حجزت اللنترا الشكل الجديد وولكن

**ahmad‎_luca** · 01-07-2011 10:22 PM

المشاركة الأصلية كتبت بواسطة wael2sh

مبروك يا باشا وانا إنشاء الله ناوي وشكلي نازل بكرة ادفع ربنا يسهل أنا اتفرجت عليها النهارده في البطل أحمد عند العزيز وعجبتني قوي بس الفئة el-121000 والراجل قال لي هتدفع 1000 حجز وتستلم في شهر 7 سألته إن كان في بجنوت قال لي في 128000 بجنط 16 بس مش فاكر فيها ABS ولا لأ وانا صراحة مش عاوز ادفع أكتر من كده أنا اخري 125000 وممكن أزود el-3000 دول علشان الجنوط وربنا يستر وماتغلاش بس صراحة العربية عجباني قوي وشكلها تحفة ما شاء الله و لاحظت فيها إنها واسعة جدا في الكرسي الأمامية بس كنت عاوز أسألك تفتكر أحلى لون فيها يكون إيه ؟ في الفواتح .......

العربيه ماشاء الله مش محتاجه الوان

. اى لون حلو فيها . ان شالله من غير بويه خالص

**mhmdalsaadany** · 01-07-2011 11:22 PM

مبارك عليك يا باشا واختيار موفق ان شاء الله وربنا يديلك خيرها ويكفيك شرها ان شاء الله

**Hussein_Ramdan** · 01-07-2011 11:39 PM

تسلمو ياشباب انهاردة ورحت فرع عمارات العبور ( انا عارف انهم بدو يسلمو )
روحت تنحت عليهم وقولتلهم عايز استلم قالى اهلا ياباشا هو فى حد اتصل بيك وقالك تعالة
قولتلو لا هههههههههههههههههه ( رخم اوووى )
قالى طيب اومر قولتلو عايز استلم تنح صح
قالى لا ياباشا لسة العربية مجتش قولتلو طيب امتى قالى خلال يومين
قولت مش مشكلة مش بعيبدة بس شوفت واحد بيستلم نفس لو عربيتى هاى لين نبيتى
كانت جميلة بس من غير فتحت سقف

**wael2sh** · 02-07-2011 12:00 AM

المشاركة الأصلية كتبت بواسطة hussein_ramdan

تسلمو ياشباب انهاردة ورحت فرع عمارات العبور ( انا عارف انهم بدو يسلمو )
روحت تنحت عليهم وقولتلهم عايز استلم قالى اهلا ياباشا هو فى حد اتصل بيك وقالك تعالة
قولتلو لا هههههههههههههههههه ( رخم اوووى )
قالى طيب اومر قولتلو عايز استلم تنح صح
قالى لا ياباشا لسة العربية مجتش قولتلو طيب امتى قالى خلال يومين
قولت مش مشكلة مش بعيبدة بس شوفت واحد بيستلم نفس لو عربيتى هاى لين نبيتى
كانت جميلة بس من غير فتحت سقف

يعني بعد تلات أيام هنشوف التقرير صح كده :) ولا إيه مبرووووووك مقدما واللون النبيتي ما شاء الله عليه

جامد طحن أنا كنت بختار بينه وبين السماوي والحمد لله استقريت على السماوي بس صراحة كل الوانها حلوة ,,,مستنيين التقرير يا باشا و 10000000 مبروك عقبال مستلم أنا كمان

**Hussein_Ramdan** · 02-07-2011 12:36 AM

اكيد ياباشا بس النبيتى جالى مش بمزاجى هههههههههه
انا اصلا معايا نوبيرا نبيتى
وماكنش باقى فى الدفعة الاول غير عربيتين بس سودا 135500 من غير فتحت سقف سودا
ونبيتى بفتحت سقف نبيتى
قولت يلا مش مشكلة
بس فى حاجة لحظتها انهاردة فى عربية جى ال اس
ان التكيف غير التكيف الى جة فى الصور من التكيف فى الجى ال اس بس
بيكون فى شاشة صغيرة
بس بتتدى شكل شيك جدااا فى التابلوة

**Hussein_Ramdan** · 02-07-2011 12:38 AM

انتا حجزت فين ومدينك معاد امتى
لو تبع التوكيل حاول تدفع الفلوس كلها عشان السعر ميغلاش عليك عشان جالى كلام كتير ان السعر ممكن يعلى من 2 الى 4
زاى الاكستن

**asherbini** · 02-07-2011 01:24 AM

ياريت يا استاذ حسين رمضان او اللي بيشوفو ال جي ال اس و الفوللي لودد يقولولنا لو فيه حجات موجوده في العربية و مش في جدول الاسعار.... يعني بلوتوث كاميرا خلفية مراية اوتو ديم حسساسات امامي كده يعني و منكم نستفيد

**Hussein_Ramdan** · 02-07-2011 11:27 AM

الفوللى بتزيد عن الى معايا
اس ابى
فرش جلد
مثبت سرعة
تشغيل المحرك بدون مفتاح
بس فرق بينها وبين الفئة الى خدها
حوالى 15 الف
بس انا قولت العملية مش مستهلة انا كدة كدة هعمل فرش جلد محترم
ومثبت السرعة مش فى دماغى اوووى او مش هتستخدو عشان انا مش بسافر خالص
الحاجة الوحيدة الى مضيقانى موضوع asb
وكمان فى حاجة فى الجى ال اس غير ان التكيف فى شاشة
ان كمان المفتاح قابل للطى وبيفتح الشنطة منو غير المفتاح التعبان الى العادى

**memo823000** · 02-07-2011 02:11 PM

المشاركة الأصلية كتبت بواسطة hussein_ramdan

الفوللى بتزيد عن الى معايا
اس ابى
فرش جلد
مثبت سرعة
تشغيل المحرك بدون مفتاح
بس فرق بينها وبين الفئة الى خدها
حوالى 15 الف
بس انا قولت العملية مش مستهلة انا كدة كدة هعمل فرش جلد محترم
ومثبت السرعة مش فى دماغى اوووى او مش هتستخدو عشان انا مش بسافر خالص
الحاجة الوحيدة الى مضيقانى موضوع asb
وكمان فى حاجة فى الجى ال اس غير ان التكيف فى شاشة
ان كمان المفتاح قابل للطى وبيفتح الشنطة منو غير المفتاح التعبان الى العادى

اولا انت عندك الايرباج الزيادة وال ايه بى اس لوحدهم ب 7000 جنيه ودول مهمين جدا لسلامة اللى راكب جنبك بالنسبه للايرباج وسلامة العربية كاكل بالنسبه للفرامل
يبقى اللى هتدفعه 8000 جنيه قصاد
مثبت سرعه عشان الرادارات والتشغيل بدون مفتاح والشنطه يبقى اوبشن حلو جدا واكيد مش هتعرف تعمله بره
وطبعا اكيد اكيد الفرامل الخلفيه ديسكات ودى طبعا لو حبيت تعمل تعديل هتكلفك مش اقل من 2000 على الميت وبرده ممكن متعرفش تعمله ولو عملته مش هيبقى دى مالعربيه جايه
يعنى انا بصراحة شايف انك تاخد الفولى لودد وبجد انت المستفيد وانت كدا كدا دافع مبلغ كبير مش قليل ولسه هتصرف فرش جلد محترم يعنى ادى من 1000 ل 1500 جنيه كمان ومجتش على المبلغ التافه دوت لو معاك
بس عشان مترجعش تندم بعد متشوف الفولى لودد وتقول يارتنى كنت دفعت الملغ دوت لما تلاقى العربيه بتزحف منك مع الفرامل وكمان العربيه بجد بجد محملة وتقيلة ومحتاجه الفرامل الديسكات الخلفيه والايه بى اس وطبعا تامن الراكب اللى جنبك بالايرباج الزياده بتاعة السواق
وبرده استنى راى باقى الاعضاء وربنا يوفقك

**moosaleh** · 02-07-2011 02:15 PM

المشاركة الأصلية كتبت بواسطة memo823000

والله انا شايف لو هتاخد الالنترا بالسعر دوت (ولو مطلعش فيها عيوب لانها لسه محدش جربها فربنا يستر) يبقى افضل من السيراتو فى الاتى
موتور احدث وانعم
الصاج اتقل وتقدر تقارن بنفسك
متهيئلى خامات التبلوه افضل من السيراتو
عافشه انعم
شكل احدث
واعادة بيع افضل

والالنترا افضل من الرينو فى
شكل افضل
نفس الصاج
موتور احدث واقوى
فتيس احدث
وطبعا كالعاده المصريين هتهفتو عليها فهتنتشر فطبعا صيانة افضل وقطع غيار منتشره اكتر وهتلاقى كل اللى فى الحرفيين جايبنها انصاص استيراد وسعر اعادة البيع هيبقى افضل

استنى راى الاخوة

والله انا شايف ان اى عربيه اوروبى احسن من اى عربيه يابانى واى عربيى يابانى احسن من اى عربيه كورى واى عربيه كورى احسن من اى عربيه صينى وشكرا