مميزات وعيوب اللانسر 2007 الشكل القديم سبورت 1.6 اوتو

**abo samra** · 30-04-2008 05:42 AM

اولا نحب نتكلم بكل حياديه وبدون تعصب على مميزات وعيوب اللانسر البوما السياره الاكثر شعبيه فى مصر

المميزات:
(1) شكل انسيابى رائع وغير تقليدى
(2) تسارع عالى جدا غير مسبوق فى معظم سيارات فئتها من صفر الى 100 فى حوالى 10.5 ثانيه ولكن يعيب تسارعها هو الطلعه من صفر الى 40 .....ميته جدا وده السبب ان الديهاتسو شاريد 1000 سى سى اوتوماتيك بتسبقها الى سرعه 70 من الصفر
(3) الثبات الاكثر من رائع والذى يعود الفضل اليه العفشه الرياضيه والوزن 1222 كجم الذى يجعل السياره ثابته وتبدى ثباتا ملحوظا عند تغيير مسارها (ثبات السياره اعلى من الماذدا 3 رغم ان الماذدا متساويه فى الوزن ومركز ثقلها اقرب منها الى الارض
(4) الارتفاع العالى عن الارض والذى يجعلها لا تلمس اى مطب من المطبات الموجوده بها شوارعنا بكل اسى والسياره بكامل حمولتها لا تنخفض كثيرا عكس الكورولا
(5) المساحات الداخليه جيده ومعقوله وواسعه اكثر من الماذدا 3 بكثير
(6) الكاسيت والسى دى صوتهم رائع فعلا وبها سماعتين اضافتين فى التابلوه الخلفى
(7) التكييف اكثر من رائع ولا يؤثر مطلقا فى اداء السياره عكس 1300 سى سى من اللانسر
العيوب:
(1) عزل الهواء والاصوات بالمقصوره سىء جدا واقل من السيارات التى فى فئتها
(2) استهلاك الوقود بها اعلى من السيارات التى فى فئتها تستهلك فى المتوسط 170 كم فى الصفيحه
(3) ثبات السياره على الطرق الغير ممهده غير جيد والعفشه لا تمتص الصدمات او المطبات فتجدها مثل الملاهى ترتفع وتنخفض بشده
(4) عفشتها الرياضيه التى تضمن لها اداء رياضيا عاليا وثباتا ممتاز غير مريحه ابدا وتجعلك تشعر باقل الاشياء فى الطريق
(5)صوت الموتور عالى جدا ولا تقل حدته عن سيارات السبق التى تكون بسعة 6000 سى سى على الاقل
(6) كاوتشات مصممه (sport performance)
علشان كدا ليها صوتها عالى قوى على الطريق

الخلاصه النسخة السبور مصممه للشباب لان الشباب يستحمل صوتها العالى وعفشتها الخشنه من اجل الشد والجرى والثبات
انما ارى انها اختيار غير مناسب للعائلات او الاسر التى لا تبحث عن الثبات العالى والسرعه العاليه على حساب الراحه والهدوء داخل السياره
....................وده تقييمى للسياره بكل حياديه
وشكرا

**amrhussein123** · 30-04-2008 08:49 AM

كلام حضرتك منطقي جدااااا

الف شكر علي موضوعك المفيد

**mohameduoser** · 30-04-2008 08:57 AM

الارتفاع العالى عن الارض والذى يجعلها لا تلمس اى مطب من المطبات الموجوده بها شوارعنا بكل اسى والسياره بكامل حمولتها لا تنخفض كثيرا عكس الكورولا
[
انا شايف العكس الكورلا اعلى

**elpasha009** · 30-04-2008 12:01 PM

نفس الكلام اللي أنا قولته في تقيمي للعربية بتاعتي:
http://www.nilemotors.net/Nile/showthread.php?t=16382
يا جماعة اللي بيدور على هدوء ورفاهية وكماليات يبعد تماما عن الانسر.اللي بيدور على عربية أداء رياضي فظيع وقوة تحمل وقطع غيار في الرخيص قوي يبقى طبعا الانسر.
زشكرا ليك يا أستاذ أحمد

**abo samra** · 30-04-2008 02:32 PM

يا استاذ محمد حضرتك ما فهمتنيش انا اقصد انا لو الكورولا محمله 3 وراء واتنين قدام هتلاقى العربيه نازله للارض
انما اللانسر لو محمله كتير مش بتنزل قوى كده زى الكوكو
ارجو تكون حضرتك فهمت وجهة نظرى
وشكرا

**mohameduoser** · 30-04-2008 02:37 PM

المشاركة الأصلية كتبت بواسطة ahmed_harb

يا استاذ محمد حضرتك ما فهمتنيش انا اقصد انا لو الكورولا محمله 3 وراء واتنين قدام هتلاقى العربيه نازله للارض
انما اللانسر لو محمله كتير مش بتنزل قوى كده زى الكوكو
ارجو تكون حضرتك فهمت وجهة نظرى
وشكرا

انا فاهم بس مختلف معاك الكورولا نادر لما تحك حتى مع وزن فى الخلف لانها اعلى بس اللانسر بتحك

**abo samra** · 30-04-2008 02:43 PM

حضرتك احنا كان عندنا كورولا وفعلا الكورولا لو محمله بتحك فى كل المطبات
واسال بنفسك وتاكد لو مش مصدقنى

**mohameduoser** · 30-04-2008 08:06 PM

انا عاندى كورولا و اول مرة اسمع انها بتحك هى سيارتك موديل كام

**kemoelord** · 30-04-2008 08:37 PM

الحقيقه انا اختلف مع الاستاذ احمد في نقطه اذا ما تكون نقطتين
اولا : حضرتك بتقول " عزل الهواء والاصوات بالمقصوره سىء جدا واقل من السيارات التى فى فئتها
" وانا شايف عكس الكلام ده تماما لان انا اعرف واحد معاه العربيه دي وكان قافل الزجاج ومشغل الكاسيت " سي دي " وزي ما حضرتك قولت صوته رائع جدا وكنت حاسس اني قاعد في عالم تاني ومش حاسس باي حاجة بالخارج .

ثانيا : كمان انا مش شايف ان صوت الماتور عالي بالعكس صوته ما شاء الله ناعم جدا وما اعتقد اي عربيه جديده بيبقى صوت الماتور عالي . النقطتين دول انا متأكد منهم جدا
لكن اشك مجرد بس شك ان العربيه مش ثابته على الطرق الغير ممهدة , لان انا لما ركبتها وطبعا ما في شارع في جمهوريه مصر العربيه الا لما تلاقي مطبات وبلاعات ومتكسر وفي مطبات هوائيه بالاضافه الى كوبري اكتوبر العظيم والتاريخي الي الفواصل الي فيه مطبات مش فواصل لاقتيها كويسه مش بحس باثار الصدمات اوي . وشكرا واسف على الاطاله