أولا أنا متأسف إنى دايقت حضرتك لدرجة انك بتدافع عن الفتيس الـ cvt وكأنى غلطت فى البخارى!!!!
ثانيا أنا عارف الكلام اللى بتقوله كويس و مدرك تماما ان الفتيس الـ 4 نقلات بيبقه هو هو و لكن بتختلف النسب فى التصميم حسب الموتور اللى هيركب عليه و لكن بأكد لحضرتك إن الفتيس اللى بيركب مع الموتور الـ1300 و الـ1600 والـ 2000 واحد بنفس النسب والـ 2400 هو اللى أكيد مختلف (أنا مجبتش سيرة الـ2400 فى كلامى) وده لأنه فى التصميم بيراعى خطوط الإنتاج بحيث انه مش كل موتور هيعمله فتيس و لكن المواتير بتقسم كاتيجوريز و كل مجموعه بيعملهم فتيس مناسب ليهم كلهم عشان تقليل التكلفة.
ثالثا لو مكانش الفتيس الـ cvt أثبت فشله مكانتش البومه موديل 2010 و 2011 نزلت بالفتيس الـ 4 نقلات و أحب أضيف لمعلومات حضرتك إن مش معنى ان الفتيس الـ cvt فشل إنه وحش ولكن لمجرد قلق الناس منه ان إصلاحه يتطلب تغييره بالكامل و لا يمكن تصليحه (حسب كلام متسوبيشى) و لأنه أيضا رغم أن عمره الإفتراضى ليس بقليل و لكنه أقل بكثير من الفتيس العادى و لا يتحمل المرمطه زى الفتيس العادى و لأن شراء سيارة فى مصر صعب و فترة إقتناءها أطول بكثير من الدول الأخرى اللى الناس بتغير فيها العربيات بسرعه (فبالتالى مش هيظهر عيوب) من هنا جاء حكمى عليه بالفشل (وده رأى ناس كتير علفكره) و هذا لا يعنى أنه فاشل فى جميع الظروف وفى جميع البلاد
لازم حضرتك تعرف ان السوق بيحكم على حاجات كتير بمنطق مختلف عن المتوقع و أضرب لحضرتك مثل بالسيارة الفولفو التى هى عربية (فاشلة) فى مصر فهل هذا يعنى انها كسيارة فاشلة؟! الإجابة لأ طبعا و هى من أحسن العربيات فى العالم ولكن مالهاش سوق فى مصر ..... إذن هى فاشلة فى مصر.
يا ريت أكون واضح و متأسف لو كلامى كان دايق حضرتك.
المفضلات