المشاركة الأصلية كتبت بواسطة badreldinahmad
الساده الافاضل الاخوه الاعزاء والله انا متشكر جدا لاهتمام حضراتكم بقراءة الموضوع والتعليق عليه ... ولولا ان جملة الصنى اللى حشرتها فى الموضوع خلت الاخ الفاضل sonasteel يشرفنا بالمشاركه وابداء الرأى كنت ندمت وحسيت انى عملت فتنه بين ملاك الالنترا وبين ملاك الصنى.. لكن الحقيقه ان اخويا sonasteel نسينى.. انا يا سيدى معرفة قديمة بيك وممكن ترجع لموضوعى ((كان نفسى اكون معاكم)) فى قسم الصنى.. واللى حصل انى كنت اساسا حاجز سوبر صالون 2011 والمعرض عطل استلامى ليها فتره طويله وربنا هدانى ويسر لى طريق الالنترا.. وعلى فكره يا جماعه العربيه السوبر صالون دى تحفه فعلا وفيها مقومات ومغريات كتير.. لكن يبقى عاملين يا ساده يخلوك تخاف منها... التقفيل المصرى والخامات المصريه فعلا مش كويسه بالمقارنه باليابانى انتاج 2008 وما قبلها.. وبالصريح كده انت وحظك ف حاجات كتير (الزجاج الكهربا مثلا) والبنزين اللى ناس كتير جدا كنت باوقفهم فى الشارع واقولهم اخبار البنزين ايه يشتكو.. يعنى مش رأيى انا... وعلى فكره انا عندى فى العيله عربيه صنى ex يابانى 2008 واقدر اقولكم فرق الخامات عامله ازاى.. لكن بعد كده العربيه بسم الله ماشاء الله زى الفل موتور وعفشه وثبات راااااااااائع وملفات على اى سرعه.... وربنا بحافظ لنا على عربياتنا سواء النترا او صنى او غيرها..وعلى العموم انا فعلا لازم اشوف موضوع الفرامل والسحب ده لان كده انا اللى عندى مشكله.. وسأرد عليكم ان اكتشفت جديد
مره تانيه باشكر جميع المشاركين فى الموضوع وحلو قوى اننا نحترم اراء بعض ونسمع من بعض.. واحده واحده ان شاء الله والبلد كلها تبقى كده ف يوم من الايام ونتعلم ازاى نتحاور من غير تعصب