الموضوع: قدامي جيتا 2010 إيه رأيكم

راشه جنبين و متخربشين كمان !!
و2010
و140 الف
!!
لا يا باشا كتير ..
العربيات دى تتجاب فابرييكه من الاكصدام للاكصدام
وبعدين الشكل الجديد نازل قريب اوووووووووى و الى بيتكلم فى 140 ده مش هيعرف ينطق السعر ده تاتى
التوكيل بيبيع زيرو دلوقت ب 160 الف

راشه جنبين و متخربشين كمان !!
و2010
و140 الف
!!
لا يا باشا كتير ..
العربيات دى تتجاب فابرييكه من الاكصدام للاكصدام
وبعدين الشكل الجديد نازل قريب اوووووووووى و الى بيتكلم فى 140 ده مش هيعرف ينطق السعر ده تاتى
التوكيل بيبيع زيرو دلوقت ب 160 الف

زيرو إيه اللي بـ160ألف يا باشا!! موديل 2010 هاي لاين!!!!!! أظن زيرو لاتقل عن 180ألف إذا ما كانتش 200.. ولا إيه؟ ويا ريت حضرتك توضحلي وجهة نظرك في إن العربيات دي تتجاب فابريكة. أصل أنا وجهة نظري إني أستحمل حكة يمين وحكة شمال وأركب جيتا 2010 هاي لاين بـ140 ألف لو مش محكوكة حتبقى بحوالي 150ألف.

انا مقلتش ان 160 بيجيبو هاى لاين ..بس البيز لاين دلوقت ب 160 الف فى التوكيل ..منزل فى سعرها عشان ينزل الشكل الجديد
لو حضرتك استنيت شويه لما الشكل الجديد ينزل ..هتجيب الشكل الحالى بسعر ارخص من دلوقت
تانى حاجه ..
العربيه هترش جنبين ليه؟
وهى موديل 2010
الا اذا كان صاحبها مهمل
او معندوش فكره عن السواقه
وبهدل الجنبين
يعنى بهدل العفشه
ورجله تقيله
وهتبقى العربيه متهانه اوى ...وطبعا تلاقيها عمرها ما شافت شكل التوكيل :)
واصلا اعتقد ان السعر عالى ..

طب منا ممكن أكشف عليها كويس في التوكيل أو في مركز معتمد عشان أتأكد من حالتها. أصل أنا متأكد إن السعر ده كويس جدا إذا ما كانش في خازوق مستخبي.

بص يا باشا العربيات دى حساسه جدا ..
بتحتاج عنايه كويسه و صيانه فى التوكيل او على الاقل حد متخصص
الى يجيب جنبين فى سنه ..يجيب العربيه كلها
ما تشوف حاجه نضيفه و مش هتفرق فى السعر كتير يعنى ..
وزى ما بقولك لو استنيت شويه هتجيبها بسعر اقل ...

المشاركة الأصلية كتبت بواسطة mhdside

السلام عليكم. أخش في الموضوع على طول عشان مستعجل. قدامي جيتا 2010 خليجي 1600cc راشة جنبين وفيها شوية خدوش و الصالون مش جلد ومش نضيف أوي الصراحة. المهم مطلوب فيها 140ألف بعد الفصال. أنا شايف السعر دا كويس ومش مشكلة الكام خدش دول ما كده كده حتشبع خربشة في بلدنا دي. إيه رأيكم؟ وبصفة عامة أسعار قطع غيار الجيتا أخبارها إيه مقارنة بالهوندا سيفيك؟ وهل الفتيس بتاعها dsg ولا لأ وإزاي أعرف? وهل فيه مشاكل في الجيتا بصفة عامة؟ أنا مش باسافر كتير وميهمنيش أوي قوة الموتور. يهمني الرفاهية والعزل والثبات والأوبشنز. برجاء سرعة الرد للي عنده إجابة عشان أنا عاوز أخلص.

2010 ورشة جنبين و الصالون مبهدل !!! دي بتتاجر و لا ايه ياباشا

2010 ورشة جنبين و الصالون مبهدل !!! دي بتتاجر و لا ايه ياباشا

لا عادي في ناس مش بتحافظ على عربياتها. عموما أنا فكتني من الجيتا مش عشان رشه والصلون مش نضيف. لو على كده ممكن أكشف عليها كويس والصالون أكيد تنضيفة مش القصة اللي هيا. بس عشان موضوع الdsg. أبعد عن الشر وغني له.