الموضوع: حجزت اللنترا الشكل الجديد وولكن

المشاركة الأصلية كتبت بواسطة mazdafan

اولا مبروووك للي عايز يشتري الانترا الجديدة ، بالنسبة لموضوع ال fully-loaded ، انا مش متخيل ازاي ادفع 155 الف جنيه في الانترا كوري مهما كان فيها من كماليات ؟؟؟!!!!!!!!!!!

انا بال 155 الف دي ممكن أجيب ( وعدوا معايا):
1- سوباروا امبريزا ب 140 الف بس !!!
دفع اربع عجلات طول الوقت وموتو اقوى وكل الكماليات فيها !!
2- هوندا سيفيك اوتوماتيك ب 158 الف!!!
صحيح مافيهاش كل الكماليات اللي في الانترا fully-loaded، بس الكماليات اللي فيها مش شوية !! ده غير انها هوندا !!! سيفيك !!! مفيش فيها غلطة !! غير ان الشوارع بتاعتنا للأسف ماتنفعش معاها الا لو تعاملت معاها بحرص شوية ، لكن موتور ايه وعفشة ايه وكونسول وقعدة وفخامة ايه !!!! وهم !!!
3- فورد فوكس !! ب 157 الف !!
ركوبة وسواقه احسن من الانترا 100 مرة !!(مع اني مش بحب شكلها من جوة)
4- نيسان صني ب 100 الف او نيسان تيدا ب 128 الف !!
ياباااااني ومنتشر وزي الفل لكن عيب الصني حريقة بنزين والتيدا معرفش عنها معلومات كفاية
5- اوبل كورسا ب 130 الف !!!
(انا عارف انها كاتيجوري مختلف وهاتش باك ، بس الماني ياعالم وفيها معظم الكماليات !!! روحوا اركبوها وشوفوها !!)
6- بيجو 308 !! ب 155 الف
7- رينو فلونس !!! ب 150 الف كمان !!
برستيج اكتر من الانترا ( مع اني مش بحب الصالون بتاعها من جوه كشكل ، لكن وسعها وراحتها أحسن من الانترا )
8- كورولا ب 150 الف !!
9- مازدا 3 ب 140 الف
صحيح مافيهاش كل الكماليات بتاعت الانترا بس ياباني وسواقتها وهم !!!
10 و أخيرا سكودا اوكتافيا (مانيوال) ب 153 الف !!!
عارف يعني ايه سكودا اوكتافيا ؟؟؟!!! برستيج وهم !!! وصالون ووسع مالهمش اي منافس في كل الفئات اللي جيبنا سيرتهم !!! روح بص عليها واركبها !!! وشوف الكماليات والأوبشنز اللي فيها وشيـاااااااااااكة كل حاجة فيها !!! مافيش مقارنة اصلا !!!

وكووووووووووول القائمة دي مافهاش عربية واحدة كوري !! كلهم ياباني او اوروبي يا عااالم !! هو غبور بيستعبط ليه في سعر الانترا الجديد ؟؟ 155 الف ؟؟ والله لو العربية ها تسوق بدالي وتمشي لوحدها ماهدفع فيها المبلغ ده ابدا !!!

وكلهم سعرهم اقل من 155 الف ماعدا الفورد فوكس والسيفيك بس زيادة كام ؟؟ 2000 او 3000 جنيه في مقابل عربية متانة وسواقة وركوبة وقوة احسن من الانترا 1000 مرة !!

بجد غبور الجشع وصل بيه لحد البجاحة !!! :_alshmokh08[1]:

بجد الانترا الجديدة مزود في سعرها اوي عشان شكلها من بره وجوه مشجعه على كده ، ان الناس هاتجري ورا الشكل وتتناسى قلب العربية ومضمونها وانها في الأول والآخر كوري ، لكن لما تدفع فوق ال 130 الف جنيه .. المفروض تشيل الشكل من دماغك وتهتم بمواصفات العربية وامكانياتها اكتر وماتخليش الشكل يخدعك

وفي الأول والآخر دي وجهات نظر وكل واحد بيشتري الحاجة اللي تريحه وترضيه وبس
وربنا يبارلك لكل واحد في العربية اللي يرتاحلها ويشتريها ويكفيه شرها

كان زمان يا باشا كان زمان

المشاركة الأصلية كتبت بواسطة mazdafan

اولا مبروووك للي عايز يشتري الانترا الجديدة ، بالنسبة لموضوع ال fully-loaded ، انا مش متخيل ازاي ادفع 155 الف جنيه في الانترا كوري مهما كان فيها من كماليات ؟؟؟!!!!!!!!!!!

يعني هي كل المشكلة ان بلد المنشأ كوريا ؟

تاني:
YouTube - ‪Chevy Cruze, Ford Focus, Hyundai Elantra, Mazda 3, VW Jetta - Comparison Test - Car and Driver‬‏

[QUOTE=MazdaFan;3873624799][SIZE="3"]

انا بال 155 الف دي ممكن أجيب ( وعدوا معايا):
1- سوباروا امبريزا ب 140 الف بس !!!
دفع اربع عجلات طول الوقت وموتو اقوى وكل الكماليات فيها !!

(((((قطع الغيار وسعر اعادة البيع وسهولة الصيانة واستهلاك البنزين والشكل من الداخل والخارج وتطور الفتيس والموتور وارتفاع العربية اخباره ايه الالنترا تكسب فيه (الصاج وجودة الخامات الاثنين واحد) ولاكن الالنترا تتفوق فى التافيل
معرفش مع العمل الشاق العافشه والبودى ايه اللى هيحصلهم هما الاثنين)))))

2- هوندا سيفيك اوتوماتيك ب 158 الف!!!
صحيح مافيهاش كل الكماليات اللي في الانترا fully-loaded، بس الكماليات اللي فيها مش شوية !! ده غير انها هوندا !!! سيفيك !!! مفيش فيها غلطة !! غير ان الشوارع بتاعتنا للأسف ماتنفعش معاها الا لو تعاملت معاها بحرص شوية ، لكن موتور ايه وعفشة ايه وكونسول وقعدة وفخامة ايه !!!! وهم !!!

(((((نفس الصاج والخامات وتطور الموتور ومعرفش نفس فتيس النترا ولا لا
كماليات اقل وصيانة اصعب وسعر اعادة بيع اقل - اوطى فى المطبات جدا - شكل اقل من الالنترا)))))

3- فورد فوكس !! ب 157 الف !!
ركوبة وسواقه احسن من الانترا 100 مرة !!(مع اني مش بحب شكلها من جوة)

(((((اعمل بيها ايه الفورد فوكس (اجبها واحوس بيها هو انا بشوفها فى الشارع اصلا)
ياباشا الهيونداى قطع غياره مرميه ورخيصه ومن كل الاشكال وسعر اعادة بيع وانا قاعد بشرب الشاى وصيانه اى حد بيفهم فى الكورى)))))

4- نيسان صني ب 100 الف او نيسان تيدا ب 128 الف !!
ياباااااني ومنتشر وزي الفل لكن عيب الصني حريقة بنزين والتيدا معرفش عنها معلومات كفاية

(((((التيدا الميكسيكى ولا الصنى اللى العافشه ناشفه والتافيل السىء والموتور اللى صوته عالى وبياكل بنزين ولا التكنولوجى اللى من 10 سنين فى الموتور والفتيس والشكل والعفشه)))))

5- اوبل كورسا ب 130 الف !!!
(انا عارف انها كاتيجوري مختلف وهاتش باك ، بس الماني ياعالم وفيها معظم الكماليات !!! روحوا اركبوها وشوفوها !!)

(((((اولا مش المانى - وموتور 1400 سى سى يعنى تكييف اى كلام وطبعا احتاس مع منصور فى الصيانة ومعرفش اداء التكييف مع الاوبل ومع الموتور الصغير - قطع غيار مولعه نار واحتمال متلاقيهاش فى منصور - واصلا مشموجوده بره لان العربية فشلت فى مصر فسعر اعادة بيع اى كلام - وتوكيلها مشفاهم فيها حاجه
وكمان التقفيل والخامات مش اللى هيا يعنى الاوبل استرا القديمه برقبتها)))))

6- بيجو 308 !! ب 155 الف
(((((يابرنس انا عايز سيدان وكمان وبرده سعر اعادة بيع - صيانة - قطع غيار (الخامات اعلى من الالنترا من الداخل ولكن متزدش من الخارج فى شىء)))))

7- رينو فلونس !!! ب 150 الف كمان !!
برستيج اكتر من الانترا ( مع اني مش بحب الصالون بتاعها من جوه كشكل ، لكن وسعها وراحتها أحسن من الانترا )

(((((الفلونس ممتازة ولاكن برده سهولة الصيانة - قطع الغيار - تطور الفتيس والموتور - والشكل - وسعر اعادة البيع
بالنسبة للاوبشن والبرستيج والخامات الداخليه والخارجيه متقلش عن الفلونس فى شى)))))


8- كورولا ب 150 الف !! (((((ولا عاد ليها لازمة دلوقتى)))))

9- مازدا 3 ب 140 الف
صحيح مافيهاش كل الكماليات بتاعت الانترا بس ياباني وسواقتها وهم !!!

(((((محدش يقدر يتكلم عن المازدا فى شى لاكن الخامات هيا هيا ولاكن العفشه متفوقه فى المازدا
الالنترا متفوقه فى الصيانة وقطع الغيار ووسع الصالون والعربية كفخامة والموتور والفتيس وسعر اعادة البيع)))))

10 و أخيرا سكودا اوكتافيا (مانيوال) ب 153 الف !!!
عارف يعني ايه سكودا اوكتافيا ؟؟؟!!! برستيج وهم !!! وصالون ووسع مالهمش اي منافس في كل الفئات اللي جيبنا سيرتهم !!! روح بص عليها واركبها !!! وشوف الكماليات والأوبشنز اللي فيها وشيـاااااااااااكة كل حاجة فيها !!! مافيش مقارنة اصلا !!!

(((((يعنى اسيب الاوبشن والشكل والفتيس الاتوماتيك وسعر اعادة البيع وسهولة الصيانة ورخص قطع الغيار عشان زياده شويه فى المتانة
والالنترا الجديدة فى البرستيج متقلش عن الاسكودا وكمان الخامات والصاج فى الجديد غير القديم وافضل بمراحل)))))

(((((اولا الالنترا الجديدة بتديلك الاعتدال فى كل شىء
الخامات ممتازة وابشن كمان وعلى قد فلوسك فى الفئة دى
يعنى اللى معاه 120 الف يقدر يركب عربية شكلها احدث حاجه وفتيس حديث والاوبشن اللى تحتاجه
واللى معاه 155 الف يقدر يكرب اعلى فئة ويدلع نفسه)))))

(((((انا بقارن على الالنترا الجديدة اللى ركبتها فى المعرض واللى ركبته على الطبيعة وقارنته كويس جدا)))))

(((((يعنى الالنترا لسه ياجماعة متجربتش بس الواحد متفائل خيرا فبرده الحكم النهائى بعد التجربه واللى انا قولته دا راى شخصى يحتمل الصواب ويحتمل الخطا لانى بشر زى اى بشر)))))
والله المستعان