الموضوع: -------------------->> عاوز اسافر اسكندرية 3 ايام ....... حد يعرف مكان كويس ؟

المشاركة الأصلية كتبت بواسطة misoalex

المعموره طبعا جميله بس المشكله فى الميه بتاعه البحر مش حلوه زى العجمى

أخى الفاضل هى مية العجمى حلوة ؟؟؟
أنا أصلى مروحتش من 8 سنين وكان ساعتها كل حاجة سيئة للغاية ومية البحر سوداء تماما والشوارع متكسرة ..الخ
ياريت تكلمنى عن أحوالها دلوقتى بشئ من التفصيل

مياه العجمي سوداء اكتر من المعمورة اكييييييييد.

ياجماعة اللي عايز ينزل البحر يبقى لا معمورة ولا عجمي ولا اسكندرية...ويكمل لحد القرى اللي زي مراقيا وماربيلا والقوات المسلحة و الخ...وطبعا مفيش مانع لو تكمل احسن لحد مارينا لو هنتكلم على شكل المياه و لونها مش هنخلص خالص!

انما اسكندرية بصراحة حاجة تحزن لون المياه أسود فعلا! سواء النخيل او شواطئ اسكندرية نفسها.

الناس اللي زي حلاتي ومبتحبش تنزل البحر اصلا ارشح لها النخيل لو بتحب الجو الشعبي وكدا...اما لو نفسك تقضي يومين تروق فيهم ومتشوفش فيهم حاجة تحرق دمك ولا تتعصب ولا تحرق اعصابك سواء ونفسك تروح سواء مع المدام او لوحدك او مع صحابك او صديقتك وخطيبتك الخ...يبقى عليك ببورتو جولف مارينا طبعاً...كفاية بس شكل المدينة والبسين اللي قدام كل عمارتين تلاتة...

r0xer باشا
طيب قولنا على الاسعار فى بورتو جولف تعمل كام الشاليه او الشقة

فى شاطىء فى المنتزه اسمه فينيسيا الدخول ب 20 ج بس ونضيفة المياه

المشاركة الأصلية كتبت بواسطة azmeralda

فى شاطىء فى المنتزه اسمه فينيسيا الدخول ب 20 ج بس ونضيفة المياه

دا فين بالظبط فة المنتزه
وال20 ج دى للفرد ولا المجموعة
ينفع ادخل بالعربية ولا هركنها برة
المياه رايقة ولا مليانة زلط

المشاركة الأصلية كتبت بواسطة Seifmando

r0xer باشا
طيب قولنا على الاسعار فى بورتو جولف تعمل كام الشاليه او الشقة

انا مأجرتش هناك بصراحة وكنت بروح شقة بتاعت خالي. لكن انا فاكر ان في عضو معانا هنا عرض اليوم ب400 جنيه.

الميزة هناك كمان ان في آمان عااااااااالي جدا لان كل 100 متر هيقابلك بوابة الكتروني لازم تحط فيها الكارت بتاع الدخول و دا غير ان في full serviceلكل حاجة..مثلا احتاجت حد يبصلك عالتكييف او حد يصلحلك حاجة في السباكة عالسريع او اي حاجة من الكلام دا بتتصل بالرقم المجاني ويبعتولك حد وببلاش! كل حاجة ببلاش بإستثناء التنضيف..ب100 جنيه

دا غير ان في مطاعم هناك حلوة زي تشيلز و في حفلات كمان هناك وفي جامع مكيف لزوم الصلاة للناس اللي بتصلي، وفي كمية مايوهات بكيني هناك مش هتشوفها غير في ايطاليا وممكن متخلكش تصلي ههههههههههههههههههههههههه هه

وكمان افتكرت اكتب ان في هناك arabian nights وركوب خيل وبيبنو اكوا بارك مائية ولكن معرفش خلصت ولالسة؟ وفي كافيهات كتيرة وكلها شيك..دا غير ملعب الجولف والبحيرة اللي هناك اللي بتلف فيها بالزوارق

ملاحظة مهمة : مفيش هناك بحر..هي الناحية التانية من البحر ومفيش بحر. حمامات سباحة فقط و على اطرافها شيزلونجات وشماسات.

بالتوفيق ورحلة ممتعة.