الموضوع: احذروا التركيب عن محل البربري في احمد سعيد - تجربة سيئة

سلام عليكم
امبارح كنت معدي في احمد سعيد شفت محل الاكسسوارات ده و قلت ابص بصة
المهم المحل من جوة كأني رحت التوفيقية , كمية اكسسوارات بسيطة كتييييير اوي
المهم يعني عجبني طقم غمازات رفارف
فسألت واحد واقف , يركب ده على اللانوس ؟
قال لي يركب طبعا , قلت له طب تعال ركبه
راح يركبه كسر افيزه !!!!!!!!!!!!!!
و يقول لي اهو ركب تمام و هو سااااااااااااايب خالص !!!!!!!!
قلت ما ينفعنيش الكلام ده , قعد يقاوحني شوية ,
و بعدين قال لي طب تدفع 5 جنيه حل و تركيب !!!
قلت له لا استنى هاخد حاجة تانية من عندك و بتاع و دخلت بيه تاني المحل , و هناك دخلت على صاحب المحل و الراجل كان كويس بصراحة و الشيء ده قصر الدور و سابنا و مشي
المهم اشتريت غطيان البدالات السبور دول , و راح واحد تاني يركبهم (الحاجة الوحيدة اللي اتعملت صح)
و التاني بيركب صنايعي تالت راح يبص على الغمازات
حضرته و هو بيفك غماز عربيتي كسر أفيزه !!!!!!!!!
ما شاء الله صنايعي مش عارف يركب غماز و التاني مش عارف يفك غماز
المهم انا كظمت غيظي بالعافية و قلت له ايه اللي عملته ده و بتاع , و راح لازق الغماز بدابل فيس و اختفى من وشي و انا عمال ادوس على نفسي عشان ما اعملش خناقة و اطالبه بتمن الغماز , غيظا منهم مش عشان ال10 جنيه بتوع الغماز

الخلاصة : صاحب المحل راجل متعاون و خدوم , الصنايعية زي الزفتتتتتتتتتتتتتتتتتتتتت تت