الموضوع: أفكار ذكية تخلى صيانة اللوجان إقتصادية

جزاك الله خيرا

جزاكم الله خيرا ...
وتسلم ايدك يا دكتور أسامة ...

انا عندي مشكله غريبه في العربيه
الاكسلاتير ( البنزين ) بيعلق
الصبح بالزات كل يوم لما بدور العربيه ال ار بي ام بيبقي عالي
ولما بمشي بيها شويه يبدأ ينزل بس لما بنقل الفتيس او اموور بين النقلات ال ار بي ام برضه يعدي 2 حتي لو دايس دبرياج وصوت الموتور يعلي
مش عارف بقي مشكله في كمبيوتر الانجكشن ولا الرشاشات ولا ايه بالظبط
اللي يغيظ بقي ان روحت توكيل القطاميه مرتين والمهندس يقولي وريني العيب اطلع معاه اجرب العربيه متعملش حاجه !!!!
والموضوع بدأ يزيد
حد عارف المشكله دي او حصلت معاه ؟
العربيه لوجان 2010 وعامل حوالي 55 الف كيلو
ارجو الافاده

ألف شكر يا دكتور على إضافاتك المفيده دايما وشكراً كمان على سؤالك أنا فعلا من فتره ما دخلتش الموقع لظروف أتمنى إنك تفيدنى فى الموضوع إللى سألتك عنه على الخاص وياريت دى تكون فكرة المشكله رقم 11 فى موضوع أفكارك الذكيه وجزاك الله كل خير

المشاركة الأصلية كتبت بواسطة albasem

المشكله رقم (10) : إصلاح مشاكل مسامير الاتزان بدون استبدالها

مسامير الاتزان جزء مهم من عفشة العربية بتكون موجوده خلف طوق الفرامل للعجل الأمامى وبتكون مربوطة بشكل رأسى داخل محور مطاط كثيف محاطه بيه مهمته منع احتكاكها مع حديد العفشة علشان يمنع التآكل والصوت ( الدربكه ) نتيجة حركة عجلات السياره فوق المطبات و مستويات الطريق مابين ارتفاع وانخفاض ، إللى حصل معايا إنى كنت بدأت أسمع أصوات دربكه مرتفعة مع المطبات وأحس كأن الحديد بيخبط فى بعضه ، لما رحت أعمل صيانة ال 65000 كيلو عرضت المشكلة على التوكيل ، وبعد الفحص كان تشخيص العيب إن فيه تآكل حصل فى جلد مسامير الاتزان والحل إن المسامير تتغير ( مسمارين حديد يمين وشمال طول الواحد حوالى 20 سم ) ودول سعرهم حوالى 450 جنيه غير التركيب والضريبة ، الحقيقه أنا فكرت إنى أستشير صنايعى العفشه وما كدبتش خبر وخرجت من التوكيل وتانى يوم كنت عند العفشجى ، وكانت المفجأه إن المشكلة إتحلت وعالج التآكل بتكلفة لاتذكر ، مش هتصدقوا إن الموضوع إتكلف عشره جنيه بس ، كل الحكايه إنه فك الكاوتش من مكانه ورفع العربية على الكوريك وفك المسمار وركب له جلده تفصيل وبعدين رجعه مكانه وربط عليه وركب الكاوتش وبعدين الناحية التانية ، الموضوع ما كملش نص ساعه وجربت العربية لقيت كل أصوات الهبد والخبط إختفت ورجعت مرونة العفشة زى ما كانت .

- ملحوظة : مسامير الاتزان من الاجزاء المعمرة لأنها مصنوعه من الحديد بسمك كبير وصعب تآكلها ، لكن نقطة ضعفها هى الجلد المحورية المحيطة بيها ودى إللى ممكن مع الاستعمال الشاق تتآكل ، وطبعاً الواضح إنه ما بيكونش فيه مبرر لتغيير المسامير نفسها.

أنا حاولت أصور مكان المسامير للتوضيح بس كان صعب أنزل تحت العربية ، شوفوا الصور :

http://mail.aol.com/35138-111/aol-6/...inbox&partid=3

http://mail.aol.com/35138-111/aol-6/...inbox&partid=3

يا ريت حضرتك تقولنا بتاع العفشه ده فين و رقموا كام و شكرا