الموضوع: يومياتي في اول زيارة للتوكيل

والله لو المقطم بالشكل دا يتقفل احسن - انا حاسس انكوا بتتكلموا عن ناس تانية انا مشوفتهاش في رينو - عندنا في الاسكندرية فرعين واحد في العامرية والتاني في سموحة ومتهيالي ان الرينو في اسكندرية اكتر من القاهرة دا اسكندرية بلد الرينو لكن انا مشوفتش اللي بتحكوا عنة دا عندنا خالص سواء في العامرية اللي بيبقي زحمة موت او في سموحة اللي لسة جديد العربية بتتغلف من جوة تماما بالبلاستيك قبل ما بتخش الورشة وبعد ما بتخلص بتتغسل بالكامل من جوه ومن بره دا غير غسيل الماتور لو انت طلبت وبعد ما بتخلص بتتركن في حتة ممتازه لغاية ما تخلص ويسلموهالك - اكيد المشكلة في الفرع دا بالتحديد لان في الاخر متهيالي الادارة واحدة ويا ريت لو حد يعرف حد شغال في رينو او معانا في المنتدي حد شغال هناك يوصلوا ان فية مشكلة كبيره في فروع القاهرة

المشاركة الأصلية كتبت بواسطة ashawd

أقترح على الجميع عند حدوث شكوى توثيقها بالصور وأسماء المهندسين أو الفنيين المهملين أو حتى العلاقات العامة ومخاطبة موقع الوكيل وجهاز حماية المستهلك فى نفس الوقت
ولايأس مع الحياة

وإذا كان الوكيل مهتم يشترك ويرد على الملاحظات

جيد جدا

المشاركة الأصلية كتبت بواسطة abdm

يا ريس بعد أذنك لو تكرمت عايز أعرف منك فرع العامرية أحسن ولا فرع سموحة من ناحية الخبرة ومستوى الخدمة وكل حاجة . رجاء الآهتمام قوى بالرد يا ريسسسسسسس

وجزاكم الله خيرا

فرق السما من الارض بين العامرية وسموحة لصالح العامرية
بس دة ما يمنعش ان بعد فترة فرع سموحة حيكون كويس وحيتطور

رينجو حبيبي واحشني موت - انا معاك طبعا ان العامرية يكسب بس ما يميز سموحة انه تقريبا بيبقي فاضي ومافهوش عربيات كتير وخلي بالك ان نفس التيم اللي كان شغال في العامرية هو اللي شغال في سموحة بس طبعا سموحة مافهوش سمكرة ولا ظبط زوايا فان كانت الشغلانة بسيطة فعليك وعلي سموحة وان كانت الشغلانة كبيرة ومحتاج ناس متخصصة فالعامرية افضل