لادا نيفا عند الحركة من الثبات ال rpm ينزل جامد وتبطل

**ammora** · 19-06-2011 09:39 PM

ارجو المساعدة من الخبراء
عندي لادا نيفا 83 بعد التسخين الكافي لمدة 3 -4 دقائق وعند الغيار الاول تجد ال rpm ينزل جامد مع الزيادة في الاكسراتير والرفع التدريجي للدبرياج(ألطلوع العادي) وممكن تبطل (كتير) حاجة محرجة جدا
هو الموترر خفيف شوية (محتاج شنبر).
ايه الي بيحصل (احب افهم) مع العلم انها علي باقي الغيارات تمام
هل الكهربا
هل اسطوانة ودسك
هل الكربراتير
هل التاكيهات
هل طبيعي لان الموتور خفيف
افيدونا افادكم الله

**HotRide** · 20-06-2011 05:35 AM

بص يا كاربتير و كهربا يا كرنك

لو كاربتير هيكون فيه وساخه محتاج تنضيف و كهربا يبقي الابلاتين و كوندنيسر

الكرنك بقي بما انك بتقول المكنه خفيفه فممكن تكون الكرنك غير محكم في الموتور عند تحيمل علي الفلاام "الحدافه" من الدبرياج بيكون فيه تحميل زائد علي بساتم فببطل

**ammora** · 20-06-2011 01:32 PM

الف شكر يا با شا
اجرب واقول لك

**ammora** · 01-07-2011 12:01 PM

الحمد لله حليت المشكلة وبنفسي كمان
ظبطت الكهربا حليت الاسبراتير (فيه صامولة اسفله) وبقي حر الحركة يمين وشمال
دورت العربية ولفيت بحرص في الاتجاهين لحد اعلي rpm وربطت تاني
وجربت العربية
عادت الي الحياة - عزم شديد - ماتبطلش عند زيادة البنزين فى الدوارة - تدور بسرعة - مافيش فرقعة من الكربراتير
مش عارف كنت ماشي بيها ازاي قبل ما اعمل الموضوع دة
واخيرا شكرا للمساعده