عمرة و ضبط شاسيه لسيارتي 128

**tarek elbadry** · 12-07-2011 09:59 PM

الف مبروك التجديد
ربنا يديك خيرها ويكفيك شرها

**Haytham4ever** · 20-07-2011 12:29 AM

العربية ابتدت ترجع لايام عزها
بدات اقرص عليها شوية عشان الصبابات تطبع على الآخر
و هبقى اضبط التاكيهات تاني
قلت اشوف موضوع الكربراتير و البيكات
عملت بحث طويل على النت لاقيت الموضوع كبير
طلع في 4 بكات لكل باب في الكربراتير
بك السلانسيه .. اللي في الصورة .. القلوز اللي فوق ملوش لازمة المهم اللي تحت

و بك البنزين الاساسي ... الجزء اللي تحت خالص
و بك الهوا ... الجزء اللي فيه القلوز اللي فوق
و ماسورة الهوا ... اللي بين بك البنزين و بك الهوا

لما تكبر بك البنزين بقيمة 5 مثلا يبقى تقلل بك الهوا بقيمة 15 عشان تزود الاندفاع
لاقيت قياسات تانية برضه بتقول الآتي

سلانسيه باب اول 45
بنزين باب اول 90
هوا باب اول 220
سلانسيه باب تاني 70
بنزين باب ثاني 97
هوا باب ثاني 175

الكربراتير الجديد اللي عايز اجيبه بيقولوا افضل واحد لموتوري اللي هو
weber 32 dmtr 22/22

ده مقاساته مختلفة كتير
سلانسيه باب اول 50
بنزين باب اول 105
هوا باب اول 195
سلانسيه باب تاني 70
بنزين باب ثاني 115
هوا باب ثاني 190

حد عنده فكرة عن الموضوع ده !!

**Haytham4ever** · 25-07-2011 10:04 AM

خلصت ال1000 تليين و بدأت اجيب آخر الموتور
بجيب 100 على الثالث و ممكن تجيب اكتر
و و صلت ل150 على الخامسو ممكن تجيب اكتر بس خفت لان العفشة عايزة تضبيط كتير
العربية بقى سحبها كويس .. اعتقد هتتحسن لما اغير الكربراتير او اضبط البيكات
الغريب اللي ظهر معايا بعد قرصه جامدة ان لمبة الزيت بقت تنور على السلانسيه و مش بتطفي الا لما ادوس شوية بنزينن .. مع ان العربية مش واطية
مش عارف مين ايه
ممكن يكون فلتر الزيت اتسد من الرايش مثلا؟؟

**saadelden** · 25-07-2011 12:29 PM

انت عملت عمره و غيرت الزيت و ماغيرتش الفلتر ؟؟؟!!

عموما المشكله دي كانت بتحصل عندي و كنت بظبط الكربراتير و كانت اللمبه بتطفي

**Haytham4ever** · 25-07-2011 06:01 PM

لا غيرت الفلتر
العربية مش واطية انما في حاجة غلط

**mohsen_anwar** · 27-07-2011 12:00 PM

مبروك يا باشا .. كان نفسي اشوف الموضوع من الأول كنت هفيدك أوي ببعض النصايح .. لأني فكيت عربيتي وركبتها مرتين قبل كدة فك شامل .. برضو اقول كام نصيحة عشان اللى لسة هيعمل الموضوع .. كربراتير الويبر 22 من أحسن كربراتيرات ال 128 ولو مضبوط صح الصح هتلاقي العربية بتوفر معاك بنزين بشكل غير عادي ومش مخنوقة نهائيا .. وهتلاقى لون شكمانك ابيض فى المسافات الطويلة دليل على الحرق الكامل الفقير في البنزين .. وبالمرة عشان اللى مش عارف يعرف اللون البنى هو النموذجي والاسود يعنى بنزين زيادة .. وانصح برضو باسبراتير البيجو هتبقى الحكاية عسل خالص .. كان لازم برضو تطرطش العربية بلاك من داخل الرفارف والحصيرة من تحت .. ده غير الخيش المقطرن على البطيختين اللى ورا عشان ترجع فبريكا وإنسى البارومة بعد كدة .. برضو لو كان السمكري صايع كان يزود لك تخانة الركب اللى قدام .. الى ماسك فيهم الميزان .. ويزود تخانة برضو السوكة اللى بيركب فيها الرفرف عشان ال 99 سم ما يفتحوش تاني .. طبعا عارف ال 99 .. انا بكلم واحد فاهم .. كان مفروض برضو وانت فاكك التايلوه تقفل كل فتحات التكييف الموجودة عشان موضوع العرس والهوا والتراب والذي منه .. ما تنساش بقي لو هتغير فرش السقف تبقى تفرش تحتيه طبقة لباد عازل خفيفة هتخفف حرارة الشمس خالص .. وأخيرا يا غالي تجنب الفرامل المفاجئة والطلعة الامريكاني عشان الحاجات دى هى اللى بتشرخ العربية .. وآسف على الاطالة

**Haytham4ever** · 27-07-2011 03:54 PM

كنت فين يا باشا من زمان
عموما اطمنك اني عملت كل اللي بتقول عليه
و العربية بدأت ترجع لايام عزها .. مستني بس اغير الكربراتير و اضبط التكايهات و افترى على خلق الله

**Haytham4ever** · 27-07-2011 03:57 PM

حد عنده فكره عن الشداد؟؟

**Haytham4ever** · 28-07-2011 11:10 PM

صفرت العداد اخيرا
فاضل 100 كيلو و يقلب اصفار

**Haytham4ever** · 29-07-2011 03:43 AM

نسيت اقولكم نصيحة مهمة
لازم تتاكد ان التيش او سيلك الاسكلاتير - دواسة البنزين - بيخلي الكربراتير يفتح على الاخر لما تدوس بنزين على الآخر
لما ضبطت التيش و الكربراتير بقى يفتح الباب الاول و الثاني على الآخر العربية فرقت كتير