بنزين 80 فاللوجان !!!!

**nero007** · 22-06-2011 01:27 AM

السلام عليكم...
يا جماعة في واحد اعرفوا الميكانيكي بتاعه قالو حط 80 فاللوجان عادي...فلما حط مشيت عادي والاجمل انو بيقول ان الاستهلاك كان ممتاز جدا لدرجة انو اذهله...فانا لما عرفت صعقت و بحثت ولما قريت الموضوع بتاع البطاقه الفنيه للسياره لقيت مكتوب انها مصممه لاستقبال ال80 لانها معموله لدول العالم الثالث (اللي احنا للاسف منهم -ربنا يعلي مراتبنا بقي بعد الثورة :) )...الكلام لحد هنا حلو بس انا عاوز اعرف اذا كان حد جرب فعلا الموضوع ده و ايه خبرته فيه...ارجو انكوا تشاركوا -بخبراتكم- :)))
والله الموفق...

**Egyzizo** · 22-06-2011 01:39 AM

بنزين 80 هيشتغل عادى جداً ومش هتحس بأى فرق لأنى مجربه كتييير .. بس للأسف ماحدش بينصح بيه. حد من التوكيل قال لى لأنه مش نضيف هيبوظ الرشاشات .. وحد من هنا قال لأنه هيعمل تسقيف فى الموتور وهيضرها على المدى الطويل .. فاللى تشوفه بقى.

**dr.hazem** · 22-06-2011 02:20 AM

انا كذا مره اشوف حد بيعبي في اللوجان 80

**MOUSTAFA_SAAD** · 22-06-2011 07:15 AM

البنزين ال80 ملهوش علاقه بالنضافه لان النضافه بتعتمد على تنك البنزينه نفسها
انا ساعات بحطه علىفترات بخلط يعنى
يبقى عند 4 او 5 شرط 92 افول فوقهم 80 يعنى يبقى التنك نصه كده ونصه كده بس مش على طول الكلام ده