مع احترامي الشديد جدا ليه
البنزين له علاقة بالتانكات
يعني لو تنك مش نضيف هو اللي فيه شوائب
مش نوع البنزين
كلامي من واقع خبرة واحتكاك بمحطات البنزين عن قرب
تحياتي
عرض للطباعة
السيارة تسقف نتيجة لاحتراق الذاتي للبنزين بدون شرارة البوجيه وبالتالي تتداخل موجات الاحتراق الذاتي مع موجات الاحتراق بالشرارة فيحدث التسقيف
وده بيكون سببه وضع بنزين بمعدل اوكتان صغير, كلما قل رقم الاوكتانن ( 80 ,90, 91, .....) تقل درجة حرارة الاشتعال الذاتي وبالتالي يحدث التسقيف
قرات في كتالوج صيانة اللوجان ان اقل رقم اوكتان يمكن استعماله هو 90
اسف علي الاطالة
تحياتي
اسف 91 مش 90
انا يا جماعة بشكر كل واحد دخل عمل كومنت لانه بجد بيفيد الناس....يعني الخلاصة عيز تحافظ عالعربية حط 92 (انا مش فاهم الناس اللي بتحط ال 90 دي علي فكره-الزياده جنيه واحد كل 10 لتر!!) و هيجيلك اداء افضل......الميزانية ملطشه او الدنيا برد والبنزينه اللي بتملي منها موثوق من نضافة تنكاتها حط 80 بس علي 92 او مره اه و مرتين لا و حاسب مالتسقيف ......تمام كده؟؟؟ طاب انا عندي سؤال جامد بأه؟
ايه رايكو نحط فلتر بنزين مالاصفر ابو 5 جنيه جنيه ده فخرطوم البنزين و نغيرو كل 3 شهور مثلا؟؟ :))))
طبعا هتفضل مشكلة التسقيف بس دي قلنا هنراعيها باننا نشعر بنزين و نسقط غيارات ...قولولي رأيكوا يا جماعة و جزاكم الله خيرا :)
أنا فكرت فى تركيب فلتر البنزين دى خصوصاً ان العربية مافيهاش فلتر بنزين ، منتظر أيضاً اراؤكم.
ايه يا باشا كل الكلام دة.......مفيش حاجه من دى خالص....انا بحط 80 فى اللوجان من يوم ما جبتها و هيا بتقبلوا تماما و عمرها
ما سقفت خالص و اداءها فوق الممتاز.....مش كل العربيات بتقبل 80 كان معايا فرنا و كانت بتسقف على طول ......الخلاصة ال80 مع اللوجان متوافق و اللى مش مقتنع يجرب و هوا هيحط 80 علطولللللللللللللللللل.....
بتسقف بسيط بس انت مش هتحسهاا اوى :16:
ومش مضره لدرجه انها بتمشى تسقف تسقف تسقف كأنك مركب شخليله .. مافيش الكلام ده
ومتنسوش ان تكنولوجيا الماتور ده قديمه نسبيآ .. وواضح جدآ انه قديم
انا كمان بحط 80 عااااااااادي زي بقيت الخلق
بجى فتره احط 80 ورا بعض وفتره احط 92 ورا بعض وهكذا
والحياااه ماشيه ولونهاا بمبي
وكده كده محدش هيحتاج قوة سحب اضافيه الصيف ده تحديدآ
لانك مش هتعرف تجيب بالعداد 40 فى البلد دي اصلآ
ده غير انى كنت بسافر على الصحراوى وبجيب 180 وبكون مشغل التكييف والعربيه فيهاا 5 اشخااص وكان بالـبنزين الـ 80 :16:
يعنى مية فل و 14
طب اقولك حاجه احسن ؟ بين ما تتزنق ابقى حط 80 وريح دماغك :36_1_50[1]: وجرب مش هتخسر حاجه
انا بشكرك يابو ايمن انت و سوبر ستار علي اضافاتكوا الجامده...وهي دي المشاركات اللي انا بدور عليها من بدري :) ....بس برضو السؤال بتاع الفلتر ده متجاوبش عليه من واحد فاهم خصوصن انوا يهم الناس اللي بتحط 80 زيكوا :)
احب اضيف معلومه ان البنزين درجاته 83 87 91(في العالم) وليس80 90 92 المتعارف عليها في مصر (خطا قديم التسميه)