اسف علي التأخير لظروف الشغل
حابب اقولوكوا علي اخر التطورات
اتصلت بيا واحده من المركز يوم الاحد اللي فات تقريبا
طبعا مش هعلق علي طريقتها في الكلام و لا الاسلوب المايع و لا التليفون اللي كل شويه تقفله و تقولي 5 دقايق و اكلم حضرتك ! الحركه دي حصلت حوالي من 5 الي 7 مرات (حاجه زباله يعني)
مش هطول عليكوا الخلاصه ان حاجتي اللي اتسرقت اتسرقت و شكرا و بدون ضرر لأي حد تقريبا هما لو عرفوا مين اللي سرقها هيقلولو شاطر و يصرفولوا كام عربيه يتسلي فيهم سرقه
المهم هي حاولت تعرض عليا عرض و تقولي احنا عندنا ممكن نعملك خصم علي الصيانات !
طبعا انا كنت عايز اقول كلام عيب بس مسكت نفسي و قولتلها هي الصيانات دي فين ؟ قالتلي عندنا !
قولتلها لأ و الله ! و تفتكري اني هاجي عندكوا تاني ؟ معرفتش ترد طبعا و قفلت و قالت 5 دقايق و اكلم حضرتك و شكرا و لا حياه لمن تنادي
انا بس عايز اوصل رساله
بما ان كل بتوع التوكيل هنا
يا جماعه انا مش عايز حاجه غير حاجتي اللي اتسرقت من عربيتي و اعرف مين اللي سرقها و بس مش عايز حاجه تاني بعد اذنكوا انا لا عايز عروض و لا عايز صيانات و لا عايز حتي عربيه جديده
و رساله لكل الناس هنا ياريت يا جماعه اللي اتسرق يكتب ايميله