عايز اغير شويه حاجات في الجوليت

**3mr Farrag** · 28-04-2008 12:07 AM

لسه ابن عمي جايب جوليت....
و طبعا ذي اي عربيه مستعمله بتبقي عايزه شويه تظبيط...
فهقول لكم الحاجات اللي عايزه تتظبط...هي مش كبيره بس طبعا احسن نظبطها
1-نسبه سحب العربيه مش مظبط مع الار بي ام...بس العربيه تحس انها عايزه تجري
انا اللي عرفته اني انضف الردياتير و احطلها مايه ملونه بس مش عارف احط انهي الاخضر ولا الازرق؟؟؟
مع تنضيف الانجكشن
2-الفتيس بيعلق شويه في النقلات...و بيتهز شويه و بتحرك سنه لما اجي احرق و اشيل رجلي من البنزين....ده محتاج تغير ايه؟؟؟
3-الدريكسيون حاسس انه بيحدف شويه و معوج سنه...فهل عند تظبيط الزوايه الراجل يعرف يعدل الدريكسيون ولا تتعمل في حته تانيه
4-احيانا لما بحود يمين في شمال اسمع صوت طقه....هل ده جلب مقصات ولا حاجه تانيه
5-الكونتاكت بيعلق شويه في تتطليع المفتاح ...هل ده محتاج تغير الكونتاكت كله ولا ديه حاجه بسيطه سهل تتعمل

و هي العربيه عامله 113000 كم.... و انا ساكن في الهرم لو حد يعرف ناس كويسه اعملها عندهم
و الحاجات ديه ممكن تكلف كام؟؟؟

و شكرا علي تعبكم مقدما

**BomBom** · 28-04-2008 12:17 AM

بالنسبة للكهربائي فيه كهربائي في اول شارع يمين بعد شارع العريش و انت رايح على المريوطية ، اسمه عماد الصعيدي و دي نمرة تليفونه 0109193019 .
و بالمناسبة هو ابن عمك جايب العربية بكام ؟

**sokasoon** · 28-04-2008 12:53 AM

المشاركة الأصلية كتبت بواسطة 3mr Farrag

2-و بتحرك سنه لما اجي احرق و اشيل رجلي من البنزين....ده محتاج تغير ايه؟؟؟

انا عندى الفتيس بيرجع سنه لورا لما بدوس بنزين ويرجع لما اشيل رجلى

بس انا كنت فاكر ده عادى مش مشكلة فى الفتيس بمعنى انى لما بشد ينزين بالذات

لو بطلع بسرعة مرة واحده بالتالى الفتيس بيرجع سنه لورا عكس مش عارف ده صح ولا غلط

يا ريت استاذ ممدوح يوضحلنا النقطة ديه

**3mr Farrag** · 28-04-2008 05:50 PM

احنا جبنا العربيه بحوالي 46500 موديل 2001
و يا وليد الموضوع الهزه ديه غريبه اوي....بس في الجوليت بيتحرك جامد

و محدش رد علي الباقي يعني يا رجاله
رحت فين يا محمد ممدوح :(

**ahmedezzat78** · 29-04-2008 12:47 AM

المشاركة الأصلية كتبت بواسطة 3mr Farrag

لسه ابن عمي جايب جوليت....
و طبعا ذي اي عربيه مستعمله بتبقي عايزه شويه تظبيط...
فهقول لكم الحاجات اللي عايزه تتظبط...هي مش كبيره بس طبعا احسن نظبطها
1-نسبه سحب العربيه مش مظبط مع الار بي ام...بس العربيه تحس انها عايزه تجري
انا اللي عرفته اني انضف الردياتير و احطلها مايه ملونه بس مش عارف احط انهي الاخضر ولا الازرق؟؟؟
مع تنضيف الانجكشن
2-الفتيس بيعلق شويه في النقلات...و بيتهز شويه و بتحرك سنه لما اجي احرق و اشيل رجلي من البنزين....ده محتاج تغير ايه؟؟؟
3-الدريكسيون حاسس انه بيحدف شويه و معوج سنه...فهل عند تظبيط الزوايه الراجل يعرف يعدل الدريكسيون ولا تتعمل في حته تانيه
4-احيانا لما بحود يمين في شمال اسمع صوت طقه....هل ده جلب مقصات ولا حاجه تانيه
5-الكونتاكت بيعلق شويه في تتطليع المفتاح ...هل ده محتاج تغير الكونتاكت كله ولا ديه حاجه بسيطه سهل تتعمل

و هي العربيه عامله 113000 كم.... و انا ساكن في الهرم لو حد يعرف ناس كويسه اعملها عندهم
و الحاجات ديه ممكن تكلف كام؟؟؟

و شكرا علي تعبكم مقدما

تغير فلتر هواء و بنزين و بوجيهات و يفضل استخدام سائل تنظيف الرشاشات و الكشف على كابلات البوجيهات و يفضل تكشف عليها ب سكانر عشان تتطمن على الحساسات
مراجعة تيش الفتيس و قواعد الموتور و الفتيس
لو تقصد التاره تبقى محتاج زرجينه دركسيون و غالبا هتبقى عند بتاع الزوايا و بما ان العربيه مستعمله يبقى يستحسن تضبط زوايا و بالمره تضبط الطارة و فى الحاله دى ممكن يعدل التارة من العفشه من غير ما يفك التاره
مش متاكد بس غالبا بيض الطرف بتاع علبه الدركسيون
رش اسبراى wd40

طالما العربيه مستعمله يبقى الاحسن تغير سير كاتينة و بليه كاتينه و طلمبه ميه لو انت ما تعرفش الحاجات دى اتغيرت امتى

**kemoelord** · 29-04-2008 01:06 AM

طبعا الف مبرووووك على العربيه لكن انا شايف ان سعرها غالي شوي بالنسبه للمشاكل الي فيها وبالنسبه للكيلوهات الي مشيتها العربيه ,, وانا متفق تمام مع الاستاذ احمد على المفروض يتعمل فيها وشكرا

**MMamdouh** · 29-04-2008 02:14 AM

المشاركة الأصلية كتبت بواسطة ahmedezzat78

تغير فلتر هواء و بنزين و بوجيهات و يفضل استخدام سائل تنظيف الرشاشات و الكشف على كابلات البوجيهات و يفضل تكشف عليها ب سكانر عشان تتطمن على الحساسات
مراجعة تيش الفتيس و قواعد الموتور و الفتيس
لو تقصد التاره تبقى محتاج زرجينه دركسيون و غالبا هتبقى عند بتاع الزوايا و بما ان العربيه مستعمله يبقى يستحسن تضبط زوايا و بالمره تضبط الطارة و فى الحاله دى ممكن يعدل التارة من العفشه من غير ما يفك التاره
مش متاكد بس غالبا بيض الطرف بتاع علبه الدركسيون
رش اسبراى wd40

طالما العربيه مستعمله يبقى الاحسن تغير سير كاتينة و بليه كاتينه و طلمبه ميه لو انت ما تعرفش الحاجات دى اتغيرت امتى

100+

السحب ملوش علاقة بمية الرادياتير... اما العربية عايوة سرفيس و نضافة بوابة و منافول او اسطوانة الدبرياج مفوتة... هل الاRPM بيعلى و السرعة مش بتزيد؟؟

حط مية حمرا او خضرا مش فارقة اللون

اساسى تغير طقم كاتينة عشان انت متعرفش الحاجات دى مستهلكة قد ايه فى العربية و يفضل تغير طلمبة ميه كمان

متخليش حد يفك الطارة... بتاع الزوايا هو اللى حيوسطن الطارة من غير ما يفكها

MMamdouh

-

الموضوع: عايز اغير شويه حاجات في الجوليت

LinkBack

أدوات الموضوع

عرض

عايز اغير شويه حاجات في الجوليت - انشر الموضوع فى :

-

-

-

-

-

المواضيع المتشابهه

سؤال علشان ناوى اغير الكاوتش الجوليت

عايز اغير من معدني لتخليقي و من نوع لنوع و شوية حاجات فوق بعض

عايز اغير شوية حاجات فى عفشة 128

انا عايز اعمل شويه حاجات فالعربيه 128 بتاعتى -يتكلف كام

عايز اغير شويه حاجات في الجوليت

الكلمات الدلالية لهذا الموضوع

المفضلات

المفضلات

ضوابط المشاركة