ثوانى ؟ فى الآول وأحنا بنرفع الزجاج نفضل ضغطين 3 ثوانى ..ولا لما الزجاج يطلع للأخر لواحدة بعدها نبدأ نضغط على الزرار الزجاج 3 ثوانى

وشكرا للأدارة على رفع الموضوع للأهمية السؤال والآفادة

وجزاكم الله خيرا

الحمد لله ان المشكلة اتحلت انا كنت حاسس انك متدايق اخر مرة كلمتك وما كنتش اعرف ان في مشكلة عندك في العربية ربنا يباركلك فيها ومايكونش في مشاكل ابدا اصل العربية لما يكون فيها عيب وما حدش يعرف يصلحه بتبقي حاجة صعبة والواحد فعلا بيبقي متدايق وان شاء الله اشوفك قريب

شكرًا يا باشا على المعلومه الجامده دى

المشاركة الأصلية كتبت بواسطة hesham2004

احب اضيف معلومة تانية بعد اذن صاحب الموضوع عن خاصية ( auto-reversing systems (ars و دى علشان لما ترفع الزجاج اوتوماتيك و يعترضه عائق زى ايد حد مثلا و منعا انه يقفل على ايده ، فبتشتغل الخاصية دى و توقف الزجاج فورا و تعيده الى نصه ، و علشان نبرمج الزجاج الأوتوماتيك نتبع الآتى :
ننزل الزجاج الى اخره
نرفع الزجاج الى نصه
نجيب قطعة خشب او زجاجة مياه بلاستيك فاضية و نحطها على حرف الزجاج علشان يقفل عليها
نرفع الزجاج اوتوماتيك ( يعنى نرفع الزرار الى اخره )
حنلاقى الزجاج طلع لفوق و اول ما يصتدم بقطعة الخشب حيرجع مباشرتا ال نصه ، و كده يبقى اتبرمج

خاصيه حلوه جداً بس نصيحه بلاش تشغلها اليومين دول علشان الحراميه. يعنى لو واقف مثلا لاقدر الله و حرامى جى عليك الأحسن الزجاج يقفل و يا ريت يقطعله ايده كمان مش ينزل تانى و تلاقيه قدامك

مشكور علي الافادة