انا باشتغل بيه على ضمانة نفسى الحقيقة ، لأن ماحدش من الموثوق فيهم أوصى بيه.
عرض للطباعة
انا باشتغل بيه على ضمانة نفسى الحقيقة ، لأن ماحدش من الموثوق فيهم أوصى بيه.
بجد هو بيعمل مشاكل كبيرة يعنى
و يا ريت توضيح زى ايه؟؟
طبقا لمعدل الانضغاط عندك انت لازم تحط 90 على الاقل
طب هاتحد 80 هايحصل ايه
مش هايطلع طاقة لموتور كاملة
مثلا لو عربيتك 90 حصان هايطلع 60 بس
مش هاتعرف تطلع من مطب عالتاني لازم تنزل غيار للاولاني
اخطر شيء لو العربية سسقفت منك
لو قدرت تحافظ على الشعرة انك تلمس بنزين من غير ماتضغط عشان ماتسقفش يبقي انت كدة تمام بس ماتستناش منها اداء اهي ماشي
ولو معاك وزن او طالع مطلع لازم تحرق غيارات
يعني تنقل الغيار فوق ال 3000 لفة على الار بي ام
وكل اللي فات ده مالوش اي علاقة بنضافة البنزين
البنزين نضافتة ترجع لنضافة التنكات
صحيح
ممكن يبوظ الرشاشات عالمدى الطويل
يعني من الاخر انسب وقت تقدر تحط فيه 80 الايام الباردة
في الحر او مع حمول وتكييف تسمع تسقيف يزعل ويجيب اجل الموتور بدري
انا اسف جدا بس انا مبتدا جدا جد ممكن اعرف يعني ايه العربيه تسقف منك ؟؟ :)
شكرا ليكم
مكتوب عندى على باب التانك 91 يبقى تحط 90 بالعافية مش 80.
فيه حكمة بتقول الغالى رخيص .. يعنى ممكن الوفر اللى هيعملة فرق ال80 من ال 92 ما يعادلش الأهدار اللى ممكن يحصل فى الموتور او الرشاشات او حتى استمتاعك بقيادة عربية زيرو .. و شوف لو لا قدر الله فانوس او كشاف اتكسر او العربية اتخبطت الواحد بيغرم كام .. هنيجى بقى على البنزين ونعمل توفير ؟
لو المسألة بقت توفير يبقى كان الواحد ركب مستعمل وتكون عربية قطع غيارها رخيصة واديها بنزين 80 .. كده نبقى بنوفر فعلاً .. يمكن نعرف نعمل ربع ارنب او حتى ديل ارنب
ده الرد اللى جاء لى من رينو مصر لما سألتهم عن استخدام بنزين 80 فى اللوجان:
Renault Egypt wrote: "إستعمال وقود 80 فى السياره يؤثر بالسلب على اى سياره من السيارات الحديثه وليست على اللوجان فقط فى الحقن الإليكترونى والحساسات الخاصه بالموتور نظراً لعدم نقاء هذه النوعيه من الوقود داخل مصر نتيجة كثرة الشوائب المتعلقه به"
أعتقد رد أدمن رينو مصر هوالقول الفصل فى موضوع نوعية البنزين فليحيا التسعين من أجل غد أفضل ومحرك ذو حياة أطول وقيادة أمتع وأسلس وأقعدوا بالعافية - المدون / طارق الجيزاوى