الموضوع: سائل تنظيف الانجيكشن

المشاركة الأصلية كتبت بواسطة rodya113

ميرسي لحضرتك بجد طيب طلمبه البنزين دي ايه مشكلتها لو طلعت هي السبب هل خطا مني ولا ايه ؟؟؟ وهال في ارشادات معينه لازم اتبعها للحفاظ عليها ؟؟؟ سوري اني طولت علي حضرتك

حضرتك مفيش داعى للشكر كلنا اخوات والمصلحة واحدة

اللى انا قولته احتمال وارد ولكن مش قاطع فياريت متقلقيش..
أكيد مش خطأ منك وانما عطل ممكن يحصل زى اى عطل فى اى عربية من طول وقت الاستخدام او او او .. مفيش اى ارشادات للحفاظ عليها لان انتى ملكيش اى يد فيها دى جزء من اجزاء العربية الداخلية وظيفته ضخ البنزين كهربيا من التانك الى باقى اجزاء دورة البنزين عشان يتحرق..
بكرر لحضرتك انه مجرد احتمال فمتقلقيش اطلاقا..وياريت تطمنينا لما تروحى التوكيل

تحياتى

المشاركة الأصلية كتبت بواسطة khaled_saga

عفوا عزيزتى.

هنا فيه وقفة .. معنى كلام حضرتك ان لما تبقى مفولة السحب بيكون مظبوط وبتحسى بضعف السحب لما توصلى نص التانك وانتى نازلة وده يتفسر بان فيه ضعف فى ضخ البنزين اذا فسرناها تفسير منطقى وبالتالى ربما يكون فيه خلل فى طلمبة البنزين .. اعتقد لازم تقولى فى التوكيل على النقطة دى لكن ان شاء الله خير ومتقلقيش هتطلع بسيطة.

تحياتى

انا لما شفت المشاركه دى فطست على نفسى من الضحك لانها مستحيله و هاشرح مستحيله ليه
بفرض ان وزن البنزين مساوى لوزن المياه
الضغط الجوى 14.7 (قول 15 لتقريب الارقام) رطل على البوصه و عشان نحصل على الوزن دة من المياه محتاج عمود مياه طوله 11 متر
ضغط طلمبه البنزين بيكون تقريبا 45 رطل على البوصه المربعه يعنى لو الطلمبه مش شغاله حضرتك محتاج تنك بنزين ارتفاعه اكتر من 33 متر عشان العربيه تشتغل و توصل لضغط 45 و اول ما الارتفاع يقل عن ال 33 متر مش هنوصل الضغط المطلوب و العربيه متدورش
و طبعا البنزين اخف من الميه يعنى الارتفاع هيزيد
افتكر ان الشرح ده يوضح ليه عمر ما العربيه تدور كويس لو الطلمبه فيها حاجه حتى لو مفول التنك

تحياتى

المشاركة الأصلية كتبت بواسطة l0new0lf

انا لما شفت المشاركه دى فطست على نفسى من الضحك لانها مستحيله و هاشرح مستحيله ليه
بفرض ان وزن البنزين مساوى لوزن المياه
الضغط الجوى 14.7 (قول 15 لتقريب الارقام) رطل على البوصه و عشان نحصل على الوزن دة من المياه محتاج عمود مياه طوله 11 متر
ضغط طلمبه البنزين بيكون تقريبا 45 رطل على البوصه المربعه يعنى لو الطلمبه مش شغاله حضرتك محتاج تنك بنزين ارتفاعه اكتر من 33 متر عشان العربيه تشتغل و توصل لضغط 45 و اول ما الارتفاع يقل عن ال 33 متر مش هنوصل الضغط المطلوب و العربيه متدورش
و طبعا البنزين اخف من الميه يعنى الارتفاع هيزيد
افتكر ان الشرح ده يوضح ليه عمر ما العربيه تدور كويس لو الطلمبه فيها حاجه حتى لو مفول التنك

تحياتى

والله؟ هو انا قولت نكتة يا جماعة؟

حضرتك تقصد ان لو الطلمبة فيها اى خلل العربية متدورس اصلا؟ جديدة بصراحة اول مرة اسمعها دى

المشاركة الأصلية كتبت بواسطة ruin scud

ضغط جوي ايه بس ومواسير ميه ايه!!
الراجل بيقول ضعف في ضخ البنزين من الطرمبه ودي بتحصل كتير أن يكون كبس طرمبة البنزين ضعيف مش قاطعه خالص يعني او ميته فايخلي البنزين مايوصلشي بصوره كافيه فيأثر على السحب وبتحصل في عربيات كتير.
تحياتي.

يسلم لسانك انا حسيت انى قولت حاجة غلط وبردو لقيت حسابات وارقام كتيرة الموضوع كبر اوى!!