استفسار بسي

**AhMeD MeTwAlY** · 23-06-2011 06:15 PM

العربيه فيها هزه في الدركسيون مع دوس الفرامل بعد 80 وكمان في شوية حجات عايز اسأل عليها
انا كنت فاكك الطبلون من فتره طويله جدااا
لقيت المبات الي هي بتاعت الزيت والبطريه والهاند وفي جمبها كام لمبه مش شغلين تانين زي الحزام وال (abs) محدش يوقلي فيها (ABS) وشوية لمبات تانيه
يا ريت حد يقولي اشغل المبات دي ازاي
وبالنسبه لحساس الحراره الي الازاز الخلفي بيشتغل ازاي؟؟

**midoabokhadra** · 24-06-2011 03:48 PM

عربيتك a4 ولا a5
هزة الدركسيون دي هتروح لبتاع الكاوتش قوله عاوز ارصص هيظبطهالك
حساس الحرارة دة تقصد لما يكون في شبورة ع الازاز ولا اية ؟

**elpasha1** · 24-06-2011 04:13 PM

1) هزة الدركسيون دى طنابير (فيها ريجة) طالما وانت دايس فرامل اما لو الهزة دى وانت ماشى بدون فرامل يبقى ترصيص
2) اللمبات دى عاوزة كهربائى نظيف
3) حساس الحرارة دا مملوش لزمة فى مصر واغلب العربيات اللى فيها الزرار دا بيلغوة وبيخلوة يااما للمروحة او للشبورة لانة معمول للبلاد اللى فيها ثلوج علشان يسيح الثلج

**amroebraheem** · 25-06-2011 01:16 AM

المشاركة الأصلية كتبت بواسطة elpasha1

1) هزة الدركسيون دى طنابير (فيها ريجة) طالما وانت دايس فرامل اما لو الهزة دى وانت ماشى بدون فرامل يبقى ترصيص
2) اللمبات دى عاوزة كهربائى نظيف
3) حساس الحرارة دا مملوش لزمة فى مصر واغلب العربيات اللى فيها الزرار دا بيلغوة وبيخلوة يااما للمروحة او للشبورة لانة معمول للبلاد اللى فيها ثلوج علشان يسيح الثلج

كلام جميل ومحترم جدا فعلا .افادك الله
والسلام عليكم ورحمة الله وبركاته

**AhMeD MeTwAlY** · 25-06-2011 03:44 PM

شكرا علي الافاده والاهتمام يا جكاعه

**dado_256** · 27-06-2011 11:10 AM

اللمض اللى فى تابلوه الفيليشيا اللى فى الجزئ اللى تحت هقولك عليهم انت دلوقتى لما تفتح الكونتاك هينورلك 3 لمض واحده بتاعت الزيت وواحده بتاعت الهاند بريك وواحده بتاعت البطاريه ولما تيجى تدور هتنوور لمبه بتاعته المارش وبمجرد انك تسيب المفتاح هتنطفى وبعد كده لما تدوس فلاشر (انتظار ) هتلاقى لمبه عليها مثلث بتنور وتنطفى معاك وفى لمض تانيه بس هم ملهمش لزمه فى العربيه لانها مفهاش الحاجات دى هتلاقى لمبه عليها علامه اير باك (وساده هوائيه ) وهتلاقى لمبه عليها ايه بى اس زى ما حضرتك قولت وهتلاقى لمبه تانيه بس بصراحه مش فاكر بتوع ايه بس حضرتك بتقول انك عايز تشغلهم اللمض دى مش بتشتغل عندنا فى عربيتنا لانها مش موجود فيها الامكانيات دى

ثانيا حضرتك سالت على السخانات اللى فى الازاز اللى ورا حضرتك هتلاقى زرار عليه علامه مستطيل وعليه زى خطوط بالطول متعرجه كده حضرتك لما تدوس عليه هتلاقه لمبه بنفس الشكل ده نورت فى التابلوه وهو كده اشتغل بس ده متشغلهوش خالص وياريت تفصله اصلا لانه لو اشتغل بدون داعى بعد الشر على عربيتك عيكسرلك الازاز وبعد الشر عليها طبعا ف حضرك لو حبيت تفصله لما تفتح الشنطه هتلاقى فى نص الازاز بالظبط من اليمين والشمال صلك كده راكب فى الخطوط ديه افصله من الناحيتين وبس كده ولو عايز اى استفسار فى الفيليشيا اسالنى اصل انا وهيا عشره طويله مع بعض

سورى انى طولت عليك يا جميل

اه نسيت موضوع الهزه مع الفرامل ده فعلا زى ما قالو لحضرتك انه بيبقى عيب من الطنابير الاماميه وحضرتك هتلاحظها لو لقيت دواسه البنزين بتتحرك تحت رجلك مع الرجرجه دى ومش شرط تحس بالحركه فى الدواسه يعنى متربطش دى بديه لان لو الموضوع عنك خفيف مش هتحسها اوى لكن لو الرجه جامده اكيد هتحسها وشكرا تانى