مشكلة في لانسر بومه 2009 اوتو

**boma** · 20-06-2011 09:37 PM

المشاركة الأصلية كتبت بواسطة egy77

الحمد لله اشتريت لانسر 2009 العربية ماشية 34 ألف كيلو متر بس لما سافرت بيها لاحظت اني لما اعدي على عيون القطط او العوارض الحديد الموجودة في الطريق آلاقي العربية زي ما تكون مكتومة وبتسحب بصعوبة قولت يمكن في وساخة في البنزين فحطيط منظف في التنك الموضوع ده قل عن الاول بس بيحصل ساعات ... هل كده فلتر البنزين محتاج تنضيف ولا فيه مشكلة تانية (مع العلم اني مغير البوجيهات لـ ngk واحد شمعة ونضفت الفلتر وزيت الفتيس مظبوط)؟ رجاء الافادة.

نفس الشىء بيحصل عندى بالظبط وياريت حد يفسره فعلا لما بعدى على الفواصل ديه او عيون القطط العربية بتتكتم لثوانى وترجع تجمع من جديد وانا مش عارف ايه سبب الكتمة ديه انا غيرت البوجيهات ونظفت فلتر الهواء وحطيت منظف بنزين وبردو الموضوع ده بيتكرر

**tigernet** · 21-06-2011 07:29 AM

المشاركة الأصلية كتبت بواسطة egy77

عيون القطط اللي هي الإشارات الفسفورية الموجودة في الطريق على الطريق الزراعي بتبقى ساعات موجودة بكثافة ورا بعضها في المدن ... اللي قصدته ان العربية بتتكتم مع الرجة الجامدة لما تعدي على حاجات زي دي.

بالنسبة للبوجيهات انا غيرتها والموضوع ده كان موجود بردو قبل تغيير البوجيهات عشان كده انا غيرتها لـ ngk ونضفت الفلتر.

هل كده محتاج اني انضف فلتر البنزين كمان ولا ايه ... انا بمون العربية 92.

يا ريس فلتر البنزين بتاع البومة مش بيتنظف بيتغير

**محمد عز** · 21-06-2011 09:07 AM

ياباشا العربية مصممة لما تعدى على عيون القطة او البارات الحديد اللى بتبقى بالعرض قبل المطبات سرعتها بتنزل لان دة معناة انك داخل على منحنى خطر او مطب صناعى . اطمئن على العربية

الكلام ده غير صحيح بالمرة

عيون القطط وشرائح تهدئة السرعه اتعملت علشان تنبه السائق انه يهدى السرعه

والسائق لا اراديا بيهدى السرعه نتجية حصول رجرجة بسيطة فى العربيه لا ختلاف سطح الطريق

**M_H** · 21-06-2011 03:58 PM

السلام عليكم
انا فاهم قصدك كويس واحساس انا العربيه بتهدي ده فعلا - اطمئن ما فيش مشكله في العربيه ولا حاجه
واحسن حل للموضوع ده شيل رجلك من علي البنزيزن وانت بتعدي اي مطبات زي عيون القط كده .

**kareembelal** · 22-06-2011 01:01 AM

المشاركة الأصلية كتبت بواسطة محمد عز

الكلام ده غير صحيح بالمرة

عيون القطط وشرائح تهدئة السرعه اتعملت علشان تنبه السائق انه يهدى السرعه

والسائق لا اراديا بيهدى السرعه نتجية حصول رجرجة بسيطة فى العربيه لا ختلاف سطح الطريق

وهل هناك دليل علي عدم صحة الكلام ده عند حضرتك بالرغم من وجود الموضوع ده عند كل اللي عنده لانسر

انا معايا بومه سوبر أكشن وبيحصل ده عند المطبات الحفر وتكسير الاسفلت وعوارض الطرق اي هزه عنيفه فجائية في الطريق العربيه بتهبط سرعتها كأني دوست فرامل أو حد شدها للخلف وترجع تمشي تاني عادي
وده معناه ان التحليل سليم وليس خطأ

**محمد عز** · 22-06-2011 09:32 AM

وهل هناك دليل علي عدم صحة الكلام ده عند حضرتك بالرغم من وجود الموضوع ده عند كل اللي عنده لانسر

انا معايا بومه سوبر أكشن وبيحصل ده عند المطبات الحفر وتكسير الاسفلت وعوارض الطرق اي هزه عنيفه فجائية في الطريق العربيه بتهبط سرعتها كأني دوست فرامل أو حد شدها للخلف وترجع تمشي تاني عادي
وده معناه ان التحليل سليم وليس خطأ

التفسير بسيط جدا

لو فيه انسان بيجرى وفجاة قابل عائق امامه سرعته بتقل حتى لو فضل يجرى

نفسه الحكايه لما العربيه تقابل عائق (يعتبر مقاومة للعربيه) بيقلل من سرعتها من غير ما تحس

**M!SHO** · 22-06-2011 03:47 PM

الموضوع ده عادى متقلقش منه

أنا فعلاً بحس العربيه بتكن ( بتهدى ) وبترجع تانى

**hesham22822** · 22-06-2011 09:07 PM

المشاركة الأصلية كتبت بواسطة محمد عز

الكلام ده غير صحيح بالمرة

عيون القطط وشرائح تهدئة السرعه اتعملت علشان تنبه السائق انه يهدى السرعه

والسائق لا اراديا بيهدى السرعه نتجية حصول رجرجة بسيطة فى العربيه لا ختلاف سطح الطريق

انا مش عارف لية انت مش مقتنع انا اللى باقولة دة واثق منة واسال حضرتك هى العملية مش تخمين . الموضوع ده فى تصميم اللانسر مش احساس و نتسرع و نكتب الكلام مش صحيح