الموضوع: جوان وش سلندر ولا الوش نفسه ؟

ياباشا الموضوع بسيط جدا انت قلقان لية ومش مكلف اصلا

شوف ياباشا اللى هيتعمل كالاتى بالترتيب

1- المكنة هتتحل وهية باردة تمام

2- هيفك وش السلندر وهيودية للخراط يقيس الجوان لو لاقى فية عالى وواطى يعنى ريجة من السخونة لازم يتقشط ودة هيترتب على انك مشيت قد اية بالمكنة وهية فاضية من المياة . لو ملقاش ريجة او عالى وواطى فى الوش يبقى هيتسنفر فقط من اى اثار للجوان عشان يبقى نظيف , وبردة البلوك هيتنظف بس بالسنفرة ويتاكد الميكانيكى انة بردة سليم وتركب الوش الجديد مع تنظيف طلمبة المياة وكوعة المياة .

طيب دلوقتى لاقدر الله لو لقى ان الجوان مقفع يعنى فية عالى وواطى يبقى لو قالك حط جوانين يبقى سيبك من الكلام دة مش هيجيب عيش مع المكنة وهتلاقيها بتهرتل , الحل انك تجيب وش فاضى وتنقل حاجة الوش بتاعك فى الوش الفاضى الاستيراد طبعا دة لو عايز تلم التكلفة , لكن لو مش مشكلة ال300 جنية الزيادة يبقى هات وش كامل بكل حاجاتة ويتنظف ويركب ويتظبط

وبعد كدة عادى ولا اى شىء يعيب المكنة ولا فيها حاجة وبعد 500 كم بالظبط روح تانى للميكانيكى عشان يقرط على الوش تانى عشان هيبقى مساميرة ريحت من السخونية وبكدة اجرى ياعم براحتك وتابع مؤشر الحرارة فى الفتر اللى فاتت