الموضوع: مميزات وعيوب اللانسر 2007 الشكل القديم سبورت 1.6 اوتو

انا ليه رأى فى موضوع العزل ده
اولا عزل المتور عن الكابينه :انا شايف انه معقول جدا
طبعا العربيه اول ما تدور وهيه بارده صوت متورها بيكون عالى
بس لما تسخن وواقف مفيش صوت بسمعه
وانا وبشد قبل ال3 rbm صوت الماتور بيكون باين بس شايف انه عادى واى عربيه كده
لما بشغل ال ds اسمع بقا الصوت الى بجد صوت العربيه بيكون عالى جدا وانا شايف ان ده طبيعى علشان rbm بيعدى ال 4 بس صوت يحسسك بالاداء الرياضى

فى كل الاحوال اناى شايف ان صوت الماتور عادى

تانيا عزل الكابينه عن العربيات المجاوره

انا شايف انه معقول جدا لما بقفل الزجاج الصوت بيقل لحد كبير جدا

ثالثا عزل الكابينه عن الارض
لو ماشى فى منطقه رمليه بسمع صوت الرمله وهيه بيحبط فى العربيه من تحت
واى حاجه بتخبط فى العربيه من تحت او اى حاجه ادوس عليها بسمعها
صوت الكاوتش عالى بالرغم من ان عندى الكاوتش بردجستون الى نازل بيها

يا احمد باشا
معلش بس فى نقطتين احب اتكلم فيهم فى موضوعك
1-العنوان : كان ممكن يكون تقييمك الشخصى لللانسر وليس (مميزات و عيوب ) بصفة مطلقة كدة
2- انت بتقول (بمنتهى الحيادية ) وانا الحقيقة مش لامس حيادية فى الموضوع
واضح انك مش مبسوط من اللانسر ودة أثر عليك فى كتابة الموضوع يعنى
فى المميزات
-نقطة التسارع الفيصل فبها وصول ال 100 فى كام ثانية وليس مقارنتها بالشاريد فى فرق كبير اوى فى التسارع لصالح الوزن و المحرك و انسياب الهواء لصالح الشاريد
وتسارع اللانسر لا يعلى علية ...حتى لو كانت اتوماتيك
-باقى المميزات هى اصلاً نقاط ضعف لللانسر
ذى الارتفاع -والمساحات الداخلية -و الكاسيت

العيوب اللى تم ذكرها
-استهلاك الوقود ...اقل من كدة بكتير يعنى ممكن يوصل 240 فى الصفيحة
-العفشة الرياضية لا تعنى ابداً عدم الراحة ... يعنى هى عملية نسبية
-صوت الموتور ... بيبقى مش صوت بقدر ما هو (تون) او نغمة ..برضو نسبية

وفى نهاية موضوعك قولت ...انها لا تصلح للعائلات التى تبحث عن الراحة
برضو عملية نسبية جداً ..وفى كتير من العائلات هى دى متطلباتهم من العربية
ودة اعتقد مفيهوش اى حيادية .

والف شكر ليك ولموضوعك واتمنى ان تكون فهمت وجهة نظرى

كامل الشكر للاستاذ " elpasha009 " وانا مقدر واحترمت جدا وجهة نظر حضرتك لكن اقول اولا واخيرا دي وجهات نظر واراء لابد اننا هنلاقي اختلاف فيها وزي ما قال الاستاذ " seatlover " الموضوع نسبي لكل واحد

أنا معايا الاوتوماتيك 2007. بصراحة أكثر حاجة سيئة غي السيارة دي العفشة... سيئة جدا... تشعر بجميع المطبات... طبعا لو عندك مشاكل في ظهرك،،، اهرب... هذا للأمانة لمن ينوى شرائها..
من الناحية الأخري الشنطة صغيرة بعض الشيئ و هذا بالطبع يهم بلأكثر أصحاب العائلات...
دون ذلك السيارة جيدة...
شكرا...

انا شايف ان فيه ناس مشككه فى كلامى
بس والله العظيم انا متاكد 100% وبعدين انا بقارن بالسيارات التانيه
وبعدين مميزات الماذدا 3 من وجهة نظرى شكلها كويس وعزلها كويس اكتر من كده ما اعتقدش وبرضه انا متاكد لانى ركبت العربيه دى كتير وبعدين فرق السعر بين الماذدا 3 الايرو واللانسر سوبر اكشن 10 الاف فقط يعنى مش كبير ولا حاجه
وبعدين انا بقول العيوب والمميزات بالنسبه للسيارات اللى فى فئتها زى الماذدا 3 والميجان والكورولا والتيدا والصنى يعنى انا ما قولتش نقارنها بسيارات اقل فى الفئه
وبعدين انا مش هقول لحد غلط وانا بتكلم من وجهة نظرى وكل واحد ليه وجهة نظر
والعربيه لو وحشه مكنتش ركبتها

المشاركة الأصلية كتبت بواسطة ahmed_harb

انا شايف ان فيه ناس مشككه فى كلامى
بس والله العظيم انا متاكد 100% وبعدين انا بقارن بالسيارات التانيه
وبعدين مميزات الماذدا 3 .....

يا احمد باشا مفيش تشكيك ولا حاجة لا سمح الله ..ابداً
ووجهة نظرك دى ..فى اغلب كلامك هو وجهة نظر كتير فى اللانسر و كلام مش غريب ولا اول مرة يتقال
انا بس بعد إذنك ..ماينفعش الكلام دة يتحط تحت عنوان (مميزات وعيوب اللانسر ...)
و كمان تقول فى اخر كلامك ..بمنتهى الحيادية ...كدة انت بتفترض ان وجهة نظرك هى الصح بالنسبة لكل الناس
وكلامك عن المازدا 3 انا معاك فية ..ومعاك حق
اللانسر بالذات ..ذيها ذى اى عربية رياضية ..لها ناسها و بتبقى نسبية لباقى الناس
ارجو انك تكون فهمت وجهة نظرى
والف شكر ليك على متابعة الموضوع و صدرك الرحب

الانسر لاهي رياضية ولا حاجة هي بس عشان رخيصة فعفشتها اكيد مش حتبقى حلوة زي السيفيك مثلا وانا متفق تماما مع الاستاذ ahmed_harb فكل ملاك اللانسر يعرفون هذه المميزات و العيوب و بصراحة رايه محايد جدا
من الاخر للي بيدور على هدوء ورفاهية وكماليات يبعد تماما عن الانسر