تعالى اقوللك ... يعنى اية شنبر واية لزمتة ؟؟؟؟ خش بس يا راجل

**MASERATI** · 29-06-2011 09:47 PM

المشاركة الأصلية كتبت بواسطة ahmedhawas

البيجو موتورها "بلوك مفتوح" وأعتقد الرينو كذلك.
يعني عندك في ال 504 لما تحب تعمل عمرة (ودي ميزة جامدة جدا)
بتشيل الشمايز والبساتم وتركب جديد في جديد (يعني خلوصات مظبوطة جدا جدا جدا) زي العربية الزيرو
عشان كده عمرة البيجو بيسموها : " عمرة زيرو"

والله ينور عالعضو yyy وردوده الصح جدا

السلام عليك و رحمة الله و بركاته

Yessssssssssssssss

الناس المحترمة طول عمرها محترمة.

سؤال بأه, أدام السيرة جت, ايه هى (السبيكة) دى ؟؟؟؟؟؟

**hamaza81** · 01-07-2011 03:46 AM

ماشاء الله لاقوة إلا بالله
موضوع أكثر من رائع

**samsong** · 01-07-2011 11:55 AM

موضوع قيم وتعليقات فبها الكتير من المعلومات
شكرا لك

**ahmedhawas** · 02-07-2011 02:28 AM

المشاركة الأصلية كتبت بواسطة MASERATI

السلام عليك و رحمة الله و بركاته

Yessssssssssssssss

الناس المحترمة طول عمرها محترمة.

سؤال بأه, أدام السيرة جت, ايه هى (السبيكة) دى ؟؟؟؟؟؟

ربنا يبارك فيك يا مازيراتي.
الأول يا باشا دي صورة للبلوك المفتوح (open deck engine block)

أما السبيكة يا باشا هي ال (friction bearing) ودي بتركب جوا الموتور في حتتين اتنين(والاتنين عالكرنك):
1- crank journal على كراسي عمود الكرنك (تحت خالص في البلوك)
2- crank pin داخل النهاية الكبرى للبيلات (بين البيل وعمود الكرنك)

وبيكونوا ألومنيوم أو نحاس - وطبعا ليهم خلوصات وطريقة تركيب خاصة.
ولما الموتور يوصل لدرجة حرارة التشغيل (وتكون كل الخلوصات في التمام) بيكون الكرنك داير وهو متحمل على طبقة خفيفة من الزيت (oil film) بين السبايك والكرنك -- بحيث انه مياكلش فيها وهو بيلف.

فبالتالي لو موصلهاش زيت هتبوظ (غالبا نتيجة طلمبة بايظة أو فلتر زيت مسدود إلا لو كان في عمرة سابقة والتركيب كان مش تمام) وتبدأ تعمل تسلخات في الكرنك نفسه.

والله أعلم.

**dr_radioooooo** · 02-07-2011 09:55 AM

علطول كنت اسمع عن طقم شنبر
و دلوقتى فهمت يعنى ايه
الف شكر عالمعلومات المفيدة

**MASERATI** · 02-07-2011 11:20 AM

السلام عليكم و رحمة الله و بركاته

ألف شكر يا ahmedhawasباشا و جزاك الله كل خير و ربنا يجعله فى ميزان حسناتك ان شاء الله.

**tigernet** · 03-07-2011 01:47 PM

شكرا جدا ياباشا على المعلومات الحلوة دية

**moh19227** · 03-07-2011 05:40 PM

متشكرين يا عبدالله علي الموضوع

**wael ahmed** · 03-07-2011 07:34 PM

مجهود رائع يا باشا :) تسلم ايدك

**killypunto** · 20-07-2011 02:42 PM

المشاركة الأصلية كتبت بواسطة romieh

أحييك بشدة على الموضوع الممتاز ده

لانه هيسهل على ناس كتير انها تفهم يعنى ايه طقم الشنبر ووظيفته فى الموتور

بس فيه تعديل بسيط بس على كلام حضرتك

الحقيقة ان المادة المصنوع منها الشنبر بتكون أقل من المادة بتاعة الشميز بتاع الموتور

وعلشان كده لما يحصل الاحتكاك التآكل اللى بيحصل بيبقى فى الشمبر مش فى الشميرز

وعلشان كده تلاقى يقولك ان اول لما الموتور يبدأ فى أعراض التفويت (ان المووتور يبدأ يخف)

الصنايعية بيقولوا طقم شمبر بس من غير خراطة الموتور (طبعا فى حالة ان الشميز سليم)

وده ناتج عن ان الشمبر هو اللى تآكل مش الشميز

اشكرك مرة أخرى على الموضوع

يعنى انت رأيك ان عادى ان انا اعمل نص عمره؟! مش لازم عمره كامله و تكلفه؟

و كمان هل لو غيرت النص التحتانى من الموتور اللى هو فيه الشميز من غير وش السلندر ده كده يغنى عن العمره و الخرط؟ علما بان السعر مش هيفرق قوى و ممكن يكون لصالح تغيير النص التحتانى