الموضوع: بنزين 80 فاللوجان !!!!

المشاركة الأصلية كتبت بواسطة xlance2010

اخى محمد اشكرك شكرا جزيلا لاضافتك مع ان الاخوة اللى حطوا بنزين 80 قالوا ان معدل الاستهلاك بيكون احسن مع البنزين 80 اوكتين وليس العكس كما ذكرت حضرتك لذا فالموضوع يستحق التجربة والله أعلم

فعلا الأستهلاك بقى احسن من بنزين 92
حاجه تجنن العربيه ببنزين 92 بتعمل معدل 190 الى 210 لكل 20 لتر داخل البلد ببنزين 80 وصل المعدل ل 220 الى 230
نفسى اعرف ايه السبب

المشاركة الأصلية كتبت بواسطة mohamedadelemam

السلام عليكم...حضرات السادة الأفاضل أصحاب السيارة اللوجان..أنا مش عايز والله أحبطكم ولا حاجة بس نسبة الإنضغاط على ما أسمع فى سياراتكم حوالى 9.5....وبكدا لازم السيارة هتسقف..حتى لو التسقيف مش مسموع ...ودا حضراتكم ضار جدا لعمود الكرنك وكنت شفتها والله فى سيارة أودى عمود الكرنش محصلش فيه بوش..إتكسر مرة واحدة..وغير كدا فرق إستهلاك الوقود هيخلى حضراتكم اللى بتوفروه بيتدفع فى فرق الإستهلاك..بمعنى إن تقريبا سيارات حضراتكم بتعمل فى الصفيحة داخل المدينة حوالى 230..صح؟..ومع البنزين ال80 أعتقد إنها لن تزيد عن 170...فهيكون فرق التوفير مش كتير أوى وفى نفس الوقت المخاطرة بعمر المحرك وكفائته وغير كدا قابلية المحرك لإرتفاع درجة الحرارة بزيادة جدا عالية...أتمنى لحضراتكم كل التوفيق

هو بس للايضاح مش اكتر اعتقد ان سيارات الجر الامامى مافيهاش عمود كرنك ولا انا غلطان

المشاركة الأصلية كتبت بواسطة moustafa_saad

هو بس للايضاح مش اكتر اعتقد ان سيارات الجر الامامى مافيهاش عمود كرنك ولا انا غلطان

اه علاقة الجر الأمامي بالكرنك .. الكرنك موجود كدة كدة

المشاركة الأصلية كتبت بواسطة ahmed a.maksoud

قصدك عمود كردان مش كرنك

ايوه معلشى الخيوط دخلت فى بعضها
فعلا انا كنت مفكره بيتكلم على عمود الكردان

المشاركة الأصلية كتبت بواسطة hossamedeen

مساء الفل يا جماعه ....موضوع البنزين ال 80 وال 90 وال 500 قتل بحثا في المنتدي والنضافه ملهاش دعوه برقم الاوكتان اصلا ولو لها يبقي البنزين ال 80 انضف لان تنكاته السحب عليها اعلي ..........طيب تعمل ايه
1- حط بنزين 80 من بنزينه محترمه علي شان تضمن نضافة التنكات (ودي نفس النصيحه للي عايز يحط بنزين 90 و 92 )
2- علي كهربة العربيه سنه بسيطه(من الموتور نفسه) حتي لو مسقفتش في الاول وماسمعتش تسقيف علي شان تضمن ان مفيش اي تسقيف (مع ان التسقيف لازم يتسمع ويتحس والتسقيف الي مبيتسمعش هيبوظ الموتور فعلا علي المدي البعيد(140 سنه مثلا..يديك ويدي احفادك طولة العمر)
3- لو عايز تحط فلتر بنزين زياده يبقي احلي واحلي المهم ما يعقش حركة ومعدل انسياب البنزين(وكده حط اي بنزين من اي بنزينه مش هتفرق)

توكل علي الله وامشي بعربيتك ومتشلش هم اي حاجه ...لا السحب والا الموتور..
انا كل يوم بقالي 4 سنين بادخل اعرف ايه اخبار العربيات خصوصا اللوجان وغالبا باستمتع باراء الزملاء في المنتدي ونادرا ما باشارك بس الموضوع ده فعلا موجود في قسم العام من زمان وابدع فيه العبقري سبعاوي واتكلم عن كل جوانبه يا ريت الزملاء يعتموا بالمواضيع العامه لانها هتديهم افكار رائعه للتوفير والصيانه وتحل لهم كتير من المشاكل

تحياتي
اخوكم الي نفسه يبقي لوجناوي ومش عارف

كلامك زى الفل ومنطقى وفوق الممتاز ، وإن شاء الله تبقى احسن لوجناوى فى مصر كلها وربنا يكرمك ويرزقك بلوجان محترمة زى ما انت عايز ياباشا ونشكرك شكرا جزيلا لمداخلتك ومساهمتك