الموضوع: البرادعي يفوز بالرئاسة على صفحة المجلس العسكري

تحديث يوم 23-6 الساعة 12:45 صباحا

1-الرئيس البرادعي 32% (51,399 صوت)
2-سليم العو 21% (33,409 صوت)
3-شفيق يا راجل 12% (18,859 صوت)
4-ابو اسماعيل 10% (15,663 صوت)
5- عمرو موسى 7% (10,387 صوت)
6-ايمن نور 5% (8,102 صوت)

المشاركة الأصلية كتبت بواسطة hagan

يعني لو بنظرة خبيثة كده
و جمعنا ال 21% بتوع عمنا العوا + ال 10% بتوع الشيخ حازم نلاقيهم يدونا الاخ البرادعي
و ان شاء الله كمان كام اسبوع لو متعملش لكل واحد بريد الكتروني اخر
ستجد النسبة 45 % للاتنين بتوع دولهم قصاد 20 % للواحد بتاع دوكهم

م.حاتم السباعي

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح
وانا مقتنع بمقولة عمونا ابراهيم عيسى ان التصويت الحقيقي كان اول يوم او اول 50 الف اللي حصل فيهم البرادعي على 40% قبل الحشد اللي يتعمل الان


وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي اللي عنده كمبيوتر ثم عنده انترنت ثم له اكاونت فيس بوك
وهم نسبتهم ليست كبيره في الشعب
وطبعا كما يقول علماء الاجتماع ان فئة اللي عندهم وعي كامل في اي مجتمع تمثل حوالي 22% فقط من هذا المجتمع

المشاركة الأصلية كتبت بواسطة skybird

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح
وانا مقتنع بمقولة عمونا ابراهيم عيسى ان التصويت الحقيقي كان اول يوم او اول 50 الف اللي حصل فيهم البرادعي على 40% قبل الحشد اللي يتعمل الان


وكمان مقتنع بقوله ان الاستطلاع ده لا يمثل كل مصر ولكن يمثل فئة الشباب المثقف الواعي اللي عنده كمبيوتر ثم عنده انترنت ثم له اكاونت فيس بوك
وهم نسبتهم ليست كبيره في الشعب
وطبعا كما يقول علماء الاجتماع ان فئة اللي عندهم وعي كامل في اي مجتمع تمثل حوالي 22% فقط من هذا المجتمع

سيدي الفاضل انا على اقتناع ان ليس الشعب كله على وعي

لكن فكرة ان كل شخص خاصة من انصار البرادعي
يقول او يشير ان من ينتخب البرادعي هما دول اللي واعيين او من يتبنى فكر النخبة .. دي بجد انا تعبت نفسيا منها

يا سيدي الفاضل ..
الشاب اللي عنده اكونت على الفيس مش هو دا معيار الواعي
اكاد اكذب مش اقل من 70 او 80 % من الشباب عملين الفيس بوك للهياس والتظبيط
وشباب ميعرفوش اصلا يعني ايه سياسة

وفي شباب متعرفش في المرشحين غير اساميهم

وفي ناس اصلا متعرفش ان في استفتاء -انا مش عارف استاذ ابراهيم عيسى على اي اسا بيقول ان المعيار اول يوم-
انا مثلا لسه عارف ان في استفتاء امبارح
عندي 250 شخص على الفيس مفيش غير 10 اللي سمعوا عن الاستفتاء


وفي مثقفين كثيرين معندهمش اكونتات .. او اللي عندهم ومبيستخدموهاش
دا بل الغالبية كذلك .. والله اعلم


وبعدين عندي تعليق بسيط
هو ليه بحس في تعليقات بعض الاعضاء انهم مصورين البرادعي غلبان
يعني حاليا حضرتك بتقول "والبرادعي غلبان حتى انه لسه معملش لجنة لحملة الترشح"

طل حضرتك هو دا ذنب مين؟ ومين اللي منعه؟
وبعدين انا كنت في حملته اللي في اسكندرية.. وكنا بنوزع ورق على الناس ونتناقش معاهم حول دكترو البرادعي
دا كان ايه ؟
وكان كل واحد بيستلم تيشيرت ابيض عليه (نظارة الدكتور وشنبه)


على فكرة انا لا اهاجم البرادعي .. بل العكس انا بقول لحضرتك كنت في حملته
بس اا ضد فكرة ان المثقفين هما اللي ينتخبوا البرادعي ..
وهي تقال صريحة احيانا ويومأ لها احيانا
او يومأ إن في مؤامرة وحشد ضده



على العموم كلامي ليس موجه لحضرتك .. انا بكلم عن فكرة عامة بتلمسها لما بتكلم مع اي حد من النخبة او انصار البرادعي

المشاركة الأصلية كتبت بواسطة skybird

انا متاكد ان ترتيب البرادعي هينزل خلال الشهر
وهيرتفع المرشحين اللي ليها احزاب بسبب اللجان الالكترونية المعروفه في كل حزب
والبرادعي غلبان حتى انه لسه معملش لجنة لحملة الترشح

غريبه جدا

لإن لم اتصدرلنا الإيحاء بأن البرادعي مضطهد من التلفيزيون المصري لما رفض ظهوره مع عمرو خالد ساعتها طلع البرادعي على التويتر و قال ان حملة التعتيم و التشويه ما زالت مستمرة

بعدين طلع شباب و نشطاء في ماسبيرو عشان يتضامنوا معاه و بعدها و جهلهم الشكر

اتضح بعد كده ان قيادات التلفيزيون اشترطت على عمرو خالد انو يطلع كل المرشحين عشان تكافؤ الفرص...وعمرو خالد شكله كان مزمزق

أنا بقول كده ليه؟

لأن البرادعي أولا مش غلبان...كفاية يكتب رسالة على التويتر و لجنته تطلع تتضامن

بإمكاننا من نفس الجهاز والـIP عمل بريد إلكتروني جديد وحساب جديد على الفيسبوك والدخول والتصويت بلا أي مشاكل من نفس الـIP بلا أي قيود

هذا الإستفتاء واهم وهذا هو المقصود منه.......يعني المجلس العسكري مش قادر يعمل زي جامعة المنصورة ويخلي الإستفتاء بالرقم القومي مع عدم إمكانية التسجيل إذا تكرر الرقم القومي ؟؟!!!

وعند هذا ستظهر الحقيقة المؤلمة

المشاركة الأصلية كتبت بواسطة HAGAN

الف حمد لله علي السلامة
كفارة يا اساذ عمرو افتقدناك

م.حاتم السباعي

الله يسلمك يا فندم

أنا كنت في إقامة جبرية خلف اللاب توب

المشاركة الأصلية كتبت بواسطة dojuar

غريبه جدا

لإن لم اتصدرلنا الإيحاء بأن البرادعي مضطهد من التلفيزيون المصري لما رفض ظهوره مع عمرو خالد ساعتها طلع البرادعي على التويتر و قال ان حملة التعتيم و التشويه ما زالت مستمرة

بعدين طلع شباب و نشطاء في ماسبيرو عشان يتضامنوا معاه و بعدها و جهلهم الشكر

اتضح بعد كده ان قيادات التلفيزيون اشترطت على عمرو خالد انو يطلع كل المرشحين عشان تكافؤ الفرص...وعمرو خالد شكله كان مزمزق

أنا بقول كده ليه؟

لأن البرادعي أولا مش غلبان...كفاية يكتب رسالة على التويتر و لجنته تطلع تتضامن

لا فعلا انا حاسس ان البرادعي مضطهد من التلفزيون المصري
يعني توقعت بعد الثورة انه يكون النجم الاوحد او الاكثر تواجد في التلفزيون المصري لكن فوجئت بغيابه التام عنه حتى المرة الوحيده اللي كان هيظهر فيها طلعوا له القطط الفطسانه ومنها نكته انه مرشح للرئاسة وطبعا دي افتكاسه لان فترة الترشيح الرسمية لم تبدأ بعد بل اننا لا زلنا لا نعلم متى انتخابات الرئاسة هل هي بعد سنة او عشرين والنكته ان اللي مستضيفه هو عمرو خالد هو مرشح حزب الوفد للرئاسه اصلا
فحكاية انه ممنوع يظهر لانه مرشح للرئاسة عذر اقبح من ذنب ولولا وقفة الشباب والله ما كان هيظهر