الموضوع: أفكار ذكية تخلى صيانة اللوجان إقتصادية

السلام عليكم ورحمة الله وبركاته
أولا أشكر صاحب الموضوع الفاضل د\أسامة فلقد أمتعنى طوال ساعة ونصف اتابع المشاركات والردود الجميلة والذوق العالى والتفانى والإخلاص فى خدمة الناس وسواء منه أو من زائريه كل الموضوع برمته رائع محترم مفيد مثمر غنى إلخ إلخ ... فعلا ده تقيمى بما يرضى الله لى تعقب بسيط أخ أسامة بعد إذنك طبعا
1- موضوع الفلانشة اللى بدأت به موضوعك رائع وحلك له رائع بس لاحظت اتنين من الأعضاء طلبوا عنوان الخراط فى بنى سويف وحضرتك وعدت بالعنوان !!!الخراط ده لو حيوفر علي الجميع ممن يعانون المشكلة 6000 جنيه أعتقد انا شخصيا وغيرى مستعد لأن يقابله فى أسوان ياريت العنوان بالتفصيل لو سمحت ولك جزيل الشكر!!!!
2-قرأت موضوع الشفط على البارد وانا شخصيا جرى لى حادث والحمد لله من فترة ادى الى كدمتين جامدين شوية فى البابين الشمال وعند سؤال احد الفنين المهرة اكد لى ان الشفط يؤدى لتحبب مكان الخبطة وظهور تقشر بالدكو والله اعلم
3- موضوع تغير االكلاكس انا شخصيا عندى مشكلة ظهرت فجأة مع كثرة استعمالى للكلاكس ولكن نحن فى مصر بلد المليون توكتوك؟؟؟
وذهبت الى التوكيل فرع المقطم وخدوا منى العربية لمده ساعة وروحت بضرب بيب بيب الاهلى حديد ومع خروجى للمرة الثانية مع اسرتى الصغيرة وانا بتمنظر عليهم انى صلحت الكلاكس مجانا
إذ بى أفاجئ بإن الست ريما رجعت لعادتها القديمة والكلاكس رجع يعلق ما الحل دون اللعب بالضفيرة
4-لى د\زميل بالعمل خبرة من زمان فى العربيات سألته عن رأيه فى الغالية لوجى ولو انو محبط انما معلش عايز اتأكد هل السقف فعلا فبر لانه خبط عليه وعلى اجزاء من العربيه وورانى الفرق بس انا مش متأكد وحتى ولو طلع فبر انا رديت عليه وقلت له ولو عجابنى وتمنها فيها بس عايز اعرف صحة المعلومة
اخيرا انت راجل دبلوماسى ومحترم وردودك أصلى مش تايوانى
تقبل تحياتى
احترامى
مودتى
zoro2

أنا ممكن أرد على آخر نقطة بس. مفيش سقف فبر ولا رفرف ولا أي حاجة. العربية كلها صاج عادي. هي بس الناس متأثره بالكليو عشان كانت الرفارف الأمامية فبر فيها. هي الإكصجامات بس فبر زي كل العربيات دلوقت.
لو مكنتش غلطان فاللوجان العربية الوحيدة في هذه الفئه إللي واخده ثلاث نجوم في إختبارات السلامة والأمان الأوروبية. والله أعلم.

وبعدين ياعم زورو، يعني يبقى إنت معاك العربية وتسأل حد تاني عن رأيه فيها؟!!! ياراجل المفروض الناس هي إللي تسألك. معلش بس إحنا أجدع بلد الناس تحب تفتي في حاجة متعرفهاش.

الله ينور علي الافاده الجميله دي

ربنا يوفقك وجزاك الله عنا خيرا