اخى محمد اشكرك شكرا جزيلا لاضافتك مع ان الاخوة اللى حطوا بنزين 80 قالوا ان معدل الاستهلاك بيكون احسن مع البنزين 80 اوكتين وليس العكس كما ذكرت حضرتك لذا فالموضوع يستحق التجربة والله أعلم
عرض للطباعة
والله يا جماعة ياريت تبقى سيارة ممتازة وضربت فئات كتير..بس معنى كدا إن نسبة الإنضغاط الحقيقية 8.5 أو على الأقل فى المغربى بس كدا
مساء الفل يا جماعه ....موضوع البنزين ال 80 وال 90 وال 500 قتل بحثا في المنتدي والنضافه ملهاش دعوه برقم الاوكتان اصلا ولو لها يبقي البنزين ال 80 انضف لان تنكاته السحب عليها اعلي ..........طيب تعمل ايه
1- حط بنزين 80 من بنزينه محترمه علي شان تضمن نضافة التنكات (ودي نفس النصيحه للي عايز يحط بنزين 90 و 92 )
2- علي كهربة العربيه سنه بسيطه(من الموتور نفسه) حتي لو مسقفتش في الاول وماسمعتش تسقيف علي شان تضمن ان مفيش اي تسقيف (مع ان التسقيف لازم يتسمع ويتحس والتسقيف الي مبيتسمعش هيبوظ الموتور فعلا علي المدي البعيد(140 سنه مثلا..يديك ويدي احفادك طولة العمر)
3- لو عايز تحط فلتر بنزين زياده يبقي احلي واحلي المهم ما يعقش حركة ومعدل انسياب البنزين(وكده حط اي بنزين من اي بنزينه مش هتفرق)
توكل علي الله وامشي بعربيتك ومتشلش هم اي حاجه ...لا السحب والا الموتور..
انا كل يوم بقالي 4 سنين بادخل اعرف ايه اخبار العربيات خصوصا اللوجان وغالبا باستمتع باراء الزملاء في المنتدي ونادرا ما باشارك بس الموضوع ده فعلا موجود في قسم العام من زمان وابدع فيه العبقري سبعاوي واتكلم عن كل جوانبه يا ريت الزملاء يعتموا بالمواضيع العامه لانها هتديهم افكار رائعه للتوفير والصيانه وتحل لهم كتير من المشاكل
تحياتي
اخوكم الي نفسه يبقي لوجناوي ومش عارف
نصيحة بلاش تخليط وكمان بلاش مرة 80 و مرة 92 ليه ؟؟؟ لأن فى فى اللوجان حساس للتسقيف لضبط توقيت الشرارة وكتر التخليط او التغيير من نوعية لأخرى بيبوظ الحساس ده
الخلاصة يا 80 باستمرار يا 92 على طول