ربنا يباركلك في العربية ان شاء الله ..

لكن أختلف معاك في نقطتين مهمين جدا . وانا معايا العربية قربت على 50 الف كم ...

الفرامل .. لو قلت قوية بس يبقى الوصف مش مظبوط .... الفرامل قوية ( جدا ) بدرجة زيادة لدرجة ان والله بستخدم طرف دواسة الفرامل واللي بيسوق عربيتي دايما بيقولي الفرامل عندك عايزة رجل حساسة لانها قوية جدا واستجابتها في منتهى السرعة ......

ثانيا :: آداء المحرك . سواءا بتكييف او من غير تكييف ممتاز . واعتقد ان وصفك بيوحي ليا والله أعلم . ان فترة التليين ممكن متنكش تمت بشكل سليم . او العربية محتاجة تفتيح للموتور ... كل فترة دورية .
او قد يكون فلتر الهوا عندك محتاج يتغير ... لكن انا آداء العربية شايفه جيد .

انا ركبت وجربت عربيات كتير من اول ال 1100 سي سي لحد ال 4800 سي سي . ومن ضمن العربيات اللي جريتها نيسان صني 2008 ... وفعلا معرفتش قيمة وجودة الهيونداي غير لما جربت الصني.... حقيقي فرق كبير في كل حاجة ..
.............