الموضوع: ممكن اسعار مرايات ضم الصني برة التوكيل

misho 2381

اللي انا فاهمه انك مراياتك مانيوال و عايز تخليهم ضم.

لو انا فهمت صح أنصحك تسيب المرايات الفبريكة بتاعتك زي ما هي و تشتري بس الموتور بتاع كل مرايا (استيراد) دور عليه في الحرفيين هتلاقيه عند بتوع المرايات (هتشيل القلب المانيوال بتاع المرايا و تركب بداله الموتور) و دي يعملهالك اللي هتشتري منه الموتور
هتجيب الزرار بتاع المرايات الضم برضه استيراد و تطلع بالمرايات و الزرار علي الكهربائي
الموضوع ده كله علي بعضه الموتورين و الزرار و التركيب يدخلوا في حسبة 700 جنيه تقريبا (كلفتني انا كده)

المرايات الضم خارج التوكيل بتعمل حوالي 350 جنيه المرايا و بتكون طبعا مش اصليه و انا مجربتهاش بس سمعت انها ممكن تبوظ بسرعة. ده غير الزرار طبعا. يعني انت بنفس الفلوس و اقل هتخلي نفس المرايات الاصلية اللي احسن بكتير و تركبلها موتور و خلاص.

ليه بقي انا بقولك تسيب المرايات زي ما هي عشان كل المرايات اللي موجودة في الحرفيين استيراد و انت عارف ان الدركسيون برة يمين و زوايا الرؤية و قواعد المرايات بتاعة العربية سواق يمين تختلف تماما عن السواق الشمال.

الكلام ده كله انا مجربة و انا دلوقتي مركب موتورين للمرايات بتاعتي زي ما بقولك و الزرار و بس كده.

الموضوع ده انا كنت عملته عند واحد في شارع دمشق مش فاكر اسمه بس هو بعد بيروت بتاع الفولكس يعني تخلي بيروت علي ايدك اليمين و تكمل ادام شويه اسأل هناك بس انا مش فاكر اسم المحل.

انا برده رأيي من رأي seashark انك تجيب الماتوريين و تركبهم في المرايات الاصلي بتوعك و كمان لو لاقيت وحدة غلق استيراد يبقي كده 100% بحيث انها تغلق اوتوماتيك اول ما تبطل العربية و تفتح اول ما تدور العربية
و اوعي اوعي تشتري مرايات استيراد لأن بعد التركيب هتلاقي المرايات صورتها ضاربة في ابواب العربية نظرا لأن الدريكسيون يمين و ليهم ابعاد تانيه خالص زي ما قال SeaShark

المشاركة الأصلية كتبت بواسطة samsong

ابن حلال اكيد هتقدر تفيدني لاني عاوز حد فعلا جرب....
ياريت تقولي او لو ممكن شرح :-
1- لعملية التركيب ( ايه الحاجات الى بتتفك ) .

فك فرش البابين.
فك الغطاء البلاستيك اسفل الدركسيون لتركيب المفتاح.
اخراج و فك المرايا نفسها و اخراج القلب كاملا لتركيب الموتور بدلا من الوحدة اليدوية.

2-وهل بيعمل حاجه في ضفيرة العربيه.

لا مفيش حاجة بتتعمل في الضفيرة بس ممكن يحتاج يقص فيشة المرايا و يركبها تاني عشان فك و تركيب الموتور و لو حريف ممكن يخرجها من غير ما يقصها.

3-الزرار بتاعها بيركب فبن.

زرار الضم و ضبط المرايا بيكونوا في مفتاح واحد (عندك بيكون في بس مفتاح الضبط و بيتشال كله و بييجي مفتاح تاني كامل في الضم و الظبط و زرار الضم بينور بالليل مع التابلوه)
مفيش تعديل في الفيشة هو بس بيشيل المفتاح ده و يركب ده مكانه.

4-سعر الواحده كام والتركيب كام ولو بيتجاب اي حاجه زياده يبقي كتر خيرك لو اعرف.

الاسعار بتختلف اكيد من مكان للتاني عشان الاستيراد ممكن يكون في فروق اسعار بين مكان و التاني و في ناس مستغلة و ممكن يزودوا في السعر بس زي ما قولتلك الموتور الواحد انا جبته بـ 300 جنيه و المفتاح هيدخل في حوالي 100 جنيه.

5-هي ياباني ولا تايواني ولا صيني

طالما استيراد يبءي المفروض كل حاجة ياباني

6-تنصحني اخذ بالي من ايه

تاخد بالك اثناء الفك و التركيب عشان مفيش حاجة في الفرش او الدواخل تتجرح و تقف علي ايده و هو بيركب.
و تشوف بيعمل ايه عشان تبءي عارف كويس ايه اللي اتعمل في العربية.

معلش اسئله كتير بس من العشم

ولا يهمك مفيش اي حاجة

والف شكر