الموضوع: الدعوة السلفية ......... و تداول السلطة و الديمقراطية و الاحزاب

المشاركة الأصلية كتبت بواسطة ziabassem

أستاذ abou ruqi .. أذا كنت حضرتك بتستقي معلوماتك من الأفلام وحدها فده لوحدة مش كافي .. لأنه ممكن يكون توجه دولة إلى هذا الاتجاه فالاعلام بيركز على الموضوع ده .. وكذلك الأكبر سناً مني في العائلة بيأكد أنه كان فيه زي ما حضرتك بتقول .. وكمان كان فيه ناس ملتزمة ودول كانوا الأكثرية (بس الإعلام كان بيركز على أيه .. هو ده السؤال) . وحديك مثل على ذلك .. في الفترة السابقة كان التركيز على لاعيبة الكورة والمغنين وخلافه (واللي أنا مش معترض عليهم بشكل مطلق .. وإن كنت معترض على الحجم اللي كانوا واخدينه) .
ملحوظة : أنا لا أخوان ولا سلف ولا مربي دقني ولا تبع أي حزب أو تيار في الماضي أو الحاضر .. وإنما مبحبش اللي بيفتي في أمور هو مش على دراية بها .. مما يجعله يسيء إلى مظهر الكل .

تعالى بقى نتكلم بصراحة ونبطل ندفن راسنا في الرمل .. أنا بحس أن كله بيتكلم وعمال يفتي زي ما بسمع من شيوخ أول مرة أسمع عنهم وبستغرب جداً من تصريحاتهم اللي بعتبرها ضدهم قبل ما تكون معاهم .. والأفضل ليهم وللصالح العام (فلتقل خيراً أو لتصمت) كما كانوا يتبعونه سابقاً .. وأنا مش ضدهم على طول الخط والله يشهد على ذلك .. بس ضد الطريقة اللي بينتهجوها اللي بتعمل بلبلة في فترة محتاجة للاستقرار .

ومن وجهة نظري برضه أن كل التيارات الاسلامية دي تدعم الأخوان اللي هما أكثر حنكة وخبرة في شتى المجالات السياسية والاجتماعية (وأكرر مرة أخرى وأقسم على ذلك أنا لست منتمي لأي تيار سياسي أو ديني) بدلاً من التشتت الحاصل .. وتقبل تحياتي

لماذا اختزال ما قلت في كلمة واحد لم تعجبك? اما قلت ارجع للصور والافلام التسجيلية واسأل اكبر افراد الاسرة سنا
ثم بما انهم اجابوك ان كان هناك ملتزمون وكذلك كان هناك غير عابئين بالدين فده دليل صدق كلامي وهو اللي انا متأكد انكم نسيتم ما هو وركزتم في الرد على الادلة
وهو ان من خداع الاقلام ان الشعب المصري متدين بطبعة وهذا هو الحامي الحقيقي من التحول لعلمانية اتاتورك والحبيب بورقيبة
في الواقع الشعب المصري شعب عادي مثل كل الشعوب وليس في دمه جين حب الدين متفردا وهذا الجين غير موجود في الشعوب الاخرى
كما اننا شعب ليس نقي العنصر ، نحن خليط من الشعوب التي حولنا ، بل ان الاتراك والتوانسة من اكبر العناصر التي اختلطت بالدم المصرى

خلاصة القول يجب الحذر من التيار الاتاتوركي لان البدايات الصغيرة تؤدي للنتائج الكبيرة
وانا اقسم لك بالله العظيم انا لا انتمي لاي تيار ديني ولم اتلقى اي تعليم ديني وهناك الكثيرون في المنتدى يعرفوني معرفة شخصية
انا مصري مسلم عادي اؤيد الاخوان لو افلحوا واعارضهم لو اخطأوا ? احب سليم العوا وسأرشحة لو نزل الانتخابات ولن انتخب عبد المنعم ابو الفتوح و لا ابو اسماعيل في وجود العوا لانني كما قلت لا انتمي للاخوان ولا للسلفيين
صدقت بقه?