حضرتك احنا بنحاول نبعت شكوى في توكيل غبور ومراكز الصيانة السيئة بتاعته وسوء الخدمة اللي هناك سواء في مراكز هيونداي او مازدا
وحضرتك واحد من ضمن ناس كتير عندها شكاوي بس مش عارفين نتعامل مع الناس دي ، لو عندهم صنايعية حرامية ، يبقى العيب على المديرين والمسؤوليين اللي عارفين ومطنشين وسايبين الناس دي تسرق كده ، لازم يعرفوا ان طناشهم ده مش فهلوة ولا ترييح دماغ طالما اللي بيتسرق بيسكت ، احنا عايزين نبعت شكوى لمازدا في اليبان ولهيودنادي في كوريا عن المزبلة والإهمال اللي غبور بقى فيهم !! وفالح بس يقشطنا فلووس سواء في اسعار عربياته ولا في قطع غياره وصياناته وعلى ايه كل ده مش عارف ؟
ياريت لو حضرتك تكتب شكوتك في شكل ميل رسمي يتبعت لهيونداي كوريا ، ونستأذدن حضرتك تكون شاهد تضم اسمك وشكوتك في غبور كتوكيل بشكل عام بغض النظر عن نوع العربية عشان نبعتها لمازدا في اليابان كمان
هما فاكرين ان شغلتهم يجيبوا عربيات ويبيعوها ويحصلوا مننا صيانات وفولوس ويجري ، من غير مايكون في خدمة باحترام وبشكل لائق وباحترافية مهنية ، شغل معلمين في شادر سمك مش تجار عربيات محترمة !!!
دي عينة من مجموع الشكاوي اللي حصرناها بالنسبة لمازدا في اللينك ده:
http://www.nilemotors.net/Nile/227419-a-6.html
وفيها كمان مشكلة المهندس ياسر المهدي اللي اشترى الانترا زيرو ودافع فيها دم قلبه وعليه اقساط من البنك ومش راحمينه ، وغير طبعا مشكلة ابو مارو ... بجد غبور بإهماله ده هايبقى الجاني على نفسه ، هو فاكر خدمة العملاء دي يعني ايه ؟؟؟
مش عايزين نسكت وعايزين نطربقها على دماغه هو وكل االلي زيه واللي بيعاملونا على اننا نحمد ربنا اننا عندنا عربيات ومانطلبش اكتر من كده !! هانعرفهم ان لما يفقدوا احترام العميل ، هايفقدوا كل حاجة أصلا !!!
مستنين مشاركة حضرتك معانا
المفضلات