هوا دا جوان وش سلندر و الا ايه :(

**goofy_in_love** · 24-06-2009 11:48 PM

الموضوع باختصار كالاتي :
امبارح :
العربيه بتسخن بس مش جامد يعني رحت غسلت دوره المياه في البنزينه بالجهاز دا و غيرت الميه بالميه الخضرا و اللي مكنتش بحطها قبل كدا و الراجل خد الهوا من العربيه
النتيجه زي الفل لمده 3 ساعات و بعد كدا العربيه مع التكييف جابت ال 100 و كانت بتعدي فلما خدت بالي وقفت و قفلت التكييف و مشيت و العربيه طول اليوم 90 مش بتزيد قلت الحمد لله
النهارده :
العربيه بتسخن بسرعه و بتجيب 95 و 100 المهم رحت نضفت الريداتير بالهوا هوا و السربنتينه و مسدس ميه و بتاع و قلت الحياه هتحلو درجه الحراره بقت تجيب 100 و عايزه تعدي المهم بفتح القربه ملقتش فيها ميه زودتها و العربيه شغاله و روحت المهم عدي عليا واحد صاحبي بيفهم شويه في العربيات و قالي دور العربيه و زود ميه و قد كان لقيت الميه بتنط من القربه و في هوا طالع معاها صاحبي قالي دا جوان وش سلندر :K_crying[1]: الكلام دا صح و الا غلط و لو صح اعمل ايه و هتتكلف كام ؟

فيكترا 99

**tananybasha** · 24-06-2009 11:57 PM

طبعاً لأ
ده العربية فى هوا دخل الدايرة سيبها دايرة و مشوار حلو و افتح غطا القربة بالراحة هتلاقى هوا اقفل بعد ما يطلع و اعملها لغاية ما تتظبط و ممكن ترموستات الكوعه بيبقى معلق
الجوان اعراضه
1. الزيت طحينه سواء فوق او تحت
2. دخان بخار ماية من الشكمان بكثافة
3. نقص شديد فى الماية لدرجة المشوار ازازة ماية لتر و نص
4. ضعف شديد فى قدرة العربية

**samirayad** · 25-06-2009 12:01 AM

لو الزيت سليم ........فأنت محتاج تعيد الرباط على وش السلندر تانى .....لأن فيه عندك تفويت خفيف للكبس من بين الرأس والبلوك ....بيهرب لمية التبريد ......وفيه بعض الميه بتنزل للغرف برضه وبتطلع مع العادم ( من الآخر أربط رأس السلندر تانى وجرب ) لو الحال بقه تمام بعد الرباط الصح بالترتيب المعروف فى رباط الجوان يبقى خير وبركه ..........لو الوضع فضل زى ماهو دلوقتى حتحتاج تغير جوان رأس السلندر

**tananybasha** · 25-06-2009 12:02 AM

تمام يا باشا

**فادى محمد** · 25-06-2009 12:03 AM

السلام عليكم ورحمه الله .. انت عندك تسريب في دوره الميه بيدخل هوا ويرفع الحراره فقط والحل انك تراجع الخراطيم والقفزان كلها وشيك علي غطاء القربه وبرده احيانا بيبقي التسريب من خرطوم التكييف السخن لو ما كنتش فاصله شوف كده واحنا معاك بس ياريت كل واحد عنده مشكله يكتب بيانات عربيته كامله ( نوعها- موديل - حالتها..) علشان يبقي الكلام مظبوط .

**فادى محمد** · 25-06-2009 12:07 AM

انت فين يا باشا؟ واحشنا يا ا سمير والله . اسمحلي يا باشا هو ما ذكرش في كلامه ان الميه اختلطت مع الزيت في القربه ولا في ميه من الشكمان . فليه حضرتك فرضت انه جوان وش سلندر ؟!!

**tananybasha** · 25-06-2009 12:09 AM

فادى حبيب قلبى كده اغيب و متسألش عليا واحشنى

**samirayad** · 25-06-2009 12:13 AM

المهم بفتح القربه ملقتش فيها ميه زودتها و العربيه شغاله

برضه جرب كده ....بعد ما العربيه تسخن .....لو لقيت غطاء القربه بيطلع بخار ميه من حواليه وأنت فاتح الكبوت ......يبقى الغطاء وحش فعلا وعاوز يتغير .........ولو لقيت الميه مابتنقصش من الغطاء ومفيش بخار طالعه من القربه ...........يبقى أربط رأس السلندر...........وطبعا لالزم تكون واثق أن مفيش ميه ظاهره خارجيا من الخراطيم وخلافه

**samirayad** · 25-06-2009 12:19 AM

المشاركة الأصلية كتبت بواسطة hellboy

انت فين يا باشا؟ واحشنا يا ا سمير والله . اسمحلي يا باشا هو ما ذكرش في كلامه ان الميه اختلطت مع الزيت في القربه ولا في ميه من الشكمان . فليه حضرتك فرضت انه جوان وش سلندر ؟!!

الله يخليك يا فادى باشا .....وخللى بالك ....المهم أنه يعرف الميه بتروح فين ......هل لما الميه بتغللى والقربه بتفور ....الميه بتطلع من حول الغطاء فى صورة بخار مثلا ( زى اللى بتطلع من حوالين غطاء براد الشاى )وفى الحاله دى الغطاء هو اللى حيبقى وحش ............لو ماشفش الحته دى ......يبقى الميه بتهرب من الشكمان بسبب تفويت خفيف من بين الرأس والبلوك .....وممكن مايشوفوش والعربيه ماشيه ......لأن ضغط الكبس بيبقى كبير فى الحاله دى وبيفتح الخلوص الموجود بين الرأس والبلوك ....أنما لما بيوقف العربيه ضغط الحريق بيقل ....وممكن مايشوفش البخار وهو طالع من الشكمان ....................!!!!!!!!!!!!!!!! ولكن ممكن يشوفه برضه من عند الشكمان وهو واقف ......لو عمل شوية أمبيلهات جامده شويه ( اللى هى حالة التفويت من بين الرأس والبلوك ) تمام كده

**فادى محمد** · 25-06-2009 12:19 AM

ربنا يخليك يا طناني ويديم علينا المعروف بس انا موجود ورديت عليك في موضوع ( غالبا كولنت سنسور ) باماره ما هتنزل ان شاء الله الجمعه الحرفيين - ربنا معاك يا حبيبنا .

الموضوع: هوا دا جوان وش سلندر و الا ايه :(

LinkBack

أدوات الموضوع

عرض

-

-

-

-

-

-

المواضيع المتشابهه

حد عمل جوان وش سلندر للسراتو

هل كدا يبقي جوان وش سلندر؟؟؟؟؟؟؟؟؟

جوان وش سلندر

جوان وش سلندر في ايه اكس

الكلمات الدلالية لهذا الموضوع

المفضلات

المفضلات

ضوابط المشاركة